Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinBəni Müstəliq (ərəb. بنو المصطلق) — Qəhtanilərə mənsub ərəb qəbiləsi.
Bəni Müstəliq Huzaa qəbiləsinin bir qoludur. Şəcərələri Müstəliq (Cəzimə) ibn Səd ibn Əmr ibn Lühey (Rəbiə) ibn Harisə (Huzaa) şəklindədir. Qalqəşəndinin Müstəliqin adını Hüzeymə şəklində qeyd etməsi[1] doğru deyildir. Mənbələrdə "Müstəliq" ləqəbinin Cəziməyə səsinin gözəl və zil olmasından ötrü verildiyi qeyd edilib. Mənbələrdə həmçinin onun Huzaa qəbiləsində müğənnilik edən ilk şəxs olduğu da qeyd edilib.[2]
Bəni Müstəliq ilk vaxtlar Məkkə və ətrafında yaşayırdılar. Sonra Qusay ibn Kilaba məğlub olub, şimala çəkildilər. Məkkə-Mədinə yolu üzərindəki Qudeyd adlı ərazidə məskunlaşdılar. Mədinəyə təxminən 96 mil məsafədəki Fur da onlara məxsus idi. Həmçinin mühüm liman şəhəri olan Rəbiğ ətrafında, Üsfanda və Rahatü-Fərvədə yaşayırdılar. Şühdə və Müreysi adlı su quyuları da onların nəzarətində idi.[2]
Bəni Müstəliq Hübəl, İsəf və Nailə adlı bütlərə ibadət ediblər.[2]
627-ci ildə baş vermiş bu döyüşdə Bəni Müstəliq qəbiləsi müsəlmanlara məğlub olmuşdu.[3][4] Müsəlmanların ordusu bu döyüşdən qayıdarkən yolda İfk hadisəsi baş vermişdi.
- ↑ Qalqəşəndi. Nihayətül-ərəb (ərəb). Beyrut. 1984. 76.
- ↑ 1 2 3 Önkal, Ahmet. "MUSTALİḲ (Benî Mustaliḳ)", TDV İslâm Ansiklopedisi (türk). XXXI. 2020. 360–361.
- ↑ BİU, Zaqatala şöbəsi; Elmi və bədii redaktor: Eldar Kərimov. Siyəri-Nəbi (az.). Zaqatala. 2009. 207–208.
- ↑ Ayvalı, Ramazan; tərcümə: Loğman. Sevgili Peyğəmbərim (az.) (1-ci nəşr). Bakı: Nurlar. 2013. 261–262. ISBN 978-9952-460-65-0.