Atlapetes crassus — Sərçəkimilər fəsiləsinə aid quş növü.
| Atlapetes crassus | ||||||
|---|---|---|---|---|---|---|
 | ||||||
| Elmi təsnifat | ||||||
|
XƏTA: parent və rang parametrlərini doldurmaq lazımdır. ???: Atlapetes crassus |
||||||
| Beynəlxalq elmi adı | ||||||
| ||||||
"Handbook of the Birds of the World" (HBW) və "Clements taksonomiyası" Atlapetes crassusu Atlapetes tricolorun yarımnövü kimi qəbul edir, lakin digər müəlliflər onu ayrı növ kimi təqdim etmişdir.[3] "Beynəlxalq Ornitoloji Konqresi" (IOC) isə onu ayrı növ kimi tanıyır.
Yetkin fərdlərin çəkisi 29,5–40 qram uzunluğu isə 16–18 sm arasında dəyişir. Yetkin fərdlərin üst hissələri zeytun-qara, alt hissələri isə sarı rəngdə olub, yan tərəfləri zeytun çalarına malikdir. Başın yan tərəfləri qara, tac zolağı və boğazı sarıdır. Cavan fərdlərin üst hissələri tünd qəhvəyi, alt hissələri isə açıq qəhvəyi rəngdə olub, tacı qırmızımtıldır.
Atlapetes crassus Kolumbiyanın qərb And dağları və qərbi Ekvador ərazilərində bütün il boyu yaşayır. Bu quş açıq bulud meşələrində, rütubətli meşələrin kənarlarında və ikinci dərəcəli meşəliklərdə yaşayır. Əsasən 600–2300 metr yüksəklikdə rast gəlinir, lakin daha aşağı və yüksək yüksəkliklərdən də tək-tük qeydlər var.[4]
Atlapetes crassusun qidalanması haqqında çox az məlumat var. Məlumdur ki, bu quş yer səviyyəsindən 10 metr yüksəklikdə qidalanır ki, bu da digər kol fırfırılarından fərqlidir (onlar əsasən yerdə qidalanır). Tək, cüt və ya qarışıq növlərdən ibarət dəstələrlə qidalanır.
Bu növün yuva qurma fenologiyası haqqında da çox az məlumat var. Müşahidəçilər Kolumbiyada noyabr, fevral və may aylarında yuva qurma, apreldə yumurta, iyun və iyul aylarında isə uçmaq üçün hazır olan balalar qeyd etmişlər. Bildirilən bir yuva yerə yaxın yerləşən qalın bir qabarcıq şəklində idi və içərisində tünd ləkəli bir ağ yumurta var idi.
Beynəlxalq Təbiəti Mühafizə Birliyi (IUCN) Atlapetes crassusini "az qayğı tələb edən" kimi qiymətləndirib.[5]
- ↑ Integrated Taxonomic Information System (ing.). 2007.
- ↑ IOC World Bird List Version 6.3. 2016. doi:10.14344/IOC.ML.6.3
- ↑ Jaramillo, A., J. del Hoyo, N. Collar, and G. M. Kirwan (2020). Tricolored Brushfinch (Atlapetes tricolor), version 1.1. In Birds of the World (S. M. Billerman, B. K. Keeney, and T. S. Schulenberg, Editors). Cornell Lab of Ornithology, Ithaca, NY, USA. DOI:10.2173/bow.trbfin1.01.1
- ↑ Gill, F.; Donsker, D.; Rasmussen, P. "IOC World Bird List (v 10.1)". yanvar 2020. 4 oktyabr 2020 tarixində arxivləşdirilib. İstifadə tarixi: 8 fevral 2020.
- ↑ BirdLife International. "Atlapetes crassus". IUCN Red List of Threatened Species. 2016. 2016: e.T103774244A104336700. doi:10.2305/IUCN.UK.2016-3.RLTS.T103774244A104336700.en. İstifadə tarixi: 20 noyabr 2021.