Buqalu hərəkatı

Buqalu hərəkatı (ing. boogaloo movement) və ya Buqalu oğlanları (ing. boogaloo boys, ing. boogaloo bois^[1]) — ABŞ-də şəkildə təşkil olunmuş ifrat sağçı anti-hökumət ekstremist hərəkatdır.^[2][3][4][5] O, həmçinin milis^[ing.] kimi təsvir edilmişdir.^[6][7] Hərəkatın tərəfdarları bildirirlər ki, onlar ikinci ABŞ vətəndaş müharibəsi və ya ikinci Amerika inqilabı üçün hazırlaşır.^[8]

Hərəkat silah tərəfdarı, hökumət əleyhinə olan qruplardan ibarətdir.^[9] Bu qrupların ideologiyası və irq kimi mövzulara baxışları geniş şəkildə fərqlənir.^[8][10] Bəziləri ağdərililərin üstünlüyünü müdafiə edən və ya neo-nasist qruplardır. Onlar yaxınlaşan iğtişaşların irqlərarası müharibə olacağına inanırlar.^[3][11] İrqçiliyi və ağların üstünlüyünü pisləyən qruplar da mövcuddur.^[6]

Hərəkat ilk növbədə onlayn şəkildə təşkil olunur, lakin təşkilat dəstəkçiləri COVİD-19 karantini əleyhinə etirazlar və Corc Floyd etirazlarında görünüblər. Onları yaraqlarından və Havay köynəklərindən^[ing.] tanımaq olur.^[12][13][14]

Hərəkat əvvəlcə 4chanda^[ing.] yaranıb sonra digər platformalara yayılıb.^[15][16] Bu terminin ilk istifadəsi 2012-ci ilə təsadüf etsə də, 2019-cu ilə qədər hərəkat üzərinə diqqət cəlb etməyib.^[12]