Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinCakarta İslam Mərkəzi (JIC) — İndoneziyanın Cakarta şəhərinin Koja bölgəsində yerləşən İslam təlimi və tədqiqatları mərkəzi. JIC-nin fəaliyyətlərinə "ZISWAF" (zəkat, infaq, sədəqə və vəqf) təşviqi, təhsil (TPA, Mədrəsə, İcma Öyrənmə Mərkəzi), sosial-iqtisadi fəaliyyətlər (məscid kooperativləri), müntəzəm dini dərslər, Təbliğ Akbar və İslam bayramlarının qeyd edilməsi daxildir.
| Cakarta İslam Mərkəzi | |
|---|---|
 | |
 | |
| Ölkə | |
|
islamic-center.or.id islamic-center.or.id |
|
Mərkəzin yerləşdiyi ərazidə əvvəllər 1972-ci ildə qurulmuş Kramat Tunqqak adlı Qırmızı fənər məhəlləsi var idi. Yerli icmalar bu məhəllənin qurulmasına qarşı çıxırdılar və onun qurulmasına qarşı mübarizə aparırdılar. 1998-ci ildə Cakarta qubernatoru qırmızı fənər məhəlləsini bağlamaq qərarına gəldi.[1] Məhəllə rəsmi olaraq 31 dekabr 1999-cu ildə bağlandı.[2] 2001-ci ildə Cakarta qubernatoru Sutiyoso bütün ictimai təbəqələrlə bir beynəlxalq müzakirə forumu keçirdi. Cakarta İslam Mərkəzinin qurulması ideyası Sutiyoso tərəfindən Nyu-Yorkda Professor Əzyumardi Əzrəyə (o zaman UIN Şərif Hidayətullahın rektoru) təqdim edildi. Mərkəzin şüarı yalnız bir məscid tikmək deyildi. Onların əsas məqsədi CİM-i İndoneziya və Cənub-Şərqi Asiyada İslam mədəniyyətinin mərkəzi qovşaqlarından birinə çevirmək idi.[3]
CİM keçmiş qırmızı işıqlar məhəlləsinin yerində qurulub. Ərazi 2003-cü ildən bəri fəaliyyət göstərir. Kompleks 7 hektar ərazini əhatə edir və 6,000 m² məscid və İslam təlimi üçün yer daxildir.[4][5] 2003 və 2004-cü illərdə Qubernatorun iki qərarı (99/2003 və 651/2004) mərkəzin təşkilati və iş quruluşunu formalaşdırdı.[6]
- ↑ Law: SK Gubernur KDKI Jakarta No. 495/1998
- ↑ Law: SK Gubernur KDKI Jakarta No. 6485/1998
- ↑ "Masjid Jakarta Islamic Centre: Bangun Peradaban Islam dari Sejarah Kelam". 31 dekabr 2018 tarixində orijinalından arxivləşdirilib. İstifadə tarixi: 17 iyul 2017.
- ↑ Louis. "Hitam Menjadi Putih". Wisata Pesisir. Wisata Pesisir.com. 23 mart 2010. 27 mart 2010 tarixində orijinalından arxivləşdirilib. İstifadə tarixi: 17 iyul 2017.
- ↑ "Kramat Tunggak, Dulu Lokalisasi Pelacuran Kini Pusat Keagamaan (Indonesian)". Fajar Online. 18 fevral 2010. 19 fevral 2010 tarixində orijinalından arxivləşdirilib. İstifadə tarixi: 17 iyul 2017.
- ↑ "Sejarah Pembangunan Jakarta Islamic Centre, diakses dari situs islamic-center.or.id". 15 yanvar 2013 tarixində orijinalından arxivləşdirilib. İstifadə tarixi: 17 iyul 2017.
- islamic-center.or.id — rəsmi saytı
- english.islamic-center.or.id — rəsmi saytı (ingiliscə)