Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinBu məqalədə daxili keçidlərin artırılmasına ehtiyac var. |
Ceyran Şirin qızı Bayramova (22 mart 1896, Zərqava, Quba qəzası – 22 dekabr 1987, Bakı) — Azərbaycanda qadın hərəkatının veteranı. Şərqdə ilk dəfə olaraq öz mənzilində qadınlar klubu yaratmışdır[1], iki dəfə Lenin ordeni, "Oktyabr inqilabı" ordeni ilə təltif edilmişdir.
| Ceyran Bayramova | |
|---|---|
 | |
| Şəxsi məlumatlar | |
| Doğum tarixi | 22 mart 1896 |
| Doğum yeri | |
| Vəfat tarixi | 22 dekabr 1987 (91 yaşında) |
| Vəfat yeri | |
| Partiya |
|
| Həyat yoldaşı | |
|
|
|
| Təltifləri |
   |
1930-cu illərdə repressiyaya məruz qalmış, Sibirə sürgün edilmişdir. 1956 ildə bəraət almış, Bakıya qayıtdıqdan sonra yenidən ictimai-siyasi həyata qatılmışdır.
22 mart 1896-cı ildə Quba rayonunun Zərqava kəndində qulluqçu ailəsində anadan olub[2]. İlk təhsilini Bakı 3-cü rus-tatar qız məktəbində alıb, sonra qızlar qimnaziyasında oxuyub.
Bakıda Əli Bayramov adına qadın klubunun açılmasında böyük rolu olub. 1929-cu ildə Bakıda Azərbaycan qadınların birinci qurultayında iştirak edib. Azərbaycanın ictimai-siyasi həyatında fəal iştirak etmiş, Azərb. qadınlarının 1-ci qurultayının keçirilməsində böyük rol oynamışdır.
Həyat yoldaşı Oruc Bayramov 1935-ci ildə XDİK tərəfindən əks-inqilabi təbliğat aparmaqda günahlandırılaraq həbs edilmiş, 1937-ci il 31 iyul tarixdə güllələnməyə məhkum olunmuşdur. SSRİ MİK-nin 4 iyul 1934-cü il qərarı əsas tutularaq Ceyran Bayramova "Vətən xaini"nin həyat yoldaşı kimi SSRİ XDİK Xüsusi Müşavirəsinin 8 sentyabr 1937-ci il qərarı ilə cəzasını islah-əmək düşərgəsində çəkməklə 8 il müddətinə azadlıqdan mərhum edilmiş və Qazaxıstanın Akmolinski həbs düşərgəsinə göndərilmişdir. Həbs edilərkən ailə tərkibi aşağıdakılardan ibarət olmuşdur: oğlu — Bayramov Əli — 13 yaş, Bayramov Fərid — 11 yaş, Bayramov Aydın — 9 yaş, qızı — Bayramova Nazilə — 3 yaşında. Azərbaycan SSR Ali Məhkəməsinin Cinayət İşləri üzrə Məhkəmə Kollegiyasının 14 dekabr 1955-ci il tarixli qərarına əsasən Bayramova Ceyran Şirin qızına bəraət verilmişdir.
Bakıya qayıtdıqdan sonra yenidən ictimai-siyasi həyata qatılmışdır. iki dəfə Lenin ordeni, "Oktyabr inqilabı" ordeni ilə təltif edilmişdir.
1987-ci ildə vəfat etmişdir.
2022-ci il dekabrın 17-də Azərbaycan Dövlət Gənc Tamaşaçılar Teatrında Stalin repressiyaları dövründə repressiyaya məruz qalmış siyasi məhbusların həyat yoldaşlarının başına gələn hadisələr haqqında "Kod adı: "V. X. A."" və ya Kod adı "Vətən xainlərinin arvadları" tamaşasının premyerası olub[3][4]. Tamaşada Ceyran Bayramovanın həbsi və sürgün edilməsi də təsvir edilir.[5].Əlavə olaraq qeyd edək ki, hal hazırda Quba rayon Zərqova kənd tam orta məktəbi Ceyran xanım Bayramovanın adını daşıyır.
- ↑ "Çadrasını atan ilk azərbaycanlı qadının qətli – İki əsr yaşı olan bina söküləcəkmi?". Kulis.az (az.). İstifadə tarixi: 23 aprel 2025.
- ↑ "BAYRAMOVA Ceyran Şirin qızı". 5 mart 2016 tarixində arxivləşdirilib. İstifadə tarixi: 1 oktyabr 2013.
- ↑ ""Kod adı: V.X.A" tamaşası növbəti dəfə səhnədə" (az.). Azərbaycan Dövlət İnformasiya Agentliyi. 27 fevral 2023. 28 fevral 2023 tarixində arxivləşdirilib. İstifadə tarixi: 6 mart 2023.
- ↑ "Kod adı – V.X.A – (Xalq düşmənlərinin arvadları...)" (az.). 525-ci qəzet. 17 iyun 2022. 17 iyun 2022 tarixində arxivləşdirilib. İstifadə tarixi: 6 mart 2023.
- ↑ ""Kod adı "V.X.A" – Gənc Tamaşaçılar Teatrında premyera" (az.). medeniyyet.az. 18 dekabr 2022. 18 dekabr 2022 tarixində arxivləşdirilib. İstifadə tarixi: 27 fevral 2023.
- Nizamiqızı, Həmidə. "Kübar qadının puç arzuları". www.anl.az/“Mədəniyyət” qəzeti. 5 oktyabr 2012. İstifadə tarixi: 23 aprel 2025.