Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinBəxtiyar Ersay (8 fevral 1969, Çemişgezek[d], Tuncəli ili) — Türkiyə hərbi xadimi, Ordu generalı (türk. orgeneral),[3] Türkiyənin Azərbaycandakı Xidmət Qrupunun Komandanı[4] Azərbaycan Müdafiə Nazirinin müşaviri.[5] 14 avqust 2025-ci ildən Türkiyə Silahlı Qüvvələri Quru Qoşunlarının Birinci Ordusunun komandanı.[6]
| Bəxtiyar Ersay | |
|---|---|
 | |
| Şəxsi məlumatlar | |
| Doğum tarixi | 8 fevral 1969 (56 yaş) |
| Doğum yeri |
|
| Vətəndaşlığı | |
| Milliyyəti | türk |
| Təhsili |
|
| Hərbi fəaliyyəti | |
| Mənsubiyyəti |
 Türkiyə |
| Qoşun növü | quru qoşunları, komando |
| Xidmət illəri | 1991-ci ildən |
| Rütbəsi |
 General-polkovnik (türk. orgeneral) |
| Vəzifəsi |
Türkiyənin Azərbaycandakı Xidmət Qrupunun Komandanı[1] Türkiyə Quru Qoşunları Birinci Ordusunun komandanı |
Bəxtiyar Ersay haqda məlumatlar çox azdır. Yalnız onun əslən Türkiyənin Tunceli bölgəsinin Çemisgezek mahalından olduğu bildirilir. Ersay ilk hərbi təhsilini İşıklar hərbi liseyində alıb. Daha sonra isə Türkiyə Quru Qoşunları Hərbi Məktəbinə qəbul olub. Hərbi məktəbi artilleriya üzrə başa vurub və leytenant rütbəsi alıb. O, kapitan rütbəsində hərbi akademiyanı bitirib. Hərbi ataşşe olaraq Tunisdə xidmət etdiyi illərdə də diqqət mərkəzində olub.[7]
Müəmmar Qəddafinin ölümü ilə Liviya və Tünisdə başlayan qarmaqarışıq hadisələr zamanı minlərlə türk vətəndaşının bu ölkədən sağ-salamat təxliyəsini təmin edən əməliyyatın başında general Ersay dayanıb.
Bəxtiyar Ersay Türkiyədə Balyoz hadisələri zamanı həbs edilib, barəsində 16 il həbs qərarı çıxarılıb. Dövlət çevrilişində ittiham edilsə də, cəmi 31 ay həbsdə yatıb. Azad edildikdən sonra Türkiyə Silahlı Qüvvələrinə qayıdıb. FETÖ-nün 15 iyul 2016-cı ildəki dövlət çevrilişi cəhdindən sonra general-mayor rütbəsi alıb.[8]
PKK-ya qarşı ən böyük əməliyyatlar həyata keçirən generallardan biri də Bəxtiyar Ersaydır. 2016-cı ildə o, Hakkaridəki Çukurca 2-ci sərhəd birqadasının komandanı vəzifəsini yerinə yetirib. İlk vəzifəsindən biri Kaletepe bölgəsində toplanan və hücum planları həyata keçirən PKK qrupunu zərərləşdirmək olub. Yüzlərlə PKK terrorçusunu özündə birləşdirən bu qrup 7 dəfə sərhədi pozmağa çalışıb. General Ersayın komandanlığındakı briqada PKK terrorçularının gözləmədiyi halda əməliyyat keçirib. Məlumatlarda qeyd edilir ki, bu əməliyyatla 207 terrorçu məhv edilib. Əməliyyat zamanı general Ersay Kaletepe Dağbaşında əsgərləri ilə günlərlə birlikdə yatıb, birlikdə yeyib, onlarla birlikdə savaşıb.[9]
5 avqust 2022-ci ildə Türkiyə prezidenti Rəcəb Tayyib Ərdoğanın sərəncamı ilə Bəxtiyar Ersaya korgeneral (general-leytenant) rütbəsi verilib.[10]
General Bəxtiyar Ersay Türkiyə Quru Qoşunlarının əməliyyat üzrə rəisi vəzifəsində çalışıb. 2021-ci ildən o, Azərbaycanda Xidmət Qrupu Komandanlığında xidmətə başlayıb.[11]
5 avqust 2025-ci ildə Bəxtiyar Ərsaya ordu generalı hərbi rütbəsi verilib. Müvafiq sərəncam Türkiyə Prezidenti Rəcəb Tayyib Ərdoğan tərəfindən imzalanıb.[12]
14 avqust 2025-ci ildə Türkiyə Prezidenti Rəcəb Tayyib Ərdoğanın sərəncamı ilə Bəxtiyar Ərsay Türkiyə Silahlı Qüvvələri Quru Qoşunlarının Birinci Ordusunun komandanı təyin olunub. Bu, Türkiyənin əsas ordu birləşməsi sayılır və qərargahı İstanbul şəhərində yerləşir.[6]
- ↑ "Türkiyənin Azərbaycandakı Xidmət Qrupu Komandanlığında yeni TƏYİNATLAR". 4 iyul 2023 tarixində arxivləşdirilib. İstifadə tarixi: 11 dekabr 2022.
- ↑ "Müdafiə Nazirliyində türkiyəli generala YÜKSƏK VƏZİFƏ". 4 iyul 2023 tarixində arxivləşdirilib. İstifadə tarixi: 11 dekabr 2022.
- ↑ "Ərdoğan "Bəxtiyar Paşa"ya general-polkovnik rütbəsi verdi". 13 dekabr 2022 tarixində arxivləşdirilib. İstifadə tarixi: 13 dekabr 2022.
- ↑ "Türkiyədən ölkəmizə göndərilən general... - Ersay terrorçu qrupların mahir ovçusudur". 27 sentyabr 2021 tarixində arxivləşdirilib. İstifadə tarixi: 11 dekabr 2022.
- ↑ "Türkiyəli general-polkovnik Zakir Həsənovun müşaviri oldu - FOTO/VİDEO". 4 iyul 2023 tarixində arxivləşdirilib. İstifadə tarixi: 11 dekabr 2022.
- ↑ 1 2 Zakir Həsənovun müşaviri Türkiyədə ordu komandanı təyin olundu
- ↑ "Gerçek bir Türk komutanı: Bahtiyar Ersay". 12 dekabr 2022 tarixində arxivləşdirilib. İstifadə tarixi: 12 dekabr 2022.
- ↑ "FETÖ'nün hapse attırdığı Bahtiyar Paşa, şimdi Bakü'nün komutanı". 12 dekabr 2022 tarixində arxivləşdirilib. İstifadə tarixi: 12 dekabr 2022.
- ↑ kararıyla terfi eden Bahtiyar Ersay Paşa, Kaletepe'yi teröristlere mezar yapmıştı!.[ölü keçid]
- ↑ "Ərdoğan Bəxtiyar Ersaya general-leytenant rütbəsi verib". 16 avqust 2022 tarixində arxivləşdirilib. İstifadə tarixi: 11 dekabr 2022.
- ↑ "Müdafiə nazirinin yeni müşaviri, əfsanəvi general Bəxtiyar Ersay kimdir?- DOSYE". 12 dekabr 2022 tarixində arxivləşdirilib. İstifadə tarixi: 12 dekabr 2022.
- ↑ Zakir Həsənovun müşavirinə ordu generalı rütbəsi verildi