Carvis Brenson Koker (19 sentyabr 1963[1], Şeffild, Yorkşir[d][2]) — İngiltərə müğənnisi; musiqiçi. "Pulp" qrupunu yaradıb və uzun illər onun aparıcı siması olub. Qrupun bütün mahnı sözlərini özü yazıb. 90-cı illərdə Britpop dalğasının ön sıralarında gedən sənətçi sonralar səhnə fəaliyyətini tək davam etdirib.[3] BBC radiosunda yeddi il ərzində həftəlik musiqi verilişi hazırlayıb və təqdim edib.[4]
| Carvis Koker | |
|---|---|
| ing. Jarvis Cocker | |
_(53082349174)_(cropped).jpg) C. Koker 2023-cü ildə | |
| Ümumi məlumatlar | |
| Doğum tarixi | 19 sentyabr 1963[1] (62 yaş) |
| Doğum yeri | |
| Musiqiçi məlumatları | |
| Fəaliyyəti | musiqiçi, müğənni-bəstəkar, gitaraçı, müğənni, bəstəkar, söz yazıçısı[d] |
| Fəaliyyət illəri | 1978-ci ildən |
| Janrlar | pop musiqisi, alternativ rok |
| Musiqi alətləri | gitara |
| Səs tembri | tenor |
| Albom şirkəti | Island Records |
| jarviscocker.net | |
 Vikianbarda əlaqəli mediafayllar | |
Şeffilddə böyüyən Carvisin uşaqlıq illəri asan keçməyib. Siti məktəbində oxuduğu vaxtlar atası Mak ailəni tərk edib.[5] Radio və teatrda işləyən atası Avstraliyaya köçüb, Sidneydə məskunlaşıb. İllər boyu nə oğlu Carvislə, nə də qızı Saskiya ilə maraqlanıb. Uşaqlar analarının qanadı altında böyüyüblər.[6] Anaları Kristin sonradan ictimai həyata qoşulub, Mühafizəkarlar Partiyasından yerli idarəetməyə seçilib.[7]
Carvisin atası Avstraliyada radio aparıcısı kimi ad qazanıb. "Double J" (indiki "Triple J") kanalında efirə çıxıb. Oğlu isə atasının ailəni atıb getməsinin ağrısını yaşayıb.[8] Həyatının ən çətin vaxtında qulluqçuluq etməli olub və bütün bu yaşadıqlarını "A Little Soul" mahnısında əks etdirib.[9] 1998-ci ildə bacısı ilə Sidneyə yollanıb, otuz il sonra ilk dəfə atasını görüb.[10] 2018-ci ildə vəfat edən atasını bağışladığını deyən Carvis "ona nifrət etmirəm, sadəcə halına acıyıram" sözlərini dilə gətirib.[11]
Kokerin həyatının ən çətin dövrü səksəninci illərə təsadüf edib. İşsiz qaldığından dövlətdən müavinət alıb, sığınacaq kimi köhnə zavod binasını seçib.[12][13] Sonra Londona gedib, lakin orada da vəziyyəti yaxşı olmayıb, qanuni yaşayış yeri tapa bilmədiyindən boş binalarda qalmalı olub.[14]
- ↑ 1 2 Jarvis Cocker // Česko-Slovenská filmová databáze (çeş.). 2001.
- ↑ 1 2 Deutsche Nationalbibliothek Record #134995937 // Gemeinsame Normdatei (alm.). 2012—2016.
- ↑ "COMMON PEOPLE – THE STORY OF PULP". BBC. İstifadə tarixi: 21 dekabr 2019.
- ↑ "Jarvis's Sunday Service". BBC. İstifadə tarixi: 11 mart 2012.
- ↑ "Pulp's Jarvis Cocker goes back to his old Sheffield high school". NME. 8 oktyabr 2011. İstifadə tarixi: 19 aprel 2020.
- ↑ Letts, Quentin. "Jarvis was a wonderful mistake". The Daily Telegraph. 13 iyun 1998. 3 aprel 2015 tarixində orijinalından arxivləşdirilib. İstifadə tarixi: 3 fevral 2019.
- ↑ "Jarvis Cocker: Lone star". The Independent. UK. 23 dekabr 2006. İstifadə tarixi: 10 mart 2009.
- ↑ Levin, Darren. "12 things you should know about Double J". Faster Louder. Faster Louder Pty Ltd. 9 aprel 2014. 13 aprel 2014 tarixində orijinalından arxivləşdirilib. İstifadə tarixi: 12 aprel 2014.
- ↑ "Interviews: Jarvis Cocker". Pitchfork. 21 noyabr 2014. 5 fevral 2016 tarixində orijinalından arxivləşdirilib. İstifadə tarixi: 10 yanvar 2016.
- ↑ "Jarvis Cocker Reunited With Father". Gigwise.com. İstifadə tarixi: 19 aprel 2020.
- ↑ "Pulp – Acrylic Afternoons – Jarvis Cocker Interview". Acrylic Afternoons. 16 mart 2002. İstifadə tarixi: 12 avqust 2014.
- ↑ Cocker, Jarvis. "Pulp fiction". The Guardian (ingilis). 16 aprel 2008. ISSN 0261-3077. İstifadə tarixi: 19 avqust 2023.
- ↑ Barber, Lynn. "Jarvis Cocker measures out his life in attic junk". The Spectator (ingilis). 16 iyun 2022. İstifadə tarixi: 19 avqust 2023.
- ↑ "Jarvis Cocker's ordinary world". The Line of Best Fit. 16 iyul 2020. İstifadə tarixi: 24 fevral 2023.
- jarviscocker.net — rəsmi saytı
- Carvis Koker — IMDb səhifəsi