Ceyn Uilyams (1 fevral 1806[1][2], Çelsi, Böyük London[3] – 15 mart 1885[1][2], Çelsi, Böyük London)[4] uelsli yazıçı, folklorşünas. Tez-tez "İsqafel" adlı bardik adı ilə tanınırdı. O, bəzən öz dövrünün digər yazıçısı Mariya Ceyn Uilyams ilə qarışdırılır. Uilyams Çelsidə doğulmuş və Breknokşir bölgəsindəki Talqart yaxınlığında yerləşən Neuadd Felendə yaşamışdır. Onun əsas elmi maraq dairəsinə Uels tarixi, Uels ədəbiyyatı və Uels folkloru daxil idi. 1862-ci ildə Uilyams kelt nağılları, əfsanələr və xalq hekayələri haqqında kitab yazmışdır. 1869-cu ildə isə Uels tarixi haqqında kitab yazmış və onu öz sözləri ilə "etibarlı mənbələrə əsaslanan" bir əsər kimi təsvir etmişdir.
| Ceyn Uilyams | |
|---|---|
_(cropped).jpg) | |
| Doğum tarixi | 1 fevral 1806[1][2] |
| Doğum yeri |
|
| Vəfat tarixi | 15 mart 1885[1][2] (79 yaşında) |
| Vəfat yeri |
|
| Dəfn yeri |
|
| Fəaliyyəti | şair, tarixçi, bioqraf, yazıçı, folklorşünas |
Uilyams Çelsidə doğulmuş və bir dəniz zabitinin qızı idi. O, gəncliyini Talqart yaxınlığındakı Neuadd Felen ailə malikanəsində keçirmişdir. Burada o, Uels tarixi, ədəbiyyatı və folkloruna maraq göstərməyə başlamış və Ledi Llanover kimi tanınan Avgusta Holl ilə sıx ünsiyyətdə olmuşdur. 1824-cü ildə şeirlər toplusunu öz hesabına nəşr etdirmişdir. Daha sonra Uelsdə təhsil, Uels folkloru və keşiş Tomas Prays haqqında kitablar yazmışdır.
1854-cü ildə "Kembrian" jurnalının ilk cildində nəşr olunan ilk məqalənin müəllifi olmuşdur. Bu məqalə 1843-cü ildə almaniyalı Dr Karl Meyer tərəfindən fransızca yazılmış və onun tərəfindən ingiliscəyə çevrilmiş filoloji araşdırma idi. Bu araşdırma 1842-ci ilin oktyabrında Aberqavenni şəhərində keçirilən Kimreygiddion i Fenni Eisteddfodunda (Uelsdə keçirilən ənənəvi musiqi, poeziya və mədəniyyət festivalı) böyük mükafata layiq görülmüşdü.[5]
1856-cı ildə Çelsiyə qayıdaraq yazı və nəşr işlərinə davam etmişdir. 1857-ci ildə tibb bacısı Elizabet Devis haqqında bir kitab yazmışdır. 1869-cu ildə Uels tarixi haqqında yazdığı kitab yüksək qiymətləndirilmişdir. Qlazböri icmasının tarixi haqqında tədqiqatı 1870-ci ildə "Archaeologia Cambrensis" jurnalında nəşr olunmuşdur. 1873-cü ildə isə Brinli Riçardsın "Uels mahnıları" kitabının hazırlanmasına kömək etmişdir.
Uilyams ömrünün sonuna qədər Londonda yaşamış və Brompton Qəbiristanlığında dəfn olunmuşdur. 2020-ci ildə Uels Universitetində Qvinet Tayson Roberts tərəfindən yazılmış Ceyn Uilyamsın bioqrafiyası nəşr olunmuşdur.[6]
- Miscellaneous Poems (Müxtəlif şeirlər) (1824)
- Twenty Essays on the Practical Improvement of God's Providential Dispensations as Means to the Moral Discipline to the Christian (Xristianlar üçün ilahi qəzavü-qədərin əxlaqi intizam vasitəsi kimi praktiki təkmilləşdirilməsi haqqında 20 məqalə) (1838)
- Artegall; or Remarks on the Reports of the Commissioners of Inquiry into the State of Education in Wales (Arteqall; və ya Uelsdə təhsilin vəziyyəti haqqında araşdırma komissiyası hesabatlarına dair qeydlər) (1848)
- The Literary Remains of the Rev. Thomas Price, Carnhuanawc … with a Memoir of his Life (Keşiş Tomas Praysın ədəbi irsi, Karnhuanauk… və həyatı haqqında xatirə) (1854–55)
- The Autobiography of Elizabeth Davis, a Balaclava Nurse, Daughter of Dafydd Cadwaladr (Balaklava Ttbb bacısı Elizabet Devisin avtobioqrafiyası, Dafidd Kadvaladrin qızı) (1857)
- The Literary Women of England (İngiltərənin ədəbi qadınları) (1861)
- Celtic Fables, Fairy Tales and Legends versified (Kelt əfsanələri, nağıllar və rəvayətləri – şeir şəklində) (1862, ilk dəfə 1849–50-ci illərdə "Ainsworth’s Magazine" jurnalında nəşr olunmuş "Cambrian Tales" əsərinin yenidən çapı)
- A History of Wales: Derived from Authentic Sources (Uels tarixi: etibarlı mənbələrə əsasən) (1869, Longmans, Green & Co., London) – 2010-cu ildə Cambridge University Press tərəfindən yenidən nəşr olunmuşdur.
- ↑ 1 2 3 4 Jane Williams // https://womensprinthistoryproject.com/person/721.
- ↑ 1 2 3 4 A Historical Dictionary of British Women (ing.). 2 Routledge, 2003. P. 460. ISBN 978-1-85743-228-2
- ↑ 1 2 Blain V., Grundy I., Clements P. The Feminist Companion to Literature in English (ing.): Women Writers from the Middle Ages to the Present. 1990. P. 1169.
- ↑ Brinley Rees. "Williams, Jane Arxiv surəti 8 mart 2019 tarixindən Wayback Machine saytında". Dictionary of Welsh Biography. National Library of Wales. Retrieved 7 March 2019.
- ↑ An Essay on the Celtic Languages by Dr. Carl Meyer, of Rinteln, translated from the original French by Jane Williams (Ysgafell) // The Cambrian Journal. I. 1854. 5–33.
- ↑ Roberts, Gwyneth Tyson. Jane Williams (Ysgafell). University of Wales Press. 15 April 2020. ISBN 9781786835642.