Arkadi Tolbuzin (1 avqust 1920, Moskva – 24 mart 1972, Moskva) — teatr və kino aktyoru, kinorejissor, RSFSR Əməkdar artisti (1954).[1]
| Arkadi Tolbuzin | |
|---|---|
| Doğum tarixi | 1 avqust 1920 |
| Doğum yeri | |
| Vəfat tarixi | 24 mart 1972 (51 yaşında) |
| Vəfat yeri | |
| Dəfn yeri | |
| Fəaliyyəti | aktyor, kinorejissor, ssenarist |
| Mükafatları |
     |
| IMDb | ID0865889 |
Arkadi Nikolayeviç Tolbuzin 1 avqust 1920-ci ildə Moskvada anadan olub. Anası Zinaida Aleksandrovna baş mühasib, atası Nikolay Arkadyeviç isə baş mühəndis olub. 1938-ci ildə atası qəfil vəfat edib, Arakadi özü isə RFSR Cinayət Məcəlləsinin 169-cu maddəsi (dələduzluq) ilə ittiham olunaraq həbs edilib və Kareliyada kiçik bir şəhər olan Medvejyeqorska sürgün edilib. Burada Tolbuzin avtobazada işləyib, sonra isə Belomorsko-Baltik kombinatının teatrında aktyor kimi özünü sınayıb. Elə orada Petrozavodsk Teatr Texnikumunda təhsil alıb və 1940-cı ildə oranı bitirib. Petrozavodsk Dram Teatrında işə qəbul olub, burada Qoqolun "Evlənmə" əsərində Yayçnitsa rolunu, "Müfəttiş" əsərində Lyapkın-Tyapkin rolunu, Şillerin "İntriqa və məhəbbət" əsərində isə Ferdinand rolunu və digər obrazları ifa edib. Bir çox teatrlarda çalışıb. 1960-cı ildən Kinoaktyor Teatr-Studiyasının aktyoru olub.
Arkadi Tolbuzin 1941-ci ilin iyununda müharibə başlayanda könüllü olaraq cəbhəyə yollanıb. O, musiqi tağımında musiqiçi, tank əleyhinə tüfəng tağımının komandiri kimi xidmət edib. Yaralanmış və qəlpə zədəsi almışdır. Orada həvəskar konsertlər təşkil edib. "Qırmızı ulduz" ordeni və "Şücaətə görə" medalı[2]. ilə təltif olunub. Arkadi Tolbuzin 1945-ci ildə ordudan tərxis olunub.
Başqa məlumata görə, Böyük Vətən müharibəsi başlayanda Tolbuzin teatrla birlikdə Belomorska təxliyə edilib, 1942-ci ilin yanvarında isə yerli musiqili komediya teatrına keçib. Və yalnız 1942-ci il mayın 5-də könüllü olaraq cəbhəyə gedib. Əvvəlcə 34-cü ehtiyat atıcı alayının konsert briqadasına rəhbərlik edib, sonra 1944-cü ilin martında başqa atıcı diviziyasına köçürülüb. Orada tank əleyhinə tüfəng tağımının komandiri olmuş və eyni zamanda diviziya ansamblına rəhbərlik edib. 1945-ci ilin yayında Uzaq Şərqdə xidmət etmiş, 1 noyabr 1945-ci ildə ordudan tərxis olunub..[3]
Arkadi Tolbuzin 24 mart 1972-ci ildə ikinci infarktdan sonra vəfat edib və Vaqankovo qəbiristanlığında (12-ci sahə) dəfn olunub.
- ↑ 1 2 "Аркадий Толбузин". 2009-05-05 tarixində arxivləşdirilib. İstifadə tarixi: 2009-07-31.
- ↑ "Память народа". 2020-06-30 tarixində arxivləşdirilib. İstifadə tarixi: 2020-06-29.
- ↑ "«Полковник Кудасов — нищий!»". 2020-11-29 tarixində arxivləşdirilib. İstifadə tarixi: 2020-11-22.