Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinBeynəlxalq Ala-Too Universiteti və ya Beynəlxalq Atatürk-Ala-Too Universiteti (rus. Международный университет «Ала-Тоо»; türk. Uluslararası Ala-Too Üniversitesi), Qırğızıstanın Bişkek şəhərində yerləşən özəl universitetdir. 1996-cı ildə qurulmuşdur. Universitet məzun, magistr və doktorantura proqramları üzrə təhsil verir. Qırğızıstanın ən nüfuzlu universitetlərindən biridir. [mənbə göstərilməlidir]
| Beynəlxalq Atatürk - Ala-too Universiteti Ala-Too International University Seal.png | |
|---|---|
 Beynəlxalq Atatürk - Ala-too Universitetinin binası | |
| Şüar | "Dünyaya pəncərəniz" |
| Əsası qoyulub | 1996-cı il |
| Rektor | Səncər Erdolatov |
| Şəhər | Bişkek |
| Ölkə | |
| Ünvan | Qırğızıstan, 720048; Bişkek, Ankara küçəsi 1/8 |
| Sayt | alatoo.edu.kg |
| 42°51′25″ şm. e. 74°40′41″ ş. u. | |
 Vikianbarda əlaqəli mediafayllar | |
Universitetdə əsas tədris dili ingilis dilidir, lakin bəzi fənnlər türk, qırğız və rus dillərində tədris olunur. Fransız və alman dilləri də seçmə dərslər olaraq tədris olunur. Universitetin rektoru Səncər Erdolatovdur.[2]
Qırğızıstan vətəndaşları, Mərkəzi İmtahan Sisteminin imtahan nəticələrinə görə universitetə qəbul olunurlar. Ala-Too Beynəlxalq Universiteti qlobal İslam təhsili tərəfindən maliyyələşdirilir və idarə olunur.[3] Milli Təhsil Nazirliyi hər il keçid balını elan edir və tələbələr bu bala görə qəbul olunurlar. Digər ölkələrin vətəndaşları üçün qəbul şərtləri fərqlidir.
Atatürk-Ala-too Beynəlxalq Universiteti Qırğızıstan Respublikasının ərazisində yaradılan ilk özəl universitetlərdən biridir. Təsisçiləri beynəlxalq təhsil müəssisəsi olan "Sepat" təhsil müəssisəsi və Qırğızıstan Respublikasının Elm, Təhsil və Mədəniyyət Nazirliyi idi.[4] İlk buraxılışı 2001-ci ildə olmuşdur.
Qeyd edək ki, Ala-Too Beynəlxalq Universiteti Fətullah Gülən tərəfindən dəstəklənən islamın əsaslarını təbliğ edən və izləyən "Sebat" Təhsil Vəqfi tərəfindən qurulduğundan, onun adı həmişə nurçular cərəyanı ilə bir hallanırdı.[5] Bu səbəbdən Türkiyə hökumətinin Güləni günahlandırdığı 2016-cı il dövlət çevrilişi cəhdindən sonra, Türkiyə prezidenti Rəcəb Tayyib Ərdoğan rəhbərliyi Qırğızıstan hökumətindən Gülənçilik hərəkatına bağlı qurumları bağlamasını tələb etdi.[6] Lakin Qırğızıstan hökuməti Ankaranın tələblərini yerinə yetirməkdən imtina etdi. Bu halda Türkiyə hökuməti Qırğızıstan Respublikası ilə diplomatik münasibətləri kəsəcəyi ilə hədələdi.
2017-ci ilin əvvəlində isə Türkiyə prokurorluğu universiteti Gülən hərəkatı ilə əlaqədə günahlandıraraq terror təşkilatlarının siyahısına əlavə etdi.[7] Bundan sonra universitetin adı dəyişdirildi, rektor vəzifəsini tutan Türkiyə vətəndaşı Qırğızıstan vətəndaşı ilə əvəz olundu və Qırğızıstan Təhsil Nazirliyi universitetin əsasını qoyan Sebat (Sapat) qurumunun qurucularından biri oldu.[8][9]
Ala-Too Beynəlxalq Universitetinin aşağıdakı fakültələri və proqramları var:
- Kompüter elmləri
- Elektron və nanoelektronika mühəndisliyi
- Tətbiqi riyaziyyat və İT
- Türkologiya
- Çin dili və tərcüməsi
- Sinxron tərcümə
- İngilis dili və ədəbiyyatı
- Pedaqogika
- Psixologiya
- Jurnalistika
- Dünya iqtisadiyyatı və beynəlxalq biznes
- Beynəlxalq əlaqələr
- İdarəetmə
- Maliyyə və bank işi
- Mühasibat və audit
- Sənaye mühəndisliyi
- Ümumi tibb
- Pediatriya
- İqtisadiyyat və mühasibat
- Bank işi
- Marketinq
- Kompüter sistemləri və kompleksləri
- Proqram mühəndisliyi
- Dizayn
- Hüquq elmləri
- İdarəetmə
- Maliyyə və bank işi və mühasibat
- Mühasibat, təhlil və audit
- Beynəlxalq İqtisadiyyat və İş
- Pedaqogika
- ↑ 1 2 Directory of Open Access Journals. 2003.
- ↑ "Arxivlənmiş surət". 30 noyabr 2012 tarixində arxivləşdirilib. İstifadə tarixi: 27 iyul 2021.
- ↑ Recknagel, Charles. "In wake of blown coup, Turkey takes global aim at Gulen Movement". Radio Free Europe/Radio Liberty. 21 iyul 2016. 25 aprel 2022 tarixində arxivləşdirilib. İstifadə tarixi: 14 noyabr 2017.
- ↑ "Университет «Ататюрк-Ала-Тоо» в Кыргызстане турецкой властью признан принадлежащим террористической организации". 4 yanvar 2018 tarixində arxivləşdirilib. İstifadə tarixi: 27 iyul 2021.
- ↑ Starr, Stephen. "Erdogan seeks to close Kyrgyz schools and colleges linked to exiled cleric". The Irish Times. 5 avqust 2016. 7 mart 2021 tarixində arxivləşdirilib. İstifadə tarixi: 14 noyabr 2017.
- ↑ Bengard, Anastasiya. Более 11 тысяч кыргызских учащихся не пустят в Турцию [More than 11,000 Kyrgyz students will not be allowed to enter Turkey]. 24 (Russian). 14 avqust 2017. 26 dekabr 2019 tarixində arxivləşdirilib. İstifadə tarixi: 14 noyabr 2017.
- ↑ "Ректор университета «Ататюрк-Ала-Тоо» о гонениях: Это продлится около года". 4 yanvar 2018 tarixində arxivləşdirilib. İstifadə tarixi: 27 iyul 2021.
- ↑ "Университет «Ататюрк — Ала-Тоо» переименовали в «Ала-Тоо»". 5 yanvar 2018 tarixində arxivləşdirilib. İstifadə tarixi: 4 yanvar 2018.
- ↑ "Киргизско-турецкие отношения в 2016—2017 гг". 28 yanvar 2019 tarixində orijinalından arxivləşdirilib. İstifadə tarixi: 27 iyul 2021.