Budö-Qlimt Futbol Klubu (norv. Fotballklubben Bodø/Glimt), qısaca Budö-Qlimt (norv. Bodø/Glimt), Budö və ya keçmiş adı ilə Qlimt — Norveçin Nurlann qraflığındakı Budö şəhərini təmsil edən peşəkar futbol klubu. Hazırda Norveç futbolunun ən yüksək təbəqəsi olan Elitseriyada çıxış edən klub 1916-cı ildə yaradılıb.
| Budö-Qlimt FK | ||||
|---|---|---|---|---|
| FK Bodø/Glimt | ||||
 | ||||
| Klubun tam adı | Fotballklubben Bodø/Glimt | |||
| Ölkə |
 Norveç |
|||
| Ləqəb(lər) |
Glimt ("Qlimt") Superlaget ("Super komanda") Den Gule Horde ("Sarı orda") |
|||
| Rəng(lər) | Sarı-qara | |||
| Yaranma tarixi | 19 sentyabr 1916) | |||
| Stadionu | Aspmira Stadionu | |||
| Tutumu | 8 270 | |||
| Prezidenti | İnqe Henninq Andersen | |||
| Baş məşqçisi | Kyetil Knutsen | |||
| Liqa | Elitseriya | |||
|
| ||||
| Rəsmi saytı | ||||
 Vikianbarda əlaqəli mediafayllar | ||||
"Budö-Qlimt" Elitseriyanın 2020, 2021 və 2023 mövsümlərini qazanaraq Norveç futbolunun üçqat çempionu olub. Onlar həmçinin doqquz dəfə hazırda ləğv olunmuş Şimali Norveç Kubokunu və iki dəfə Norveç Kubokunu qazanıblar. Klub həm də 1975-ci ildə Norveç Kubokunu qazanaraq ölkənin şimalından milli titulu qazanmış ilk komanda, o cümlədən regiondan milli liqanın qalibi olmuş ilk komanda olub.[1]
Klub sarı formaları və tərəfdarların matçlara gətirdikləri, 1970-ci ildən bəri tərəfdarlarının simvolu olan nəhəng sarı diş fırçaları ilə tanınır. "Budö-Qlimt" 2018-ci il mövsümü ərəfəsində yüksək liqaya yüksəldikdən sonra tarixinin ən böyük uğurunu yaşadı, ardıcıl olaraq iki dəfə liqa qalibi oldu, ardınca UEFA Konfrans Liqasının 1/4 finalına və Çempionlar Liqasının pley-off mərhələsinə yüksəlməyi bacardı, amma növbəti mövsümdə Avropa Liqasına düşdü.
- ↑ Smith, Rory. "Norway Has a Must-See Team. Barely Anyone Can Watch It". The New York Times. 8 November 2020. 27 July 2022 tarixində arxivləşdirilib. İstifadə tarixi: 27 July 2022 – NYTimes.com vasitəsilə.