Bir türk milliyyətçisinin Stalinlə ixtilal xatirələri — Məhəmməd Əmin Rəsulzadənin Stalin və stalinizm haqqında 1954-cü ildə Türkiyədə çap etdirdiyi seriya məqalələrdən ibarət kitab.
| Bir türk milliyyətçisinin Stalinlə ixtilal xatirələri | |
|---|---|
 Kitabın 2017-ci il III nəşrinin üz tərəfi | |
| Müəllif | Məhəmməd Əmin Rəsulzadə |
| Janr | İctimai-siyasi |
| Orijinalın dili | Azərbaycanca |
| Ölkə |
 Türkiyə |
| Nəşriyyat |
1991: Elm 2010: Qanun 2017: Turkkitab.Az |
| Səhifə | 2010: 132 |
| Tiraj | 2010: 500 |
| ISBN-13 | 2010: ISBN 978-9952-26-089-2 |
Kitab ilk dəfə tarix elmləri doktoru, professor Nəsib Nəsibli tərəfindən nəşr etdirilmişdir. İlk redaktoru akademik Ziya Bünyadov olmuşdur.
Xəbərdarlıq: Yazının davamı əsərin məzmunu haqqında məlumat ehtiva edir.Kitab Məhəmməd Əmin Rəsulzadənin Stalin və stalinizm haqqında 1954-cü ildə Türkiyədə çap etdirdiyi seriya məqalələrdən ibarətdir. Burada böyük vətəndaş XX əsrin əvvəllərində çarizmlə mübarizə gedişində Stalinlə bağlı hadisələri xatırlayır, bilavasitə iştirakçısı olduğu hadisələr fonunda Stalinin siyasi portretini yaradır, bu proseslərin xarakterini açır. Müstəqil Azərbaycan Respublikasının işğalından sonra başına gələn sərgüzəştlər, Stalinlə məşhur görüşü incələnir. Azərbaycan tarixi və ictimai fikri üçün son dərəcə maraqlı olan bir sıra mətləblər açılır.
Vətən tarixinin çox əhəmiyyətli bu dövrü və Məhəmməd Əmin Rəsulzadənin şəxsiyyəti, eləcə də stalinizmin anatomiyası ilə maraqlananlar üçün nəzərdə tutulmuşdur.
Xəbərdarlığın sonu.Kitab Nəsib Nəsibli tərəfindən Ziya Bünyadovun redaktorluğu ilə Bakıda ilk dəfə 1991-ci ildə Elm nəşriyyatında çap edilib. 2010-cu ildə Bakıda Qanun nəşriyyatında 132 səhifədə, 500 tirajla[1] 2-ci və 3-cü dəfə isə Seymur Həsənli və Dr. Mehman Həsən tərəfindən nəşrə hazırlanmış və yenə onların Ön Söz müəllifliyi, Firdovsi Səfərovun dizayner və rəssamlığı ilə 2017-ci ildə Turkkitab.Az tərəfindən Ankarada Bizim Büro Mətbəədə 150 səhifədə, 1000 tirajla təkrar nəşr edilib.[2][3][4]
- ↑ "Bir türk milliyyətçisinin Stalinlə ixtilal xatirələri" ( (az.)). ebooks.az. 2017-11-10 tarixində arxivləşdirilib. İstifadə tarixi: 2018-05-26.
- ↑ "Rəsulzadənin kitabı yenidən nəşr olunub" ( (az.)). azpress.az. 2017-05-29. 2018-05-25 tarixində arxivləşdirilib. İstifadə tarixi: 2018-05-25.
- ↑ "Rəsulzadənin kitabı yenidən nəşr olundu - Foto" ( (az.)). teleqraf.com. 2017-07-02. 2017-07-02 tarixində arxivləşdirilib. İstifadə tarixi: 2018-05-26.
- ↑ "Məhəmməd Əmin Rəsulzadənin kitabı yenidən nəşr olunub" ( (az.)). salamnews.org. 2017-05-29. 2018-05-26 tarixində arxivləşdirilib. İstifadə tarixi: 2018-05-26.
- Turkkitab.Az
- ""Bir türk milliyyətçisinin Stalinlə ixtilal xatirələri" kitabının təqdimat mərasimi keçirilib" ( (az.)). apa.az. 2011-05-30. 2018-05-26 tarixində arxivləşdirilib. İstifadə tarixi: 2018-05-26.
- ""Bir türk milliyyətçisinin Stalinlə ixtilal xatirələri"" ( (az.)). lent.az. 2011-05-30. 2018-05-26 tarixində arxivləşdirilib. İstifadə tarixi: 2018-05-26.