Avstriyalı Lüdviq Viktor (alm. Ludwig Viktor Joseph Anton von Österreich; 15 may 1842[1], Vyana – 18 yanvar 1919[2][3]) — Müqəddəs Roma imperatoru II Fransın nəvəsi, Avstriya hersoqu, Habsburq ailəsinin bir üzvü. Eyni zamanda, Avstriya imperatoru I Frans İosifin və Meksika imperatoru I Maksimilyanın qardaşıdır. Homoseksuallığı açıq şəkildə bilinirdi və evlənməsi üçün ona təklif edilən bir çox Avropa şahzadəsindən imtina etdi. Xeyriyyəçiliyi və incəsənətə olan meyilliliyi ilə tanınır.
| Avstriyalı Lüdviq Viktor | |
|---|---|
| alm. Ludwig Viktor von Österreich | |
 | |
| Şəxsi məlumatlar | |
| Doğum adı | Ludwig Viktor Joseph Anton von Österreich |
| Doğum tarixi | 15 may 1842[1] |
| Doğum yeri | |
| Vəfat tarixi | 18 yanvar 1919[2][3] (76 yaşında) |
| Fəaliyyəti | əsilzadə, siyasətçi |
| Atası | Archduke Franz Karl of Austria |
| Anası | Bavariyalı Sofiya Frederika |
| Rütbəsi | |
| Təltifləri |
                              |
 Vikianbarda əlaqəli mediafayllar | |
15 may 1842-ci ildə Vyanadakı Hofburq sarayında dünyaya gəldi. Atası Avstriya imperatoru II Fransın oğlu hersoq Frans Karl, anası isə Bavariya kralı I Maksimilyanın qızı hersoginya Sofiya Frederikadır. Doğulduğu əsnada əmisi I Ferdinand hələ də taxtda idi. Ancaq əmisi epilepsiya və hidrosefaliya kimi xəstəliklərdən əziyyət çəkirdi. Üstəlik evli olmasına baxmayaraq, hələ də bir varisi yox idi. Digər yandan taxt sıralamasında olan atası hersoq Frans Karl dövlət işlərində səriştəsiz və eyş-işrətə düşkün biri idi. Bu səbəblə gözü dövlət işlərində olan anası hersoginya Sofiya Frederika tərəfindən gələcəkdə taxta çıxması üçün mükəmməl təlim-tərbiyə aldı.
1848 Avstriya inqilabının bir nəticəsi kimi, böyük qardaşı I Frans İosif taxta çıxdı. Ancaq yaşadığı skandal həyat tərzi və homoseksuallığı səbəbilə, qardaşı tərəfindən Vyanadan qovuldu. Qalan ömrünü Zalsburq yaxınlığındakı bir sarayda yaşadı və 1919-cu ildə burada vəfat etdi.
- "Genealogie des Allerhöchsten Herrscherhauses", Hof- und Staatshandbuch der Österreichisch-Ungarischen Monarchie, 1918, p. 3
- "Real y distinguida orden de Carlos III", Guía Oficial de España, 1911, p. 168
- 1 2 Wurzbach D. C. v. Habsburg, Ludwig Joseph Anton Victor (alm.). // Biographisches Lexikon des Kaiserthums Oesterreich: enthaltend die Lebensskizzen der denkwürdigen Personen, welche seit 1750 in den österreichischen Kronländern geboren wurden oder darin gelebt und gewirkt haben Wien: 1856. Vol. 6. S. 449.
- 1 2 Ludwig Victor van Oostenrijk // RKDartists (nid.).
- 1 2 Ludwig Viktor von Habsburg // Salzburgwiki (avs. alm.).