Avstraliyanın Türkiyə və Azərbaycandakı səfirliyi — Avstraliyanın Türkiyədə və Azərbaycanda diplomatik nümayəndəliyi. Səfirlik Avstraliya İttifaqının rəsmi nümayəndəliyi olaraq ölkələr arasında diplomatik münasibətlərə aid bütün məsələləri əhatə edir. O, Avstraliyanın siyasi, iqtisadi, maliyyə və hüquqi məsələlər, eləcə də elm, təhsil, mədəniyyət və s. sahələrində maraqlarını Türkiyədə və Azərbaycanda təmsil edir.[1] Avstraliya səfirliyi Ankarada yerləşir, İstanbul və Çanaqqalada isə konsulluqları var.
| Avstraliyanın Türkiyə və Azərbaycandakı səfirliyi | |
|---|---|
 | |
| Ünvan |  Ankara, Türkiyə, Uğur Mumcu Caddesi,
Gaziosmanpaşa 06700 |
| Səfir | Salli-Ann Vinsent |
| Konsul general | Toni Huber (İstanbul) Laura Vauşope (Çanaqqala) |
| Sayt | Australian Embassy in Turkey and Azerbaijan |
9 sentyabr 2025-ci ildən Avstraliyanın Türkiyədə və Azərbaycanda fövqaladə və səlahiyyətli səfiri Salli-Ann Vinsentdir. [2][3]
Türkiyə ilə Avstraliya arasında diplomatik əlaqələr 1967-ci ildə qurulub. Türkiyənin Kanberradakı səfirliyi 1967-ci ildə, Avstraliyanın Türkiyədə səfirliyi 23 aprel 1968-ci ildə açılıb. Avstraliya səfirliyi Ankarada yerləşir, İstanbul və Çanaqqaladada konsulluqları var. [4]
Avstraliya İttifaqı Azərbaycan Respublikasının müstəqilliyini 1991-ci il dekabrın 26-da tanıyıb.[5] İki ölkə arasında diplomatik əlaqələr ilk dəfə 1992-ci il iyunun 19-da qurulub.[5]
6 aprel 2012-ci ildə Azərbaycanın Avstraliyada səfirliyinin yaradılması haqqında qanun qəbul edilib[5] və 2013-cü ilin iyununda səfirlik açılıb.[6]
Avstraliyanın Türkiyədəki səfirliyi eyni zamanda Azərbaycana akreditə olunub. Bu, Avstraliya səfirinin həm Ankarada, həm də Azərbaycanda səlahiyyətli diplomatı olması deməkdir və səfir və ya digər diplomatlar Azərbaycana səfərlər edərkən bu akreditasiya əsasında fəaliyyət göstərirlər.[7][8]
Türkiyə ilə Avstraliya arasında Parlamentlərarası əlaqələr daha çox beynəlxalq təşkilatlar və görüşlər, ilk növbədə MİKTA üzv ölkələri və G20 çərçivəsində həyata keçirilir.[9] Avstraliyada yaşayan Türk icması iki ölkə arasında mühüm dostluq körpüsü təşkil edir.
2011-ci il aprelin 8-də Azərbaycan Milli Məclisində Azərbaycan və Avstraliya parlamentlərarası əlaqələr üzrə işçi qrupu yaradılmışdır.[10][11]
Həmçinin Avstraliya İttifaqının qanunverici orqanı olan Avstraliya Federal Parlamentində Azərbaycan – Avstraliya Parlamentlərarası dostluq qrupu təsis edilib.[12][13]
Avstraliyanın Türkiyədə və Azərbaycandakı səfiri Avstraliya İttifaqını bu ölkələrdə təmsil edən ən yüksək diplomatik vəzifəli şəxsdir.
| Səfir | Müddət başlanğıcı | Müddətin sonu |
|---|---|---|
| Yan Devvid Qreynq Biqos[14] | 2011 | 2014 |
| Ceyms Martin Larsen[15] | 2014 | 2017 |
| Mark İnnes-Braun[16] | 2017 | 2021 |
| Mayls Robert Armiteyc [17] | 2024 | 2025 |
| Salli-Ann Vinsent[2][3] | 2025 | |
Avstraliya İttifaqının İstanbul və Çanaqqala şəhərlərində konsulluqları fəaliyyət göstərir.
İstanbul Baş Konsulluğu Türkiyədə yaşayan və ya səfər edən Avstraliya vətəndaşlarına xidmət göstərir.[18] İstanbul Baş konsuluğu Əskər Ocağı küç. 15, Elmadağ Şişli 34367 ünvanında xidmət ğöstəririr.[19] İstanbul Baş konsul Toni Huberdir.[20][21]
Çanaqqala Konsulluğu regionda yaşayan Avstraliya vətəndaşlarına xidmət göstərir. Avstraliyanın Çanaqqaladakı Konsulluğu viza proseduru xidmətləri göstərmir.[22] Konsulluq Kolin Hotel Boğazkent Mevkii, 17100 Kepez ünvanında xidmət göstərir.[23] Avstraliyanın Çanaqqalada konsul vəzifəsini Laura Vauşope icra edir.[20]
Türkiyəyə səfər etmək üçün uşaqlar da daxil olmaqla bütün Avstraliya İttifaqı pasportu sahibləri Türkiyə e-vizasına müraciət etməlidirlər. Avstraliya vətəndaşları e-viza ilə Türkiyədə 90 günə qədər qala bilərlər.[24]
Avstraliya vətəndaşları Azərbaycana səyahət etmək üçün elektron viza (ASAN Viza) sistemi vasitəsilə viza ala bilərlər və 30 günədək Azərbaycanda qala bilərlər.
Avstraliya İttifaqına səfər etmək istəyən Azərbaycan Respublikasının vətəndaşları viza rəsmiləşdirilməsi üçün Avstraliyanın Ankaradakı səfirliyinə viza üçün müraciət etməlidirlər.[25]
- ↑ Cumhurbaşkanı Erdoğan, 2 ülkenin büyükelçilerini kabul etti
- 1 2 Avustralya Büyükelçisi Vincent, Cumhurbaşkanımız Erdoğan'a güven mektubu sundu
- 1 2 Prezident İlham Əliyev Avstraliyanın Azərbaycanda yeni təyin olunmuş səfirinin etimadnaməsini qəbul edib 30.01.2026
- ↑ Australian Embassy Türkiye Georgia and Azerbaijan
- 1 2 3 Azerbaijan - Australia relations Bilateral relations between the Republic of Azerbaijan and the Commonwealth of Australi
- ↑ Azerbaijan looks for closer economic, educational, security ties with Australia
- ↑ Australia-Azerbaijan Relationship
- ↑ Avustralya Büyükelçiliği Ankara
- ↑ Türkiye - Avustralya İlişkileri
- ↑ Azərbaycan-Avstraliya parlamentlərarası əlaqələr üzrə işçi qrupu
- ↑ l Azerbaycan ile İlişkiler
- ↑ Avstraliya Federal Parlamentində Azərbaycan–Avstraliya Parlamentlərarası Dostluq qrupu yaradılıb
- ↑ Avstraliya parlamentində Azərbaycanla dostluq qrupu yaradılıb
- ↑ İlham Əliyev Avstraliya İttifaqının Azərbaycanda yeni təyin olunmuş səfirinin etimadnaməsini qəbul etmişdir 11 mart 2011
- ↑ İlham Əliyev Avstraliyanın Azərbaycanda yeni təyin olunmuş səfirinin etimadnaməsini qəbul edib 26 noyabr 2014
- ↑ İlham Əliyev Avstraliyanın Azərbaycanda yeni təyin olunmuş səfirinin etimadnaməsini qəbul edib 27 oktyabr 2017
- ↑ İlham Əliyev Avstraliyanın Azərbaycanda yeni təyin olunmuş səfirinin etimadnaməsini qəbul edib
- ↑ Avustralya Başkonsolosluğu İstanbul
- ↑ İletişim İstanbul Konsulosluğu
- 1 2 Australian Embassy Türkiye Georgia and Azerbaijan
- ↑ Avustralya Başkonsolosluğu İstanbul
- ↑ Avustralya Konsolosluğu Çanakkale
- ↑ Australian Consulate in Canakkale, Türkiye
- ↑ Avustralya'dan Türkiye Vizesi
- ↑ Azərbaycan-Avstraliya münasibətləri