Ceyn Ç. Bek (ing. Jane C. Beck; 1941) — amerikalı folklorşünas və şifahi tarixçi.[1] O, Vermont Folklor Mərkəzinin qurucusu və fəxri icraçı direktorudur. Bek Vermont folkloru və afroamerikalı inancları haqqında tədqiqatlar dərc etmişdir.
| Ceyn Bek | |
|---|---|
| ing. Jane C. Beck | |
.jpg) | |
| Doğum tarixi | 1941 |
| Təhsili |
|
| Fəaliyyəti | folklorşünas |
 Vikianbarda əlaqəli mediafayllar | |
Ceyn (qızlıq soyadı Çoat) Nyu-Yorkun Lonq-Aylend şəhərində böyümüşdür. Onun atası Tomas Hayd Çoat investisiya bankiri, anası Ceyn Hart Çoat isə bir neçə xeyriyyə təşkilatında fəaliyyət göstərmişdir.[2] Bek Merilend ştatındakı Sent-Timoti Məktəbində təhsil almış, daha sonra Vermont ştatında yerləşən Middlberi Kollecinə daxil olmuşdur. Burada Amerika ədəbiyyatını öyrənmiş və gələcək həyat yoldaşı, professor Horas Bek ilə tanış olmuşdur.[3] O, Middlberi Kollecini bitirdikdən sonra Pensilvaniya Universitetində folklor üzrə magistratura təhsili almış və 1965-ci ildə Horas ilə evlənmişdir. 1969-cu ildə “Britaniya adaları və İrlandiyada ruhlar haqqında inanclar” adlı dissertasiya ilə doktorluq dərəcəsini müdafiə etmişdir.[2]
Bek 1978-ci ildə Vermont ştatının ilk dövlət folklorçusu kimi fəaliyyətə başlamışdır.[4] Bu vəzifə Vermont İncəsənət Şurası tərəfindən yaradılmışdır. O, 1983-cü ildə Vermont Folklor Mərkəzini özəl qeyri-kommersiya təşkilatı kimi təsis etmiş və 2007-ci ilə qədər icraçı direktor vəzifəsində çalışmışdır.[4]
Təqaüdə çıxdıqdan sonra Bek "Deyzi Törnerin nəsli: Afroamerikalı bir ailənin dastanı" adlı kitabını nəşr etdirmişdir. Deyzi Törner azad edilmiş afroamerikalı kölələrin qızı idi və kitab onun ailəsinin dörd nəsillik şifahi tarixini əks etdirir.[5] Bek Törnerlə ilk dəfə 1983-cü ildə, o, 100 yaşında olarkən müsahibə aparmışdır. Kitab üzərində araşdırma aparmaq üçün Bek Virciniya, Qərbi Afrika və İngiltərəyə səyahət etmişdir.[1]
Bek 1995-1996-cı illərdə Amerika Folklor Cəmiyyətinin prezidenti olmuşdur.[6] Onun prezident nitqi “Talking Stock” adlanırdı və cəmiyyətdə keçirdiyi 35 il barədə düşüncələrini əks etdirirdi.[4] Bu çıxışda o, cəmiyyətin 100 üzvü ilə apardığı müsahibələrə əsaslanmışdır. O, Vermont Universitetinin Vermont Araşdırmaları Mərkəzi tərəfindən “Ömürlük Nailiyyət” mükafatına layiq görülmüşdür.2016-cı ildə “Deyzi Törnerin nəsli: Afroamerikalı bir ailənin dastanı” kitabı Amerika Fol klor Cəmiyyəti tərəfindən Verilənd D. Hand mükafatı və Çikaqo Folklor Mükafatına layiq görülmüşdür.[7]
- Beck, Jane C. (1970). "The White Lady of Great Britain and Ireland". Folklore. 81 (4): 292–306. ISSN 0015-587X.
- Beck, Jane C. (1972). "The Giant Beaver: A Prehistoric Memory?". Ethnohistory. 19 (2): 109–122. DOI:10.2307/481746. ISSN 0014-1801.
- Beck, Jane C. (1973). "'Dream Messages' from the Dead". Journal of the Folklore Institute. 10 (3): 173–186. DOI:10.2307/3814194. ISSN 0015-5934.
- Beck, Jane C. (1975). "The West Indian Supernatural World: Belief Integration in a Pluralistic Society". The Journal of American Folklore. 88 (349): 235–244. DOI:10.2307/538884. ISSN 0021-8715.
- Beck, Jane C. (1976). "The Implied Obeah Man". Western Folklore. 35 (1): 23–33. DOI:10.2307/1499150. ISSN 0043-373X.
- Beck, Jane C (1979). To Windward of the Land: The Occult World of Alexander Charles. Bloomington; London: Indiana Univ. Pr. OCLC 253420043.
- Beck, Jane C (1982). Always in Season: Folk Art and Traditional Culture in Vermont. Montpelier, Vt.: Vermont Council on the Arts. ISBN 0-916718-09-3. OCLC 9359736.
- Beck, Jane C (1995). Vermont recollections: sifting memories through the interview process. Orono: Maine Folklife Center. ISBN 978-0-943197-22-7. OCLC 479593651.
- Beck, Jane C (1985). Legacy of the Lake: A Study Guide to Folklore of the Lake Champlain Region. Montpelier, Vt.: Vermont Folklife Center.
- Beck, Jane C (1988). The General Store in Vermont: An Oral History. Middlebury, Vt.: Vermont Folklife Center. OCLC 31008374.
- Beck, Jane C. (1997). "Taking Stock: 1996 American Folklore Society Presidential Address". The Journal of American Folklore. 110 (436): 123–139. DOI:10.2307/541809. ISSN 0021-8715.
- Beck, Jane C. (2015). Daisy Turner's Kin: An African American Family Saga. Urbana. ISBN 978-0-252-09728-7. OCLC 910662349.
- Gerzina, Gretchen; Beck, Jane C.; Kolovos, Andy; Chambliss, Julian C.; Veitch, Ezra; Bennett, Marek. (2021). Turner family stories : from enslavement in Virginia to freedom in Vermont. Middlebury, VT. ISBN 978-0-916718-01-5. OCLC 1274236620.
- ↑ 1 2 University of Illinois Press. "UI Press | Jane C. Beck | Daisy Turner's Kin". www.press.uillinois.edu (ingilis). İstifadə tarixi: 2022-04-05.
- ↑ 1 2 Walsh, Molly. "Folklorist Jane Beck Wrote the Book on Freed Slaves in Vermont". Seven Days (ingilis). İstifadə tarixi: 2022-04-05.
- ↑ Beck, Jane C. Ghostlore of the British isles and Ireland (Tezis) (English). Ann Arbor, Mich.: University Microfilms International. 1980. OCLC 66018400.
- ↑ 1 2 3 Beck, Jane C. "Taking Stock: 1996 American Folklore Society Presidential Address". The Journal of American Folklore. 110 (436). 1997: 123–139. doi:10.2307/541809. ISSN 0021-8715. JSTOR 541809.
- ↑ "Jane Beck". Vermont Humanities (ingilis). 2016-06-24. İstifadə tarixi: 2022-04-05.
- ↑ "Past AFS Presidents". The American Folklore Society (ingilis). İstifadə tarixi: 2022-04-05.
- ↑ "Awards: Daisy Turner's Kin". Illinois Press Blog (ingilis). 2016-10-28. İstifadə tarixi: 2022-04-05.
- Jane C. Beck speaking on the PBS network show 'Profile', 24 January 2005.
- Jane C. Beck speaking on the PBS network show 'Connect' about Daisy Turner's kin, 15 October 2015.