Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinArilena Ara (17 iyul 1998 və ya 17 iyul 1996, Şkoder) — Albaniya müğənnisi.
| Arilena Ara | |
|---|---|
| alb. Arilena Ara | |
.jpg) | |
| Ümumi məlumatlar | |
| Ləqəbi | Arilena |
| Doğum tarixi | |
| Doğum yeri | Şkoder, Albaniya |
| Vətəndaşlığı |
 Albaniya |
| Musiqiçi məlumatları | |
| Fəaliyyəti | müğənni, bəstəkar |
| Fəaliyyət illəri | 2012–h.h. |
| Janr | |
| Musiqi aləti | vokal |
| Albom şirkəti | Elite Productions |
| arilenaara.com | |
 Vikianbarda əlaqəli mediafayllar | |
Arilena vətəni Albaniyada 2012-ci ildə X Factor musiqi yarışmasındakı iştirakından sonra şöhrət qazanmışdır. O, 2019-cu ilin dekabr ayında ifa etdiyi "Shaj" (azərb. Lənət) mahnısı ilə Albaniyanın Festivali i Këngës mahnı yarışmasında iştirak edərək qələbə qazanmışdır.[1][2] Həmin mahnı ilə ifaçı Albaniyanı Niderlandın Rotterdam şəhərində keçirilən 2020 Avroviziya Mahnı Müsabiqəsində təmsil edəcək.[3]
Arilena Ara 1998-ci ilin iyul ayında Albaniyanın Şkoder şəhərində anadan olmuşdur. O ilk öncə Gjeniu i Vogël uşaqlar üçün məharət yarışmasında iştirak etmiş və nəticədə üçüncü yerə layiq görülmüşdür.
Atasının vəfatının ardınca Arilena 2012-ci ilin oktyabr ayından 2013-cü ilin mart ayınadək Albaniyanın X Factor musiqi yarışmasına iştirak etmişdir. Yarışmanın finalına yüksəlməyə nail olan Arilena nəticədə qalibiyyət əldə etmişdir. Bunun ardınca ifaçı "Dance With Me" yarışmasında iştirak etmişdir. 2014-cü ilin fevral ayında Arilenanın "Aeroplan" adlı debüt sinqlı təqdim olunmuşdur. Albaniyada hitə dönüşən mahnının ardınca ifaçının ikinci sinqlı "Business Class" təqdimatından sonra 9 saat ərzində 1 milyondan artıq baxış sayı qazanmışdır. 2015-ci ildə Arilena atasına həsr etdiyi "Vegim" mahnısını təqdim etmişdir. Onun 2016-cı ildə buraxdığı "Nëntori" mahnısı isə Albaniya ilə yanaşı Rumıniya və Rusiyada da hit-paradlarda yer almışdır.
2019-cu ildə Arilena The Voice Kids Albania səs yarışmasında münsiflər heyətinin üzvü kimi iştirak etmişdir.[4]
| Mahnı adı | İl |
|---|---|
| "Aeroplan" | 2014 |
| "Business Class" | |
| "Vegim" | 2015 |
| "TokeRroke" | 2016 |
| "Nëntori" | |
| "Nallane 3" (Flori Mumayesi və DJ Vicky ilə) | 2017 |
| "I'm Sorry" | |
| "Snow in December" | |
| "Kida" | |
| "Silver and Gold" | |
| "Zemër" | |
| "Silver & Gold" | 2018 |
| "Doja" (Flori Mumayesi ilə duet) | 2019 |
| "Shaj" |
- ↑ "Festivali i 58-të i Këngës në RTSH, juria përzgjedh 20 këngëtarët pjesëmarrës". rtsh.al (albanca). Radio Televizioni Shqiptar. 24 oktyabr 2019. 28 oktyabr 2020 tarixində orijinalından arxivləşdirilib. İstifadə tarixi: 23 dekabr 2019.
- ↑ "Arilena Ara–Biografia". festivali-rtsh.al (albanca). Festivali i Këngës. 23 dekabr 2019 tarixində arxivləşdirilib. İstifadə tarixi: 30 noyabr 2019.
- ↑ "Albania: Arilena Ara to Eurovision 2020" (ingiliscə). Eurovoix. 22 dekabr 2019. 23 yanvar 2020 tarixində arxivləşdirilib. İstifadə tarixi: 23 dekabr 2019.
- ↑ "ARILENA ARA, GATI PËR KËTË UDHËTIM TË RI NË "THE VOICE KIDS"". 30 may 2021 tarixində arxivləşdirilib. İstifadə tarixi: 23 dekabr 2019.
| Əvvəlki: Yonida Maliçi "Ktheju tokës" |
Albaniya Avroviziya Mahnı Müsabiqəsində  2020 |
Sonrakı: – |