Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinAntifutbol və ya Harambol (ing. haramball) — futbolda çox müdafiə yönümlü və aqressiv yanaşmanı vurğulayan oyun tərzi. Əsasən ötürmələrə əsaslanır və hücumçu istisna olmaqla bütün komanda üzvlərinin topun arxasında yerləşməsini nəzərdə tutur. Bu taktikanın məqsədi oyunu qazanmaq üçün hücum strategiyası qurmaqdan çox, rəqib komandanın qol vurmasının qarşısını almaqdır. Bu cür taktikalara görə tanınan məşqçilər arasında Xose Bordalas, Mikel Arteta, Dieqo Simeone, Joze Mourinyo, Valter Smit və Massimiliano Alleqri kimi adlar var.
Bu termin həmçinin topu heç bir oyunçuya ötürməyə cəhd etmədən irəli vurmaqla, vaxt itirmə və yerdə qalmaq kimi hərəkətlərlə, eləcə də cərimə zərbələri zamanı topu uzaqlaşdırmaqla oyunun irəliləməsinin qarşısını qəsdən alan komandaları təsvir etmək üçün də istifadə olunur. Bu cür hərəkətlər adətən hakim tərəfindən sarı vərəqə ilə cəzalandırılır.
Avropada futbolun idarəedici orqanı olan UEFA, ədalətli oyuna üstünlük verən, o cümlədən anti-futbol taktikasından uzaq duran komandaları "fair play" mükafatı ilə təltif edir. Oyunu açmağa çalışan, hücum edən, risk alan, topa nəzarəti qoruyan və qayda pozuntularından çəkinən komandalar daha yüksək "fair play" xalı qazanırlar. 1995-ci ildən 2014–15 mövsümünə qədər Avropada ən yüksək reytinqə malik üç komanda avtomatik olaraq Avropa Liqasına vəsiqə qazanırdı. Onlar indi də ədalətli oyunlarına görə pul mükafatı alırlar.
"Anti-futbol" termini ingilis dilində ən azı 2001-ci ildən istifadə olunur. Qari Armstrong və Riçard Culianotti onu "Fear and Loathing in World Football" adlı kitablarında 1968-ci il Qitələrarası Kubok zamanı Argentina klubu Estudiantes de La Plata-nın tətbiq etdiyi taktikanı təsvir etmək üçün işlətmişdilər. Onlar bu ifadəni 1968-ci ildə Argentina idman jurnalı "El Gráfico"da dərc olunmuş redaksiya məqaləsindən götürmüşdülər.[1]
"Arsenal"ın futbolçusu Sesk Fabreqas bu ifadəni "Vest Hem Yunayted"ə qarşı 1–0 hesablı məğlubiyyətdən sonra İngiltərə Premyer Liqasındakı oyun tərzini təsvir etmək üçün işlətmişdi.[2] 2007-ci ildə Fabreqas keçmiş "Barselona"lı futbolçu, "Blekbörn Rovers"in meneceri, komandasının oyun tərzini müdafiə edən Mark Hyuzla qızğın mübahisə yaşamışdı.[3]
2008 UEFA Kubokunun finalına qədər olan oyunlarda "Reyncers"in meneceri Valter Smit "Watenaccio" adlanan (1960-cı illərdə İtaliya futbolunda məşhurlaşmış müdafiə sistemi "Catenaccio"ya istinadən) son dərəcə müdafiə yönümlü strategiyadan istifadə etmişdi.[4][5] Bu taktika rəqib futbolçuların, o cümlədən "Barselona"nın oyunçusu Lionel Messinin tənqidinə səbəb olmuşdu; Messi "Reyncers"lə 0–0 hesablı oyundan sonra bu tərzi "anti-futbol" adlandırmışdı.[6][7]
2010-cu ildə Yohan Kroyf Niderlandın İspaniyaya qarşı 2010 FIFA Dünya Kubokunun finalındakı oyun tərzini "anti-futbol" adlandırmışdı. O, Niderland komandasını hücum və əyləncəli futbol prinsipindən imtina etdiyi və "çirkli" oyun sərgilədiyi üçün tənqid etmişdi. Turnir ərzində digər şərhçilər də Niderlandın oyun tərzini artıq "anti-futbol" kimi xarakterizə etmişdilər.[8]
Vyetnamın baş məşqçisi Enrike Kalisto 2010 AFF Suzuki Kubokunun qrup mərhələsində komandası Filippinə məğlub olduqdan sonra "anti-futbol" ifadəsini işlətmişdir.[9]
2018 FIFA Dünya Kubokunun yarımfinalında Belçikanın Fransaya məğlubiyyətindən sonra Belçika qapıçısı Tibo Kurtua Fransa komandasını "anti-futbol" oynamaqda ittiham etmişdi. Baxmayaraq ki, Fransa daha çox qol cəhdi etmişdi amma topa sahiblik baxımından Belçikadan geri qalırdı.[10][11] Daha sonra o, bu şərhlərinə görə üzr istəmişdir.[12]
- ↑ Gary Armstrong & Richard Giulianotti. Fear and Loathing in World Football. Berg Publishers. 2001. 242. ISBN 978-1859734636.
- ↑ Sheppard, David. "Fabregas slates the 'anti-football' of Premiership rivals". ESPN. 10 noyabr 2006. 7 fevral 2018 tarixində orijinalından arxivləşdirilib. İstifadə tarixi: 30 sentyabr 2020.
- ↑ Michael Wade. "Six of the best: Cesc Fabregas run-ins". Talksport. 19 aprel 2011.
- ↑ "Forget Watenaccio – Walter Smith's Rangers can go for Celtic's jugular". The Guardian. 1 yanvar 2010. İstifadə tarixi: 4 yanvar 2014.
- ↑ "Uefa Cup final tactics". BBC. 14 may 2008. İstifadə tarixi: 4 yanvar 2014.
- ↑ "Rangers played anti-football, bemoans Messi". The Guardian. 24 oktyabr 2007. İstifadə tarixi: 4 yanvar 2014.
- ↑ "Barcelona's Lionel Messi hits out at Rangers". The Telegraph. 24 oktyabr 2007. İstifadə tarixi: 4 yanvar 2014.
- ↑ "World Cup final: Johan Cruyff hits out at 'anti-football' Holland". The Guardian. 12 iyul 2010.
- ↑ "Historic victory leaves McMenemy bewildered". AFF Suzuki Cup 2010. 6 dekabr 2010. 7 dekabr 2010 tarixində orijinalından arxivləşdirilib.
- ↑ Kalinic, Dejan. "Belgium loss to France: Les Bleus are 'an anti-football team', says Thibaut Courtois". Goal.com. 10 iyul 2018. İstifadə tarixi: 1 oktyabr 2020.
- ↑ Taylor, Daniel. "Samuel Umtiti header put France in World Cup final with win over Belgium". The Guardian (ingilis). 10 iyul 2018. ISSN 0261-3077. İstifadə tarixi: 1 oktyabr 2020.
- ↑ "Chelsea's Thibaut Courtois Apologises to France & Backtracks on His Criticism of Les Bleus' Tactics". Sports Illustrated (ingilis). 15 iyul 2018. İstifadə tarixi: 21 noyabr 2023.