Antalya Oyuncaq Muzeyi, 23 aprel 2011-ci ildə açılmış və Antalya Böyükşəhər Bələdiyyəsinin nzdində bir oyuncaq muzeyidir.
| Antalya Oyuncaq muzeyi | |
|---|---|
 | |
 | |
| Əsası qoyulub | 23 aprel 2011 |
| Təsisçi | Antalya Böyükşəhər Bələdiyyəsi |
| Ölkə | Türkiyə |
| Yerləşir | Muradpaşa, Antalya |
| Ünvan | Qalaiçi, Antalya |
| Kolleksiyası | 3 min oyuncaq |
| Muzeyə yetişmək | Antalya tramvayı T2, KC06, KL08, UC11, MC12, MC12A, CV14, TC16, TC16A, KL21, UC32, KC34, KC34A, MZ78, KPZ83, TL94 |
| 36°53′07″ şm. e. 30°42′07″ ş. u. | |
| oyuncakmuzesi.antalya.bel.tr | |
 Vikianbarda əlaqəli mediafayllar | |
Qalaiçi Yat Limanında yerləşən tarixi bir ərazidə yerləşir. Onun kolleksiyasında 1860-cı illərdən 1990-cı illərə qədər olan dövrə aid təxminən 3 min oyuncaq var.[1]
Oyuncaq muzeyinin yaradılması ilə bağlı işlər Antalya Büyükşəhər Bələdiyyəsi Mədəniyyət ve Sosial İşlər üzrə dairə rəhbərliyi tərəfindən 2010-cu ilin sentyabr ayında başlanmışdır. İstanbul Oyuncaq Muzeyinin qurucusu Sunay Akının məsləhətçiliyi ilə aparılan işlərin nəticəsində muzey 23 aprel 2011-ci ildə təşkil olunan mərasimlə Qalaiçi Yat Limanındakı tarixi bir ərazidə fəaliyyətə başlamışdır.[3]
2011-ci ilin iyul ayında kolleksiyaya yeni oyuncaqlar əlavə edildi. Həmin ilin sentyabr ayında isə uşaqların təhsili üçün emalatxana tapşırıqlarına başlanıldı.[3]
Uşaqlar ya tək, ya da ailələri ilə birlikdə emalatxana tapşırıqlarına qatıla bilirlər.
Antalya Oyuncaq Muzeyi, şəhərin turizminə təqdim etdiyi müxtəliflik və universitetlərlə əməkdaşlıq çərçivəsində şəhər mədəniyyətinə verdiyi töhfələr 2021-ci ildə Tarixi Şəhərlər Birliyinin təşkil etdiyi Muzey Təşviq müsabiqəsində "Həyat Mədəniyyəti Muzeyləri" kateqoriyasında mükafata layiq görüldü.[4]
Muzeydə dayanıqlığı artırmaq məqsədilə müxtəlif fəaliyyətlər təşkil olunur. Muzeydə taxta oyuncaq boyama, maska hazırlama emalatxanası, oriqami, kiriqami, tapmaca (puzzle), gil ilə heykəltəraşlıq, qum boyama, rəsm sənəti emalatxanaları, həmçinin dram və aktyorluq emalatxanaları fəaliyyət göstərir.
Qalaiçində muzey binası kimi yenidən funksiyalaşdırılmış qədim bir karvansaray binasında yerləşir. Burada 11 otaq və 500 nəfər tutumlu bir amfiteatr vardır.
Muzeydə 11 otaq və 44 vitrində dünya oyuncaq tarixinin önəmli örnəklərindən formalaşan 750 oyuncaq sərgilənir.[5]
Oyuncaqların böyük hissəsi Schuko, Lehma, Steiff, Luis Marks, Nekur və Fatoş kimi oyuncaq istehsalçılarının məhsullarıdır.
Xacə Nəsrəddin və eşşəyi, Şirinlər, Külkedisi və Balqabağ arabası, Daltonlar, Red Kit, Mikki Maus, Təməl Rəis və Kəloğlan kimi xarakterlərin fiqurları yer alır.
Sənaye dövründən sonra yaranan ilk fabriklərin istehsal etdiyi oyuncaq nümunələri muzeydə yer almaqdadır. Əlavə olaraq, oyuncaq tarixinin və uşaq evlərinin ən nadir tapılan nümunələri muzeydə yer almaqdadır.
- ↑ (Türkçe) https://www.trthaber.com/foto-galeri/cocukluk-anilarina-goturen-muze-antalya-oyuncak-muzesi/37506.html (#bare_url_missing_title). (#first_missing_last)
- ↑ http://www.haberler.com/antalya-oyuncak-muzesi-23-nisan-da-aciliyor-2673291-haberi/ (#bare_url_missing_title).
- 1 2 http://oyuncakmuzesi.antalya.bel.tr/ (#bare_url_missing_title).
- ↑ (PDF) https://www.tarihikentlerbirligi.org/wp-content/uploads/MuzeOzendirmeYarismasi21.pdf (#bare_url_missing_title).
- ↑ https://dergipark.org.tr/tr/pub/esosder/issue/28556/304687%7Cbaşlık=TÜRKİYE’DE web.archive.org/web/20240506001217/https://dergipark.org.tr/tr/pub/esosder/issue/28556/304687%7Carşivtarihi=6 Mayıs 2024