Aureliya

Bunlar arktika dənizlərindən başlamış, tropik dənizlərə qədər yayılmışdır. Aureliya tipik meduz olub, hidroid meduzu obeliya ilə oxşarlığa malikdir. Lakin bəzi xüsusiyyətlərinə görə məsələn, çoxlu miqdarda çoxlu çıxıntıların olması, yelkənciyin olmaması, iri ölçüyə malik olmaları ilə hidroid meduzalarından fərqlənirlər. Aureliyalarında mezoqley güclü inkişaf etmişdir. Qolların ektoderması dalayıcı hüceyrələrlə zəngindir. Əzələləri epiteli əzələ hüceyrələrindən ibarətdir. Qastrovoskulyar sistem mürəkkəb quruluş səviyyəsinə çatmışdır. Ağız dəliyi qısa udlağa, o isə bədənin mərkəzində yerləşən qastral boşluğa açılır. Ona çox da böyük olmayan cibcikşəkilli qabarmalar açılır. Bu endodermanın sorma səthini genişləndirməyə xidmət edir. Mədədən bədənin kənarlarına doğru gedən radial kanallar başlanğıc götürür. Onlar adətən, dörd olur. Bəzilərində onlar ikinci, üçüncü dərəcəli şaxələr verir. Kanalların hamısı çətirin kənarında həlqəvi kanalla birləşir. Radial kanalların hamısı qamçılı epiteli hüceyrələri ilə örtülmüşdür. Bunlar qida maddələrininın hərəkətinə xidmət edir. Həlqəvi kanal üzərində ropalilər yerləşir, onların sayı 8-dir. Ropalilərlə gözcüklər və müvazinət orqanı – statosist olur. Cinsi vəzilər 4 sayda olub, endodermada mədə ciblərinin altında formalaşır. Mayalanmadan sonra planula formalaşır, sifistoma başlanğıc verir, o isə tumurcaqlanma yolu ilə meduza əmələ gətirir.^[1]

Onurğasızlar zoologiyasından praktikum . F. Q. Ağamalıyev , E. Ə. Muradova. Bakı "Maarif" nəşriyyatı, 2004. 204 səh.,

• Sifoid meduzaları
• Hidroidlər

Медуза аурелия ушастая. Aurelia aurita