Broyler toyuqları ət istehsalı məqsədilə xüsusi seleksiya edilmiş və intensiv yetişdirilən quş cinsidir.[1] Bu toyuqlar sürətli boy artımı və yüksək yem mənimsəmə qabiliyyətinə malikdirlər. Onların əsas xarakterik xüsusiyyətləri kimi ağ lələk örtüyü və sarımtıl dəri rəngi qeyd edilir. Müasir broyler cinslərinin əksəriyyəti 4-6 həftə ərzində kəsim çəkisinə çatır, lakin bəzi növlərdə bu müddət 14 həftəyədək uzana bilər.[2][3] Onların erkən yaşda kəsim çəkisinə çatması, yüksək keyfiyyətli ət verimi və səmərəli yem konversiyası broyler yetişdirilməsini kommersiya quşçuluğunun ən gəlirli sahələrindən birinə çevirmişdir.
Sürətli böyümə və intensiv yetişdirmə üçün seçilən broyler toyuqları bir sıra sağlamlıq problemlərinə həssasdırlar. Onların sümük sistemində deformasiyalar və funksional pozğunluqlar, dəri və göz zədələnmələri, ürək-damar sistemi ilə bağlı problemlər müşahidə edilir. Fermalarda havalandırma, yerləşdirmə şəraiti, toyuqların sıxlığı və daxili prosedurlar sürünün rifahını təmin etmək üçün mütəmadi olaraq qiymətləndirilməlidir. Damazlıq broyler toyuqları yetkinliyə çatır, lakin onlarda da yüksək qidalanma tələbatının frustrasiyası və dimdik kəsilməsi ilə əlaqədar rifah problemləri mövcuddur. Broyler toyuqları adətən qarışıq cinsdə böyük tövlələrdə intensiv şəraitdə yetişdirilir.
- ↑ Kruchten, Tom. "U.S Broiler Industry Structure" (PDF). National Agricultural Statistics Service (NASS), Agricultural Statistics Board, U.S. Department of Agriculture. November 27, 2002. December 29, 2013 tarixində orijinalından (PDF) arxivləşdirilib. İstifadə tarixi: June 23, 2012.
- ↑ Bessei W. "Welfare of broilers: A review". World's Poultry Science Journal. 62 (3). 2006: 455–466. doi:10.1017/s0043933906001085.
- ↑ Gerrard, Gene. "What Are the Main Types of Chicken?". The Spruce Eats. January 7, 2019. İstifadə tarixi: June 16, 2020.
|
Quş ilə əlaqədar bu məqalə qaralama halındadır. Məqaləni edərək Vikipediyanı zənginləşdirin. |