Arzu Yusif oğlu Rəhimov (1 oktyabr 1964, Naxçıvan) — Azərbaycan hərbi və dövlət xadimi, general-polkovnik (2021), Səfərbərlik və Hərbi Xidmətə Çağırış üzrə Dövlət Xidmətinin rəisi (2012–2023), Dövlət Miqrasiya Xidmətinin rəisi (2007–2012), Dövlət Sərhəd Xidməti rəisinin birinci müavini — Sərhəd Qoşunları Baş Qərargah rəisi (2006–2007).
| Arzu Rəhimov | |
|---|---|
 | |
| 14 fevral 2012 – 17 aprel 2023 | |
| Prezident | İlham Əliyev |
| Baş nazir | Artur Rasizadə Novruz Məmmədov Əli Əsədov |
| Əvvəlki | vəzifə təsis edilib |
| Sonrakı | Mürsəl İbrahimov |
| 30 aprel 2007 – 14 fevral 2012 | |
| Prezident | İlham Əliyev |
| Baş nazir | Artur Rasizadə |
| Sonrakı | Firudin Nəbiyev |
  | |
| 2006 – 30 aprel 2007 | |
| Prezident | İlham Əliyev |
| Şəxsi məlumatlar | |
| Doğum tarixi | 1 oktyabr 1964 (60 yaş) |
| Doğum yeri | |
| Partiya | |
| Təhsili |
|
| Fəaliyyəti | siyasətçi |
| Hərbi xidmət | |
| Xidmət illəri | 1982—h. h. |
| Mənsubiyyəti |
 Azərbaycan Ordusu |
| Rütbəsi |
 General-polkovnik  II dərəcəli dövlət miqrasiya xidməti müşaviri |
|
|
|
| Təltifləri |
                   |
 Vikianbarda əlaqəli mediafayllar | |
Arzu Rəhimov 1964-cü il oktyabrın 1-də Naxçıvan şəhərində anadan olmuşdur. 1982-ci ildə Novosibirsk Ali Hərbi Siyasi Ümumqoşun Məktəbinə qəbul olmuşdur və 1986-cı ildə oradan məzun olmuşdur.
Arzu Rəhimov 1986–1989-cu illərdə Sovet Ordusunun sıralarında bir sıra vəzifələrdə xidmət etmişdir. 1992-ci ildə isə Azərbaycan Ordusunun sıralarında xidmət etməyə başlamışdır. 1992–2004-cü illərdə Sərhəd Qoşunlarının sıralarında baş zabit, hərbi hissə komandiri və digər vəzifələrdə xidmət etmişdir.
Azərbaycan Respublikası Prezidentinin 6 aprel 2004-cü il tarixli 160 nömrəli Sərəncamına əsasən Arzu Rəhimov Sərhəd Qoşunlarının Baş Qərargah rəisinin birinci müavini təyin edilmişdir.
2004-cü il iyulun 30-da isə Arzu Rəhimova Azərbaycan Respublikası Prezidentinin Sərəncamına əsasən general-mayor ali hərbi rütbəsi vermilmişdir.
Azərbaycan Respublikası Prezidentinin 2006-cı il tarixli Sərəncamına əsasən Arzu Rəhimov Sərhəd Qoşunlarının Baş Qərargah rəisinin birinci müavini vəzifəsindən azad edilmiş və Dövlət Sərhəd Xidməti rəisinin birinci müavini — Sərhəd Qoşunları Baş Qərargahının rəisi təyin edilmişdir.
Azərbaycan Respublikası Prezidentinin 30 aprel 2007-ci il tarixli Sərəncamına əsasən Dövlət Sərhəd Xidməti rəisinin birinci müavini — Sərhəd Qoşunları Baş Qərargahının rəisi vəzifəsindən azad edilmiş və Dövlət Miqrasiya Xidmətinin rəisi təyin edilmişdir.
Azərbaycan Respublikası Prezidentinin 14 fevral 2012-ci il tarixli Sərəncamına əsasən Dövlət Miqrasiya Xidmətinin rəisi vəzifəsindən azad edilmiş və Səfərbərlik və Hərbi Xidmətə Çağırış üzrə Dövlət Xidmətinin rəisi vəzifəsinə təyin edilmişdir.
Azərbaycan Respublikası Prezidentinin 17 aprel 2023-cü il tarixli Sərəncamına əsasən Arzu Rəhimov Səfərbərlik və Hərbi Xidmətə Çağırış üzrə Dövlət Xidmətinin rəisi vəzifəsindən azad edilmişdir.
Arzu Rəhimov ailəlidir. 2 övladı var.
Arzu Rəhimov Azərbaycan Prezidentlərinin Fərmanlarına və Sərəncamlarına əsasən Azərbaycanın orden və medalları ilə təltif edilmişdir.
- "Hərbi xidmətlərə görə" medalı — 16 avqust 2002
- "Vətən uğrunda" medalı — 15 avqust 2005
- 2-ci dərəcəli "Vətənə xidmətə görə" ordeni — 12 fevral 2018
- (09.12.2020) — "Qarabağ" ordeni — 9 dekabr 2020[1]
- ↑ Normativ hüquqi sənədlərin vahid internet bazası. "Azərbaycan Respublikas; Silahlı Qüvvələrinin hərbi qulluqçularının təltif edilməsi haqqında Azərbaycan Respublikas; Prezidentinin Sərəncamı". www.e-qanun.az. 09.12.2020. 2021-01-16 tarixində arxivləşdirilib. İstifadə tarixi: 09.12.2020.