Anna Alekseyevna Peresild (rus. А́нна Алексе́евна Переси́льд — Rusiya aktrisası. O, ilk növbədə "Oğlanın sözü. Asfaltda qan (2023)" serialında canlandırdığı Aygül obrazı sayəsində geniş populyarlıq qazanıb.
| Anna Peresild | |
|---|---|
 | |
| Doğum tarixi | 20 may 2009 (16 yaş) |
| Doğum yeri | |
| Vətəndaşlığı |
 Rusiya |
| Anası | Yuliya Peresild |
| Fəaliyyəti | aktrisa |
| Fəaliyyət illəri | 2018-ci ildən |
| IMDb | ID8602290 |
Anna Peresild 20 may 2009-cu ildə Moskvada anadan olub. Onun anası aktrisa Yuliya Peresild, atası isə məşhur rejissor Aleksey Uçiteldir. Atası anasından 34 yaş böyükdür. Onlar rejissorun film çəkilişləri zamanı tanış olublar.[1][2]
Məlumdur ki, Annanın valideynləri onun kinoda karyerasına başlamasına qarşı çıxıblar. Hətta onlar bir müddət rejissorların və prodüserlərin təkliflərini rədd ediblər. Buna baxmayaraq, 2018-ci ildə Anna Sergey Mokritskinin "Qaralama" filmində rol alıb.[3][4][5] 2020-ci ildə o, Natalya Konçalovskayanın “İlk qar” filmində iştirak edib. 2022-ci ildə Anna Qoroyanın “Tibra” filmində albinos qız Muka rolunu oynadı[6] və Torrevyexadakı SOL Film Festivalında bu işinə görə əsas qadın mükafatını qazanıb.[7][8] Onun performansı rəyçilər tərəfindən yüksək qiymətləndirilib.[9]
2023-cü ildə Anna Peresild Jora Krıjovnikovun "Oğlanın sözü. Asfaltda qan" serialında baş rollardan birində çəkilib. O, Aygül rolunu canlandırıb.[10][11] "Oğlanın Sözü" 2023-cü ilin ən yüksək səviyyəli Rusiya televiziya layihələrindən birinə çevrilib və bunun sayəsində Anna populyarlıq baxımından tez bir zamanda anasını üstələyib. Onun anasını üstələməsi xüsusən Yandex axtarış motorunun məlumatları göstərib.[12]
Anna Peresild məşhur ananın qızı kimi erkən yaşından medianın maraq obyektinə çevrilib.[13] Belə ki, 2021-ci ilin mayında “Çağırış” bədii filmində Yuliya Peresildin baş rola namizədliyi təsdiqlənib. Film Beynəlxalq Kosmik Stansiyada (BKS) çəkilib. Yuliya Peresildin kosmik uçuşda iştirak etmək üçün namizədliyi Roskosmos dövlət korporasiyası tərəfindən təsdiq edilbi. 2021-ci il may ayının sonunda aktrisa və kinorejissor Klim Şipenko məşqlərə başlayıb. 5 oktyabr 2021-ci il, Moskva vaxtı ilə saat 11:55-də rejissor və aktrisa Baykonur Kosmodromundan "Soyuz MS-19" kosmik gəmisi ilə (gəmi komandiri - kosmonavt Anton Şkaplerov) kosmosa çıxıb və saat 15:22-də BKS-ə yaxınlaşıblar. Uçuş iştirakçıları kosmosda demək olar ki, 12 gün keçiriblər. Onlar 17 oktyabr 2021-ci ildə Soyuz MS-18 kosmik gəmisinin enmə kapsulunda (kosmik gəminin komandiri pilot-kosmonavt Oleq Novitski idi) BKS-dən Yerə qayıdıblar. Anna Peresild qiyabi olaraq anasını müşayət edib. Bu zaman ərzində o, Baykonur kosmodromunda olub. Daima anası ilə əlaqə saxlayıb. Bir sıra federal televiziya kanalları Yuliya Peresild kosmosda "Çağırış" filmini çəkərkən Baykonur kosmodromunda Annadan müsahibələr götürüb. Həmçinin filmin yaradıcı heyəti arasında Anna Peresild də rol alıb. Belə ki, Anna film üçün yazılmış eyniadlı mahnını ifa edib.[14] 1 sentyabr 2023-cü ildə film rəqəmsal olaraq Start, Okko, Wink və Premier onlayn platformalarında nümayiş olunub və 1 yanvar 2024-cü ildə televiziya premyerası Birinci Kanalda baş tutub.
Anna Peresild teleşou proqramlarının da aktiv iştirakçısıdır. Belə ki, o anası ilə birlikdə “İki ulduz” televiziya şousunda çıxış ediblər.[15]
- Atası — Aleksey Uçitel, SSRİ və Rusiya kinorejissoru, ssenaristi və operatoru, Rusiya Federasiyasının xalq artisti (2002), Rok kinostudiyasının bədii rəhbəri.
- Anası — Yuliya Peresild, Rusiya teatr və kino aktrisası. Rusiya Federasiyasının əməkdar artisti (2018), Malaya Bronnaya Moskva Dram Teatrının aparıcı aktrisası.
- Bacısı — Maria Peresild 2013-cü ildə anadan olub.
- "Qaralama" bədii film, 2018-ci il, "Pyotr Nikolayeviçin qızı rolunda;
- "İlk Qar" bədii film, 2021-ci il, Alisa rolunda;
- "Tiber" bədii film, 2022-ci il, Muka rolunda;
- "Oğlanın sözü. Asfaltda qan", serial, Aygül Axmerova rolunda;
- "Zəriflik 2" bədii film, 2024-cü il, Aqata rolunda;
- "Qaralama 2" bədii film, 2018-ci il, "Pyotr Nikolayeviçin qızı rolunda.
- ↑ "Юлия Пересильд: «Бороться за роли и бороться за мужчин бессмысленно»". ru:Marie Claire. 2017-09-09. 2017-09-11 tarixində arxivləşdirilib. İstifadə tarixi: 2017-09-11.
- ↑ Юлия Пересильд призналась, что Алексей Учитель — отец её дочерей Arxiv surəti 10 sentyabr 2017 tarixindən Wayback Machine saytında // cosmo.ru, 9 сентября 2017
- ↑ "Старшая дочь Юлии Пересильд и Алексея Учителя получила новую роль в кино". 2023-12-03 tarixində arxivləşdirilib. İstifadə tarixi: 2023-11-19.
- ↑ 11-летняя дочь Юлии Пересильд и Алексея Учителя дебютировала в кино
- ↑ "Пересильд и Учитель воссоединились на премьере фильма своей дочери". 2023-12-04 tarixində arxivləşdirilib. İstifadə tarixi: 2023-12-04.
- ↑ "Дочь Юлии Пересильд стала девочкой-альбиносом в триллере «Тибра». В работе над картиной также приняли участие Юрий Мороз и Виктория Исакова". 2023-11-19 tarixində arxivləşdirilib. İstifadə tarixi: 2023-11-19.
- ↑ "Фильм «Тибра» получил приз на фестивале SOL в Испании". КУЛЬТ'ГОРОДА (rus). 2022-07-05. 2022-07-31 tarixində arxivləşdirilib. İstifadə tarixi: 2022-07-31.
- ↑ "Пересильд заявила, что у ее дочери все в порядке с головой". 2023-12-03 tarixində arxivləşdirilib. İstifadə tarixi: 2023-11-19.
- ↑ "«Тибра»: Рецензия Киноафиши". 2023-12-03 tarixində arxivləşdirilib. İstifadə tarixi: 2023-12-03.
- ↑ «Есть одна договоренность»: дочь Пересильд и Учителя раскрыла правду об отношениях с родителями после их расставания
- ↑ Дочь Юлии Пересильд сыграла девочку, пережившую насилие: «Было очень страшно»
- ↑ "В поисковике Яндекса дочь Юлии Пересильд обогнала мать по популярности". 2023-12-04 tarixində arxivləşdirilib. İstifadə tarixi: 2023-12-04.
- ↑ «Ты — наш космос»: дочери Юлии Пересильд встретили ее после возвращения на Землю
- ↑ "Сборы фильма «Вызов»". Кинопортал «Кинобизнес сегодня» (rus). 2023-06-20 tarixində arxivləşdirilib. İstifadə tarixi: 2023-06-20.
- ↑ "«Всегда в цене»: юной дочери Пересильд нашли необычную работу". 2023-11-19 tarixində arxivləşdirilib. İstifadə tarixi: 2023-11-19.