Atatürkün ev-muzeyi (Mərsin)

Atatürkün ev-muzeyi
Atatürkün ev-muzeyi
	türk. Mersin Atatürk Evi
Əsası qoyulub	12 oktyabr 1992
Açılış tarixi	12 oktyabr 1992
Ölkə	Türkiyə
Yerləşir	Akdəniz, Mərsin
Ünvan	Atatürk küçəsi
Kolleksiyası	Atatürkün əşyaları və yerli etnoqrafik kolleksiyalar
	36°48′22″ şm. e. 34°37′12″ ş. u.
	kultur.gov.tr/TR/belge/1…
	Vikianbarda əlaqəli mediafayllar

Mərsindəki Atatürkün ev-muzeyi (türk. Mersin Atatürk Evi) — Mərsin şəhərində iki mərtəbəli böyük binada yerləşən ev-muzeyi.

Bina Mərsinin Akdəniz ilçəsində, şəhər mərkəzində, Atatürk küçəsində yerləşir.^[1] Koordinatları 36°47′44″ şm. e. 34°37′37″ ş. u..

Tarixi

Bina, 1887-ci ildə Mərsindəki Almaniya konsulu H.Kristman tərəfindən 1270 kvadrat metrlik torpaq sahəsində tikilmiş daş konstruksiyadır. Kristman bu binanı Mərsindəki Mavromati ailəsinin kürəkəni olduğu müddətdə tikdirib.^[2] O dövrdə ev Krisman köşkü adlanırdı.

Köşk 20 yanvar 1925-ci ildə Mərsinə səfəri zamanı Atatürkə (o vaxtlar Mustafa Kamal Paşa kimi tanınırdı) və həyat yoldaşı Lətifə xanıma üçün ayrılmışdı. Atatürk və həyat yoldaşı bu evdə on bir gün qaldılar. Bina daha sonra Tahinci ailəsi tərəfindən satın alındı və bir müddət Tahinci köşkü kimi də tanındı. 1972-ci ildə köşk Nəbil Hayfavinin mülkiyyətinə keçdi və Toros Kollecinə verildi. 1983-cü ildə hökumət tərəfindən satın alınan bina bərpa işlərindən sonra 12 oktyabr 1992-ci ildə "Atatürk və İstiqlaliyyət müharibəsi" Muzeyi olaraq ictimaiyyətə açıldı.

Nümayiş edilən əşyalar

Atatürkün Mərsindəki Muzeyinin aşağı mərtəbəsi fotoşəkillər və sənədlərlə birlikdə Atatürkün ev-muzeyi olaraq hazırlanıb. Bundan əlavə, Ankaradakı Anıtqəbirdən gətirilən 22 şəxsi əşya da burada ərgilənir. Fotoşəkillərin bəziləri Atatürkün müxtəlif tarixlərdə Mərsinə səfərləri zamanı çəkilib. Bəzi fotoşəkillər həmçinin Atatürkün döyüş meydanlarında və digər şəhərlərdə çəkilmiş fotoşəkilləridir. Aşağı mərtəbədə kiçik bir konfrans zalı da vardır. Etnoqrafik əsərlərin nümayiş olunduğu yuxarı mərtəbədə; ikisi yataq otağı, biri iş otağı, dördü isə qonaq otağı olmaqla yeddi otaq vardır.^[3]

Ziyarət saatları

Mədəniyyət və Turizm Nazirliyinə məxsus muzey yay aylarında saat 9:00-dan 19:00-dək, qış aylarında isə saat 8:30-dan 17:30-dək ziyarətçilərin üzünə açıqdır. Muzey həftənin hər günü açıqdır və muzeyə giriş pulsuzdur.^[1]