Bu səhifənin Asim ibn Bəhdələ olaraq adlandırılması təklif edilir. |
Asim ibn Bəhdələ (ərəb. عاصم بن بهدلة) və ya Əbu Bəkr Asim ibn Əbun-Nücud Bəhdələ əl-Əsədi əl-Küfi — on mütəvatir qiraətdən ən məşhurunun və dünyada ən çox yayılmışının (Asim qiraətinin) imamı. Tabiindəndir.[1] Rəmzi ərəb əlifbasındakı "ن" hərfidir.[2]
| Asim ibn Bəhdələ | |
|---|---|
| ərəb. عاصم بن بهدلة | |
 | |
| Doğum tarixi | VII əsr |
| Doğum yeri | |
| Vəfat tarixi | 745 |
| Vəfat yeri | |
| Elm sahəsi | qiraət |
| Tanınmış yetirmələri |
Əbu Hənifə İmam Həfs İmam Şöbə |
Asim ibn Əbun-Nücud, Əbu Rəmsə, Rüfaə ət-Təmimi, əl-Haris ibn əl-Həsən əl-Bəkri və başqalarından hədis nəql etmişdir. Quran qiraətini Əbu Əbdürrəhman əs-Süləmi, Əbu Məryəm Zirr ibn Hübeyş əl-Əsədi və Əbu Əmr Səid ibn İlyas əş-Şeybanidən, onlar isə Abdullah ibn Məsuddan almışdır. Zirr ibn Hübeyş və Əbdürrəhman əs-Süləmi eyni zamanda Əli və Osmandan qiraət öyrənərək nəql etmişdir. Süləmi digərlərindən fərqli olaraq Übeyy ibn Kəb və Zeyd ibn Sabitdən də qiraət nəql etmişdir. Süləminin qiraət istadları olan səhabələr Osman, Əli, Übeyy ibn Kəb və Zeyd ibn Sabit isə qiraəti Məhəmməd peyğəmbərdən almışdır. Ustadı Süləmidən sonra Kufədə qiraət ustadlığı Asimə keçmişdir. Əbu Hənifə Quran qiraətini ondan öyrənmişdir. Asimin qiraətinin ən məşhur raviləri (nəql edənlər) isə Həfs və Şöbədir. Asim hicri 127-ci ilin (744) axırlarına yaxın Kufədə vəfat etmişdir.[1]
Qiraət sahəsində mahir olmasına baxmayaraq hədis elmində onun haqqında müxtəlif fikirlər vardır. Əbu Züra və Əhməd ibn Hənbəl onu "siqa", Əbu Hatim "saduq" olaraq adlandırmışdır.[3] Onun hədis əzbərinin kifayət etmədiyinə və siqa olmasına baxmayaraq, hədisdə çoxlu səhvlərə yol verdiyinə işarə edənlər də olmuşdur.[4][5] Lakin onun rəvayətlərinə Kutubi Sittədə yer verilmişdir.
- ↑ 1 2 Əbu Hənifə Numan İbn Sabit, Tərcümə və şərh edən: Fizuli Hüsiyev. əl-Fiqhul-Əkbər (az.). Bakı: İpəkyolu Nəşriyyatı. 2014. 28–29. ISBN 978-9952-8221-7-5.
- ↑ "Kıraat Imamlarinin Ve Ravilerinin Rumuzlari". 26.04.2014. 28.03.25 tarixində arxivləşdirilib.
- ↑ "ÂSIM b. BEHDELE". 08.03.2025 tarixində arxivləşdirilib.
- ↑ Zəhəbi. Mizənül-itidəl, cild II (ərəb). 358.
- ↑ Aləmun-nübəla, cild V (ərəb). 260.