Bolemoreus frenatus — Sərçəkimilər yarımfəsiləsinə aid quş növü.
| Bolemoreus frenatus | ||||||
|---|---|---|---|---|---|---|
 | ||||||
| Elmi təsnifat | ||||||
|
XƏTA: parent və rang parametrlərini doldurmaq lazımdır. ???: Bolemoreus frenatus |
||||||
| Beynəlxalq elmi adı | ||||||
| ||||||
Bu növ Şimal-şərqi Kvinslendə endemikdir. Subtropik və ya tropik rütubətli yayla meşələrində və subtropik və ya tropik yağış meşələrində, adətən 300 metrdən yüksək ərazilərdə rast gəlinir. Qışda daha aşağı meşələrə, o cümlədən manqrovlara enir və bəzən daha açıq yaşayış mühitlərində də görünə bilər.[3]
Bolemoreus frenatus orta və ya iri ölçülü, tünd rəngli balyeyən sərçə növüdür. Ağ ağız boşluğu və iki rəngli dimdiyi var. Gözləri mavi rəngdədir, altında sarı xətt və arxasında ağ xətt var, qulağında sarı ləkə və boynunun yan tərəfində böyük, ağ-boz ləkə var.
Ağaclar meyvə verərkən və ya çiçəkləyərkən balyeyənlər böyük, səs-küylü dəstələr halında toplana bilər, lakin digər hallarda tək-tək və gizli olurlar.[4]
Onun elmi adı "Bolemoreus frenatus" (Ramsay, 1874) təqdim edilib. Əvvəlcə "Ptilotis frenata", sonra "Lichenostomus frenatus" və nəhayət "Bolemoreus frenatus" kimi təsnif olunub. Quş həmçinin Qreqori Matyus tərəfindən "Avstraliya Quşları" kitabının XI cildində (səh. 478) "Dorothina frenata" adı ilə "melithreptide" fəsiləsinə daxil edilib. Bolemoreus frenatus və Eungella balyeyəni əvvəllər "Lichenostomus" cinsinə daxil edilsə də, 2011-ci ildə dərc edilmiş molekulyar filogenetik təhlil göstərdi ki, orijinal cins təbii bir vahid deyil və bu növlər "Bolemoreus" cinsinə köçürüldü. Quş "Meliphagidae" fəsiləsinə aiddir.[5][6][7]
Cins adı olan "Bolemoreus" 2011-ci ildə yaradılıb və "Boles və Longmore'un quşu" mənasını verir, bu da iki Avstraliya ornitoloqu olan Valter Boles və N.Ueyn Lonqmorun şərəfinə verilib. Növün adı olan "frenatus", Ramsay tərəfindən təqdim olunub və latın dilində "yəhər" və ya "cilov" mənasını verir, quşun üzündəki və dimdiyinin əsasındakı işarələrə istinad edir.
"Beynəlxalq Təbiəti Mühafizə İttifaqı" (IUCN) Eurystomus glaucurus "Ən Az Narahatlıq Doğuran" kateqoriyasında qiymətləndirib. Populyasiya sabit olduğu güman edilir və heç bir təhlükə və ya azalma müəyyən edilməyib. Populyasiya ölçüsü kəmiyyətləndirilməsə də, yayılma sahəsinin bəzi hissələrində ümumi hesab olunur. [8]
- ↑ IOC World Bird List Version 6.3. 2016. doi:10.14344/IOC.ML.6.3
- ↑ World Bird List (ing.): IOC World Bird List. 6.4 IOU, 2016. doi:10.14344/IOC.ML.6.4
- ↑ Slater, Peter; Slater, Pat; Slater, Raoul. en:The Slater Field Guide to Australian Birds (2nd). London, Sydney, Auckland: Reed New Holland. 2009. 298–299. ISBN 9781877069635.
- ↑ Menkhorst, Peter; Rogers, Danny; Clarke, Rohan; Davies, Jeff; Marsack, Peter; Franklin, Kim. en:The Australian Bird Guide. Clayton, Vic: CSIRO Publishing. 2017. 388–389. ISBN 978-0643097544.
- ↑ Nyári, Á.S.; Joseph, L. "Systematic dismantlement of Lichenostomus improves the basis for understanding relationships within the honeyeaters (Meliphagidae) and historical development of Australo–Papuan bird communities". Emu. 111 (3). 2011: 202–211. doi:10.1071/mu10047.
- ↑ Gill, Frank; Donsker, David (redaktorlar ). "Honeyeaters". World Bird List Version 6.1. International Ornithologists' Union. İstifadə tarixi: 28 January 2016.
- ↑ Boles, Walter. "Eungella Honeyeater". The Australian Museum (ingilis). İstifadə tarixi: 2020-05-15.
- ↑ BirdLife International. "Bolemoreus frenatus". IUCN Red List of Threatened Species. 2016. 2016: e.T22704043A93949704. doi:10.2305/IUCN.UK.2016-3.RLTS.T22704043A93949704.en. İstifadə tarixi: 11 November 2021.
