Avstriyalı Karl Lüdviq (alm. Karl Ludwig Josef Maria von Österreich; 30 iyul 1833[1][2][…], Şönbrun sarayı[2] – 19 may 1896[1], Vyana[3]) — Müqəddəs Roma imperatoru II Fransın nəvəsi, Avstriya hersoqu, Habsburq ailəsinin bir üzvü. Eyni zamanda, Avstriya imperatoru I Frans İosifin və Meksika imperatoru I Maksimilyanın qardaşıdır.
| Avstriyalı Karl Lüdviq | |
|---|---|
| alm. Karl Ludwig von Österreich | |
 | |
| Şəxsi məlumatlar | |
| Doğum adı | Karl Ludwig Joseph Maria von Österreich |
| Doğum tarixi | 30 iyul 1833[1][2][…] |
| Doğum yeri |
|
| Vəfat tarixi | 19 may 1896[1] (62 yaşında) |
| Vəfat yeri | |
| Vəfat səbəbi | tif qızdırması[d] |
| Fəaliyyəti | siyasətçi |
| Atası | Archduke Franz Karl of Austria |
| Anası | Bavariyalı Sofiya Frederika |
| Həyat yoldaşları |
|
| Uşaqları | |
| Dini | katolisizm |
| Təltifləri |
   |
 Vikianbarda əlaqəli mediafayllar | |
30 iyul 1833-cü ildə Vyanadakı Şönbrunn sarayında dünyaya gəldi. Atası Avstriya imperatoru II Fransın oğlu hersoq Frans Karl, anası isə Bavariya kralı I Maksimilyanın qızı hersoginya Sofiya Frederikadır. Doğulduğu əsnada babası hələ də taxtda idi və onun 1835-ci ildə ölümündən sonra böyük əmisi I Ferdinand taxta çıxdı. Ancaq əmisi epilepsiya və hidrosefaliya kimi xəstəliklərdən əziyyət çəkirdi. Üstəlik evli olmasına baxmayaraq, hələ də bir varisi yox idi. Digər yandan taxt sıralamasında olan atası hersoq Frans Karl dövlət işlərində səriştəsiz və eyş-işrətə düşkün biri idi. Bu səbəblə gözü dövlət işlərində olan anası hersoginya Sofiya Frederika tərəfindən gələcəkdə taxta çıxması üçün mükəmməl təlim-tərbiyə aldı.
1848 Avstriya inqilabının bir nəticəsi kimi, böyük qardaşı I Frans İosif taxta çıxdı. Siyasətlə yaxından maraqlanmasa da, 1853-cü ildə hökumətdə vəzifə almağa başladı və 1855-ci ildə Tirol valisi təyin edildi. Bu vəzifədə ikən aktiv siyasətlə maraqlanmadı və 1861-ci ilin fevralında vəzifədən alındı. Vəzifədən ayrılarkən isə ömür boyu elm və incəsənətin hamisi olaraq siyasətdən uzaq yaşamasına icazə verən bir fərman aldı.
I Frans İosifin yaşca ən böyük qardaşı idi və bu səbəblə, qardaşı oğlu Vəliəhd Rudolfun 1889-cu ildəki intiharının ardından Avstriya taxt-tacının varisi oldu. Ancaq Fələstin və Misirə etdiyi rəsmi ziyarətin ardından, yoluxduğu tifus xəstəliyi səbəbilə 1896-cı ildə Vyanada vəfat etdi.
3 dəfə evlənmişdi. İlk evliliyi 4 noyabr 1856-cı ildə Drezdendə Saksoniya kralı I İohannın və xalası Bavariyalı Amaliya Avqustanın qızı Marqaritayla baş tutdu. Bu evlilik xanımının ölümüylə 2 il sonra sonlandı və övladı olmadı.
İkinci evliliyi isə 21 oktyabr 1862-ci ildə Venesiyada İki Siciliya kralı II Ferdinandın qızı Mariya Annunsiyata ilə baş tutdu. Cütlüyün bu nigahdan 4 övladı doğuldu.
- Frans Ferdinand
- Otto Frans Jozef (1865-1906)
- Ferdinand Karl (1868-1915)
- Marqarita Sofiya (1870-1902)
Üçüncü evliliyi isə 23 iyul 1873-cü ildə Portuqaliya kralı I Miquelin qızı İnfanta Mariya Tereza ilə baş tutdu. Cütlüyün bu nigahdan 2 qızı doğuldu.
- Mariya Annunsiyata (1876-1961)
- Yelizaveta Amaliya (1878-1960)
- Jørgen Pedersen (2009). Riddere af Elefantordenen, 1559–2009 (in Danish). Syddansk Universitetsforlag. p. 472. ISBN 978-87-7674-434-2
- Hof- und Staats-Handbuch der Österreichisch-Ungarischen Monarchie (1896), Genealogy p. 2
- Italia: Ministero dell'interno (1884). Calendario generale del Regno d'Italia. Unione tipografico-editrice. p. 47
- 1 2 3 4 Lundy D. R. Karl Ludwig Joseph Maria Erzherzog von Österreich // The Peerage (ing.).
- 1 2 3 4 Wiener Zeitung // Wiener Zeitung (alm.). W: 1703.
- 1 2 Deutsche Nationalbibliothek Record #119523620 // Gemeinsame Normdatei (alm.). 2012—2016.