Boris Breyxa

Boris Breyxa
Boris Breyxa
Ümumi məlumatlar
Ləqəbləri	Boris Brejcha, ANNA
Doğum tarixi	26 noyabr 1981 (43 yaş)
Doğum yeri	Lüdviqshafen, Reynland-Pfalts;
Musiqiçi məlumatları
Fəaliyyəti	dicey, musiqi prodüseri
Fəaliyyət illəri	2006-cı ildən
Janrlar	texno[d], trans[d]
Musiqi alətləri	klavişli alət[d], zərb qurğusu[d]
Albom şirkətləri	Ultra Records
	borisbrejcha.de
	Vikianbarda əlaqəli mediafayllar

Boris Breyxa (26 noyabr 1981, Lüdviqshafen) — alman DJ və musiqi prodüseri. O, musiqi üslubunu "high-tech minimal" kimi təsvir edir. Onun üslubu müntəzəm olaraq DJ Umek və Solomun kimi tanınmış adlarla müqayisə olunur.

Breyxa müntəzəm olaraq Venesiya karnavalı dizaynından ilhamlanan joker maskası taxır. O, dünya üzrə Tomorrowland və Coachella kimi festivallarda və klublarda çıxış etmişdir. 2015-ci ildə Ann Clue və Deniz Bul ilə bərabər "Fckng Serious" leyblini yaratmışdır. 2019-cu ilin avqust ayında o, ilk dəfə "Hï Ibiza" klubunda "İbizada" çıxış etmişdir.

24 yanvar 2020-ci ildə Breyxa "Ultra Records" leyblından "Space Diver" adlı altıncı albomunu buraxmışdır. 2021-ci ildə DJ Magın "Top 100 DJs" siyahısında 42-ci yeri tutmuşdur.

Şəxsi həyatı

Boris Breyxa 1981-ci ildə Almaniyanın Lüdviqshafen şəhərində anadan olmuşdur. Altı yaşında o, Ramstein hava şousunda baş verən fəlakətdə ağır yanıqlar almış və aylarla xəstəxanada qalmalı olmuşdur. Bu haqda bir müsahibəsində Boris demişdir:

"Bu, həyatımda xüsusi bir hadisə idi. Tək idim, kiçik bir uşaq idim və çox ekstremal bir situasiyada idim."

40 yaşında olsa da, hələ də ciddi yanıq izlərini daşıyır. Sinif yoldaşları tərəfindən ələ salındığı üçün Boris özünə qapanmış və musiqiyə olan marağını kəşf etmişdir. Orta məktəbdə bir sinif yoldaşı "Thunderdome" albomu gətirəndə Boris bu janrı öyrənmək arzusuna düşmüşdür. 12 yaşında elektron musiqi istehsal etməyə başlamış və bunu hobbiyə çevirmişdir.

2006-cı ildə Boris ilk buraxılışlarını həyata keçirmiş və Braziliyada keçirilən Universo Paralello Festivalında ilk peşəkar çıxışını reallaşdırmışdır. O vaxtdan bəri maskası onun ayrılmaz simvoluna çevrilmişdir. Braziliya karnavalından ilhamlanaraq Joker maskasını öz üslubunun bir parçası olaraq seçmişdir.

Boris bütün vaxtını musiqiyə həsr etməyə başlamış və "High-Tech Minimal" adlandırdığı janrı yaradaraq musiqisinə ad vermişdir. O, Autist Records və Harthouse kimi leyblərdən albomlarını buraxmış, "Raveline" musiqi jurnalı tərəfindən 2007-ci ildə "Fövqəladə istedad" elan edilmişdir.

Diskoqrafiya

Albomlar

2007: Die Maschinen Kontrollieren Uns
2007: Die Maschinen sind Gestrandet
2008: Mein Wahres Ich
2010: My Name Is
2011: My Name Is – The Remix
2013: Feuerfalter – Part01
2014: Feuerfalter – Part02
2014: Feuerfalter – Special Edition
2016: 22
2016: DJ Mixes Single Track
2020: Space Diver
2020: Livestream Mix (Mixed)
2021: Never Stop Dancing
2024: Level One

Sinqllar

2006-cı ildən başlayaraq Boris Breyxa bir çox tanınmış sinql buraxmışdır, məsələn:

Monster (2006)
Yellow Kitchen (2006)
White Snake (2007)
Never Look Back (2019)
Violet Pill (2020)
Exit (2021)
Matrix (2021)
Space X (2023)

İstinadlar

↑ Boris Brejcha drops a new High-Tech Minimal rocket in Zürich..

[_62a87722d99fb617-1] Boris Brejcha drops a new High-Tech Minimal rocket in Zürich..

[1]

Boris Breyxa

Ümumi məlumatlar
Ləqəbləri	Boris Brejcha, ANNA^[1]
Doğum tarixi	26 noyabr 1981(1981-11-26) (43 yaş)
Doğum yeri	Lüdviqshafen, Reynland-Pfalts
Musiqiçi məlumatları
Fəaliyyəti	dicey, musiqi prodüseri
Fəaliyyət illəri	2006-cı ildən
Janrlar	texno^[d], trans^[d]
Musiqi alətləri	klavişli alət^[d], zərb qurğusu^[d]
Albom şirkətləri	Ultra Records
borisbrejcha.de
Vikianbarda əlaqəli mediafayllar