Azerspace/Africasat-1A Rabitə Peyki (ing. Azerspace/Africasat-1A Satellite) — Azərbaycanın ilk rabitə peyki, Amerikanın "Orbital Sciences Corporation" şirkəti tərəfindən inşa olunmuşdur.
| Azerspace-1/Africasat-1A | |
|---|---|
 | |
| Xüsusiyyətləri | |
| Buraxılma tarixi | 8 fevral 2013, 01:37 (Bakı vaxtı ilə) |
| Status | aktiv |
| Başlanğıc çəkisi | 3726[1] |
| İstehsalçı | Orbital Sciences Corporation |
| Daşıyıcı raket | GEOStar-2 |
 Vikianbarda əlaqəli mediafayllar | |
Azerspace-1 peyki orbitə 2013-cü il 8 fevral tarixində, Fransız Qvianasında (Cənubi Amerika) yerləşən Kuru kosmodromundan Fransanın Arianespace şirkəti tərəfindən Ariane-5 daşıyıcı raketi ilə buraxılmışdır.[2]
Çəkisi: 6521 kq.
Ölçüləri: Tam açılmış halda peykin ölçüləri: 23,6 m x 8,9 m x 5,6 m-dir.
"Azerspace-1" peyki teleradio yayımı və telekommunikasiya xidmətlərinin göstərilməsi, eləcə də korporativ və hökumət müştərilərinin tələblərinə cavab verən keyfiyyətli və dayanıqlı rabitə platformaların təmin edilməsi üçün nəzərdə tutulub. Peyk üzərindən 100-ə yaxın televiziya və radio kanalı yayımlanır.[3]
"Azerspace-1"-in istismar müddəti isə azı 15 ildir.
Telekommunikasiya peyki olan Azerspace-1-dən səs, məlumat bazası, internet, TV və radio yayım xidmətləri məqsədilə istifadə edilə bilər. Peykin verəcəyi bir neçə qiqabitlik İnternet alternativ kimi fors-major situasiyalarda faydalı ola bilər. Peykin ərsəyə gəlməsi üçün 230 milyon manat xərc çəkildiyi deyilir. Bu məbləğin 15 faizi dövlət büdcəsindən, qalanı kreditlərlə ödənilib. Fransanın COFACE İxrac Kredit Agentliyindən 98 milyon ABŞ dolları və ABŞ İxrac-İdxal (US Ex-İm) Bankının zəmanəti ilə BNP Paribas bankından 116.6 milyon ABŞ dolları məbləğində kreditlər götürülüb. Kreditlər müddəti on ildir. Kredit ödənildikdən sonra peykin istismarı xalis gəlir gətirməyə başlayacaq[4]
Azərkosmos ASC idarəsində olan peyk 46 dərəcə Şərq uzunluq dairəsində, geostasionar orbitdə yerləşib.[5]
Əsas idarə mərkəzi Bakının Qaradağ rayonu Güzdək kəndində yerləşdirilir. İkinci idarə mərkəzi isə Naxçıvan Muxtar Respublikasındadır.
Bu məqalədəki istinadlar müvafiq istinad şablonları ilə göstərilməlidir. |
- ↑ "Azerspace/Africasat 1a". Gunter's Space Page (ingilis). 30 oktyabr 2013 tarixində arxivləşdirilib. İstifadə tarixi: 2 fevral 2021.
- ↑ ""Azerspace-1" peykinin Azərbaycan və region üçün vəd etdiyi üstünlüklər barədə". 2018-09-09 tarixində arxivləşdirilib. İstifadə tarixi: 2018-02-05.
- ↑ "Azərbaycanın ilk telekommunikasiya peyki – "Azerspace-1" peykinin orbitə buraxılmasından beş il keçir". 2018-09-09 tarixində arxivləşdirilib. İstifadə tarixi: 2018-02-13.
- ↑ "Azərbaycanın peyki barədə suallar". 2022-03-25 tarixində arxivləşdirilib. İstifadə tarixi: 2021-04-27.
- ↑ ""Azerspace" peyki vasitəsilə Azərbaycan TV paketinə baxmaq üçün istifadəçi tənzimləmələri açıqlanıb". 2022-03-25 tarixində arxivləşdirilib. İstifadə tarixi: 2018-02-13.
- AzerSat-1 buraxılışı Arxivləşdirilib 2012-11-30 at the Wayback Machine
- AzerSat-1 kapsama alanları Arxivləşdirilib 2011-11-08 at the Wayback Machine
- Второй азербайджанский спутник может быть выведен на орбиту в 2014 году". Arxivləşdirilib 2011-07-25 at the Wayback Machine
- Azərkosmos Arxivləşdirilib 2012-10-04 at the Wayback Machine
- Azerbaijan set to launch second satellite into orbit in 2015".
- 2012 state budget to increase funds to launch national satellite into orbit".
- Azercosmos to launch Azerbaijan’s second national satellite by 2015". Arxivləşdirilib 2016-03-04 at the Wayback Machine
- Азербайджан выведет в космос два спутника связи
- Meeting held to coordinate orbital slots for Azersat Arxivləşdirilib 2011-05-11 at the Wayback Machine
- "Azerbaijan: Baku’s Satellite Deal Sends Armenian Diaspora Groups into Orbit
- "Azerbaijani second satellite to be financed through internal funds"