Bu səhifənin Əsakiri-mənsureyi-Məhəmmədiyyə olaraq adlandırılması təklif edilir. |
Bu məqalədə heç bir məlumatın mənbəsi göstərilməmişdir. |
Əsakiri-mənsureyi-Məhəmmədiyyə (azərb. Məhəmmədin qalib əsgərləri) — Yeniçəri ocağının Vaqiəyi-Xeyriyyə ilə aradan qaldırılmasından sonra, Osmanlı sultanı II Mahmud tərəfindən yaradılmış olan yeni ordunun adıdır. 16 iyun 1826 — 1920-ci illərdə fəaliyyət göstərmişdi. De-fakto 1912-ci ildən fəaliyyətinə son verilmişdir. Mudros sülh müqaviləsindən sonra isə fəaliyyəti tamamilə ləğv edilmişdir. Qərargahı İstanbul və Selanikdə olmuşdur. Bu ordudan 1877-1878-ci illərdəki Rusiya-Osmanlı müharibəsi, Krım müharibəsi, 1897-ci ildəki Osmanlı-Yunan müharibəsi, Balkan müharibələri və Birinci Dünya müharibəsi zamanı istifadə edilmişdir.
Dindar insanların reaksiyasını azaltmaq üçün Məhəmmədiyyə adı əlavə edilmişdir. Keçmiş yeniçəri ağalarından olan Ağa Hüseyn Paşa birinci olaraq “sərəsgər” adı ilə Əsakiri-mənsureyi-Məhəmmədiyyənin rəhbərliyinə gətirilmişdir.
Əsakiri-mənsureyi-Məhəmmədiyyə“tərtibat” adlandırılan səkkiz qoşundan ibarət idi. Hər tərtibatın başında “mayor” adlandırılan bir komandir var idi. Bu mayorlar “baş mayora” tabe idi. Hər tərtib 16 sıra (saf) idi. Hər saf bir kapitanın əmri altında idi. Hər kapitanın iki “mülazim” köməkçisi var idi. Hər tərtibatda bir artilleriya var idi.
Artilleriyaya “artilleriya başçısı” adlı bir zabit rəhbərlik edirdi və toplara əmr verirdi. 16 cərgədən (saf) ibarət olan tərtibatlar səkkiz sağ və səkkiz sol olaraq ikiyə ayrılmışdı. Bunlara “sağ qolağaları” və “sol qolağaları təyin edilmişdi. İki il sonra bu təşkilat yenidən təşkil edilmiş və tərtibatlara “alay” komandirlərinə miralay deyildi. “Saf” termini “bölük” olaraq dəyişdirildi. Hər alay mayorun komandanlığı altında üç batalyondan ibarət idi.
Sol və sağ qolağası adını alan iki zabit, bir katib, bir sancaqdar, hər bölüyə “kapitan” və “mülazim”dən başqa “baş çavuş” və “dəstə komandiri” əlavə edilmişdi. Hər alayda “miralay” köməkçisi olan kaymakam var idi. İki alay bir “mirliva” və üç alay bir “ferik”in komandirliyi altında idi. Miralaydan yuxarı zabitlərə “paşa” deyilirdi. Əsakiri-mənsureyi-Məhəmmədiyyənin ən böyük komandiri “müşir” idi.