Cefri Leyn Fleyk (ing. Jeffrey Lane Flake 31 dekabr 1962[2]) - ABŞ siyasətçisi, diplomatı və səfiri.[3]
| Cef Fleyk | |
|---|---|
| ing. Jeff Flake | |
 | |
Amerika Birləşmiş Ştatlarının Türkiyədə səfiri | |
| 26 yanvar 2022 – 1 sentyabr 2024 | |
| Əvvəlki | David M. Satterfield |
| Sonrakı | Tom Barrack |
Arizona ştatının senatoru | |
| 3 yanvar 2013 – 3 yanvar 2019 | |
| Əvvəlki | Jon Kyl |
| Sonrakı | Kyrsten Sinema |
| 3 yanvar 2001 – 3 yanvar 2013 | |
| Əvvəlki | Matt Salmon |
| Sonrakı | Matt Salmon |
| Şəxsi məlumatlar | |
| Doğum tarixi | 31 dekabr 1962 |
| Doğum yeri | Snowflake, Arizona, ABŞ |
| Partiya | Respublikaçılar Partiyası |
| Təhsili | Brigham Young Universiteti |
| Fəaliyyəti | siyasətçi |
| Həyat yoldaşı | Cheryl Bae (1985-ci ildən) |
| Uşağı | 5 |
| Dini | Mormonizm[1] |
| Təltifləri |
 |
 Vikianbarda əlaqəli mediafayllar | |
İyun 2021-ci ildə ABŞ Prezidenti Co Bayden tərəfindən Türkiyəyə ABŞ-ın səfiri vəzifəsinə namizəd göstərilmiş[4] 26 oktyabr 2021-ci il tarixində Senatın təsdiqini almış və 26 yanvar 2022-ci ildə etimadnaməsini Prezident Rəcəb Tayyib Ərdoğana təqdim edərək vəzifəsinin icrasına rəsmi olaraq başlamışdır.
Arizona ştatının Snowflake şəhərində anadan olan Cef, Brigham Young Universitetində beynəlxalq münasibətlər ixtisası üzrə bakalavr dərəcəsi, daha sonra isə siyasi elmlər üzrə magistr dərəcəsi almışdır. 1980-ci illərin əvvəllərində Cənubi Afrikada İsa Məsihin Son Zaman Müqəddəsləri Kilsəsi üçün missioner kimi fəaliyyət göstərmişdir. Amerika Birləşmiş Ştatlarına qayıtdıqdan sonra Goldwater İnstitutunun icraçı direktoru vəzifəsində çalışmışdır. 2001–2013-cü illər arasında ABŞ Nümayəndələr Palatasının üzvü olmuşdur.[5]
Cef, vəzifədə olan Con Kaylın istefaya çıxacağını açıqlamasından sonra 2012-ci il Senat seçkiləri üçün namizəd olmuşdur. Ümumi seçkilərdə Demokrat Partiyanın namizədi Riçard Karmonanı məğlub etmişdir. Flake 2013-cü ildə immiqrasiya islahatı haqqında qanunun Senatdan keçməsini təmin edən iki partiyalı ABŞ senatorlarından ibarət “Səkkizlər Çətəsi”nun üzvlərindən biri olmuşdur.[6]
2021-ci ilin iyun ayında ABŞ Prezidenti Co Bayden Cef Fleyki Amerika Birləşmiş Ştatlarının Türkiyə üzrə səfiri vəzifəsinə namizəd göstərdiyini açıqlamışdır.[4] Cef açıqlamadan sonra verdiyi bəyanatda Baydenin partizanlığa qarşı mövqeyindən məmnunluq duyduğunu ifadə etmişdir.[7]
Fleyk keçmişdə 1915-ci il Erməni qırğını hadisələrini “soyqırımı” kimi xarakterizə etməmiş və F-35 döyüş təyyarələrinin Türkiyəyə satılmaması məsələsində əleyhinə səs vermişdir. O, həmçinin Andrew Brunsonun azadlığa buraxılması ilə bağlı məktuba imza atan şəxslərdən biri olmuşdur.[8]
Cef Konqresdəki fəaliyyəti dövründə əsasən Afrika ilə bağlı mövzularda aktiv olmuş, daha əvvəl isə Cənubi Afrika və Zimbabvedə mormon missioneri kimi xidmət göstərmişdir; bu səbəbdən Fleyk-in Türkiyə üzrə ABŞ səfiri vəzifəsinə namizəd göstərilməsi media tərəfindən gözlənilməz bir addım kimi dəyərləndirilmişdir.[9]
Fleyk ABŞ-ın keçmiş prezidenti Donald Trampla eyni partiyadan olmasına baxmayaraq, Trampın prezidentliyi dövründə onu tez-tez tənqid etməsi ilə tanınırdı. Fleyk 2018-ci ildə etdiyi bir çıxışda belə demişdi:
“Prezidentliyimiz hazırda dağıdıcılığa və ayrı-seçkiliyə qarşı tükənməz bir iştaha malik olan və Konstitusiyanın necə işlədiyi barədə yalnız səthi biliyi olan biri tərəfindən alçaldılır.”[9]
- ↑ https://github.com/unitedstates/congress-legislators.
- ↑ Jeff Flake // GeneaStar.
- ↑ "Jeff Flake". NNDB. 28 dekabr 2004 tarixində arxivləşdirilib. İstifadə tarixi: 20 noyabr 2017.
- 1 2 "President Biden Announces 11 Key Nominations". The White House. 13 iyul 2021 tarixində arxivləşdirilib.
- ↑ Sanchez, Yvonne Wingett. "Jeff Flake won't run for president, joins CBS News as a contributor". The Arizona Republic (ingilis). İstifadə tarixi: 23 avqust 2020.
- ↑ "Poll: Sanders most popular senator, Flake least". The Hill. 10 yanvar 2019. 11 yanvar 2019 tarixində arxivləşdirilib. İstifadə tarixi: 24 yanvar 2019.
- ↑ "Biden, Ankara büyükelçisi olarak eski Cumhuriyetçi senatör Jeff Flake'i önerdi". Diken. 17 iyul 2021 tarixində arxivləşdirilib. İstifadə tarixi: 17 iyul 2021.
- ↑ "Biden'ın büyükelçi adayı olarak aday gösterdiği Jeff Flake'in Türkiye karnesi". Halk TV. 14 iyul 2021 tarixində arxivləşdirilib.
- 1 2 "Jeff Flake: Biden, eski Cumhuriyetçi senatörü Ankara Büyükelçiliği'ne aday gösterdi". BBC News Türkçe. 17 iyul 2021 tarixində arxivləşdirilib.