Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinBruno Durdov (xorv. Bruno Durdov; 11 dekabr 2007, Split, Xorvatiya) — Xorvatiya Futbol Liqası təmsilçilərindən olan "Hayduk Split" klubunda hücumçu kimi çıxış edən peşəkar Xorvatiya futbolçusu.
| Bruno Durdov | |||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Ümumi məlumatlar | |||||||||||||||||||||||||
| Tam adı | Bruno Durdov | ||||||||||||||||||||||||
| Doğum tarixi | |||||||||||||||||||||||||
| Doğum yeri | Split, Xorvatiya | ||||||||||||||||||||||||
| Vətəndaşlığı | |||||||||||||||||||||||||
| Boyu | 175 sm | ||||||||||||||||||||||||
| Mövqeyi | Hücumçu | ||||||||||||||||||||||||
| Klub haqqında məlumat | |||||||||||||||||||||||||
| Klub |
 Hayduk Split |
||||||||||||||||||||||||
| Nömrəsi | 34 | ||||||||||||||||||||||||
| Karyerası | |||||||||||||||||||||||||
|
|||||||||||||||||||||||||
|
|
|||||||||||||||||||||||||
 Vikianbarda əlaqəli mediafayllar | |||||||||||||||||||||||||
Durdov futbolçu karyerasına 6 yaşı olarkən Kaştel Qomlitsa klubunda başlamışdır. 2015-ci ildə isə "Hayduk Split" klubuna məxsus Luka Kaliterna akademiyasına qəbul olmuşdur. 2023-cü ilin payızında oyunçu klub ilə 2026-cı ilə qədər yeni müqavilə imzalamışdır.[1] Müqavilə imzaladıqdan sonra Durdov əsas komanda ilə məşq etməyə başlamışdır. O, peşəkar karyerasında debütünü 5 may 2024-cü ildə "Varazdin" klubuna qarşı oyunda etmiş və 82-ci dəqiqədə Yassin Benraunun əvəzinə meydana daxil olmuşdur.[2]
Durdov peşəkar karyerasında ilk qolunu 21 sentyabr 2024-cü ildə "Qoritsa" klubuna qarşı liqa görüşündə vurmuşdur. Həmin görüşdə dublla yadda qalan Durdov komandasına 4-1 hesabı ilə qələbə qazandırmışdır.[3] 16 yaş 9 ay 10 günlüyündə fərqlənməyi bacaran Bruno "Hayduk Split" klubunda qol vuran ən gənc, Xorvatiya Liqasında isə dubl edən ən gənc futbolçu kimi tarixə düşmüşdür.[4][5]
Durdov Xorvatiya U-17 millisi ilə debütünü 15 avqust 2023-cü ildə İslandiya millisinə qarşı yoldaşlıq oyununda etmişdir.[6] İlk qoluna isə 6 noyabr tarixində Farer adaları millisə qarşı Avropa U-17 Çempionatının təsnifat mərhələsi görüşündə imza atmışdır.[7] 17 may tarixində Durdov milli komandanın turnir üçün olan heyətinə daxil edilmişdir.[8] O, çempionatda debütünü qrup mərhələsinin ikinci görüşündə Danimarka millisinə qarşı oyunda etmişdir.[9] Uels millisi ilə qrup mərhələsinin son oyununda start heyətdə meydana çıxan Bruno küncdən birbaşa zərbə ilə rəqib qapısına yol tapmışdır.[10] Lakin milli həmin görüşdə rəqibinə məğlub olmuş və qrupda üçüncü yeri tutaraq pley-offa vəsiqə qazana bilməmişdir.[11]
Durdov oyun zamanı daha çox sol ayağından istifadə edir. Cərimə meydançasının daxilində oynamağı daha çox sevir. Durdov digər oyunçulardan sürətli driblinqi, çevikliyi, topa ilk toxunuşu və onu dəqiq idarə etməsinə görə fərqlənir.[12]
Durdov Split şəhərinin Kaştela aqlomerasiyasının Sucuraç qəsəbəsində anadan olmuşdur. Sonralar ailəsi ilə birlikdə Luksiçə köçmüşdür.[13] Toni və Marino adlı iki böyük qardaşı var. Atası Mate də keçmiş futbolçu olub.[14]
- 27 sentyabr 2024 tarixində yenilənib
| Klub | Mövsüm | Liqa | Ölkə Kuboku | Avropa | Ümumi | |||||
|---|---|---|---|---|---|---|---|---|---|---|
| Diviziya | Oyun | Qol | Oyun | Qol | Oyun | Qol | Oyun | Qol | ||
| Hayduk Split | 2023—24 | Xorvatiya Futbol Liqası | 2 | 0 | 0 | 0 | 0 | 0 | 2 | 0 |
| 2024—25 | Xorvatiya Futbol Liqası | 4 | 2 | 0 | 0 | 4 | 0 | 8 | 2 | |
| Ümumi karyera | 6 | 2 | 0 | 0 | 4 | 0 | 10 | 2 | ||
- ↑ "15-year-old talent trains with Hajduk's first team: Meet Bruno Durdov - News - Nogomania". en.nogomania.com. İstifadə tarixi: 8 iyun 2024.
- ↑ "HNK Hajduk - NK Varaždin 0:1". semafor.hns.family (xorvat). 8 iyun 2024 tarixində arxivləşdirilib. İstifadə tarixi: 8 iyun 2024.
- ↑ "Svi bruje o splitskom wunderkindu: 'Takvu lijevu nogu nismo imali još od Rapajića, ali...'". net.hr (xorvat). 21 sentyabr 2024. İstifadə tarixi: 27 sentyabr 2024.
- ↑ "Bruno Durdov Becomes Hajduk's Youngest Scorer in SHNL History". total-croatia-news.com (xorvat). 21 sentyabr 2024. İstifadə tarixi: 27 sentyabr 2024.
- ↑ "Tko je Bruno Durdov? Rekorder Hajduka izašao je iz tvornice talenata: 'Kao stroj, ne gasi se'". 24sata.hr (xorvat). 21 sentyabr 2024. İstifadə tarixi: 27 sentyabr 2024.
- ↑ "Croatia U17 - Iceland U17, Aug 15, 2023 - International Friendlies - Match sheet". www.transfermarkt.com (ingilis). 8 iyun 2024 tarixində arxivləşdirilib. İstifadə tarixi: 8 iyun 2024.
- ↑ UEFA.com. "Croatia-Faroe Islands | UEFA Under-17 2024". UEFA.com (ingilis). 15 iyul 2024 tarixində arxivləşdirilib. İstifadə tarixi: 8 iyun 2024.
- ↑ "Marijan Budimir objavio popis igrača za nastup na Europskom prvenstvu". hns.team (xorvat). 17 may 2024 tarixində arxivləşdirilib. İstifadə tarixi: 8 iyun 2024.
- ↑ UEFA.com. "Denmark-Croatia | UEFA Under-17 2024". UEFA.com (ingilis). 5 iyun 2024 tarixində arxivləşdirilib. İstifadə tarixi: 8 iyun 2024.
- ↑ Youth Football. "Croatia v Wales | U17 Euro Championship | Highlights 26-05-2024". 26 may 2024. 8 iyun 2024 tarixində arxivləşdirilib. İstifadə tarixi: 8 iyun 2024.
- ↑ "Budimir: "Žao nam je što smo ispali, ali na Euru je bilo puno dobrih stvari"". hns.team (xorvat). 8 iyun 2024 tarixində arxivləşdirilib. İstifadə tarixi: 8 iyun 2024.
- ↑ Kulig, Jacek. "Bruno Durdov". Football Talent Scout (ingilis). 5 iyun 2024. İstifadə tarixi: 8 iyun 2024.[ölü keçid]
- ↑ "Slobodna Dalmacija - Bili tić Bruno najmlađi je putnik na pripreme 'bijelih', tek mu je 16, a uz Hajduk posebno voli još jedan klub". slobodnadalmacija.hr (xorvat). 8 yanvar 2024. 8 iyun 2024 tarixində arxivləşdirilib. İstifadə tarixi: 8 iyun 2024.
- ↑ "Slobodna Dalmacija - U nedjelju za Hajduk debitira 16-godišnjak? Drugi mladi igrač otpao zbog nevjerojatnog peha". slobodnadalmacija.hr (xorvat). 3 may 2024. 8 iyun 2024 tarixində arxivləşdirilib. İstifadə tarixi: 8 iyun 2024.
- Bruno Durdov — transfermarkt.com saytında. (ing.)
- Soccerway.com saytında profili (ing.)
- Oyunçu profili UEFA saytında
- Oyunçu profili Xorvatiya Futbol Federasiyası saytında