Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinAsahel (ivr. עשהאל, q.yun. ‘Ασαέλ) — Davud padşahın rəhbərliyi altında xidmət etmiş hərbi lider və Davudun bacısı Seruyanın ən kiçik oğlu. Beləcə, Asahel Davudun bacısı oğlu və Davudun generalı Yoavın kiçik qardaşı idi. Asahelin adı İkinci Şamuel Kitabının 2-ci və 3-cü hissələrində qeyd olunur.
Asahel adının mənası "Tanrı tərəfindən yaradılmış" deməkdir. O, Davudun bacısı Seruyanın ən kiçik oğlu idi (2-ci Şamuel 2:18; 1-ci Salnamələr 2;16). İosif Flavi bildirir (Yəhudilərin qədimliyi, VII, 1, 3) ki, onun atasının adı Suri idi.[1] Asahelin böyük qardaşları Yoav və Abişay idi. O, ayaqlarının cəldliyi ilə tanınırdı: "Asahel çöl ceyranı kimi ayaqdan iti idi." (2-ci Şamuel 2:18). O, qardaşı Yoavın ordusu ilə birlikdə Giveonda Avnerlə vuruşmuş, daha sonra onu təqib etmişdir, nəticədə Avner Asaheli qətlə yetirdi. (2-ci Şamuel 2:18) Asahel Davudun 30 igid döyüşçülərindən biri kimi təqdim olunur.(2-ci Şamuel 23:24; 1-ci Salnamələr 11;26)
Giveondakı döyüş İş-Boşetin ordusuna komandanlıq edən Şaulun oğlu Avner ilə Davudun ordusuna komandanlıq edən Yoav qarşı-qarşıya gəlmişdilər. Döyüşdən sonra Asahel döyüş yerindən uzaqlaşmaq istəyən Avnerin ardınca düşdü. Gənc Asahel tezliklə Abnerə çatdı. Abner Asaheldən onu təqib etməməsi üçün yalvarsa da, Asahel təslim olmaqdan imtina etdi. Abner nizəsinin küt ucunu Asahelin qarnından keçirdi və Asahel yerindəcə öldü.(2-ci Şamuel 2:23)
Yoav döyüşdə qalib gəlsə də, Abner canını qurtara bildi; Asahel atasının Beytləhmdəki məqbərəsində dəfn edildi. Qisas diləyən Yoav, Davudun istəklərinə zidd olaraq, qardaşı Abişayın köməyi ilə Abneri öldürdü.
Birinci Salnamələr Kitabı 27:7-yə əsasən, Asahelin Zevadya adlı bir oğlu var idi və o, atasının ölümündən sonra onun hərbi bölüyünə komandanlıq etməyə başladı.