Anatoli Solomonoviç Falkoviç (4 oktyabr 1923, Bakı – 1 noyabr 1994, Hayfa) — sovet teatr və kino aktyoru, Azərbaycan SSR xalq artisti (1972).
| Anatoli Falkoviç | |
|---|---|
 | |
| Doğum tarixi | |
| Doğum yeri | Bakı, Bakı qəzası, Azərbaycan SSR |
| Vəfat tarixi | (71 yaşında) |
| Vəfat yeri | Hayfa, İsrail |
| Fəaliyyəti | teatr və kino aktyoru |
| Fəaliyyət illəri | 1941–1994 |
| Mükafatları |
        |
| IMDb | ID0266281 |
Anatoli Falkoviç 4 oktyabr 1923-cü ildə Bakıda anadan olub. Bakı Teatr Məktəbində (1943) təhsil alıb. S.Vurğun adına Rus Dram Teatrında (1941–1942, 1945–1968, 1970–1994), Rostov-na-Donu M.Qorki adına Teatrda (1968–1970) çalışıb. Kinoda 1957-ci ildən çəkilməyə başlayıb.[1] 8 filmdə F.Dzerjinskinin rolunu canlandırıb (1965–1975). Dövlət mükafatı laureatı (1972), xalq artisti (1972) Anatoli Falkoviç 1 noyabr 1994-cü il tarixində qastrol zamanı İsraildə səhnədə vəfat edib[2] .
Anatoli Falkoviçin "Azərbaycanfilm" kinostudiyasında ilk və ən yaddaqalan uğuru "Sehirli xalat" filmindəki İo-Kio adlı sehirbaz obrazıdır.
Feliks Dzerjınski obrazının yaratması isə Falkoviçə SSRİ-də ümumittifaq tanınmasınıa səbəb oldu.
- "Azərbaycan SSR xalq artisti" fəxri adı — 7 fevral 1972
- "Azərbaycan SSR əməkdar artisti" fəxri adı — 24 may 1960
- Azərbaycan SSR Dövlət mükafatı — 27 aprel 1972[3]
- "Xalqlar Dostluğu" ordeni — 7 avqust 1981
- 2-ci dərəcəli "Vətən müharibəsi" ordeni — 6 aprel 1985
- "Əməkdə fərqlənməyə görə" medalı — 9 iyun 1959
- "Qafqazın müdafiəsinə görə" medalı — 23 fevral 1945
- "1941-1945-ci illər Böyük Vətən müharibəsində Almaniya üzərində qələbəyə görə" medalı — 1946
- Bakıda küləklər əsir (film, 1974)
- Dənizə çıxmaq qorxuludur (film, 1973) — ingilis zabiti
- Poçt romanı (film, 1969) — Feliks Dzerjınski
- Karl Libknext (film, 1970) — Feliks Dzerjınski
- Əsl dost (film, 1959)
- Matteo Falkone (film, 1960)
- Od içində (film, 1978)
- Qatır Məmməd (film, 1974) — Skott
- Səhər (film, 1960)
- Sehrli xalat (film, 1964) — İo-Kio
- Sizi dünyalar qədər sevirdim (film, 1985)
- Telefonçu qız (film, 1962)
- Ulduzlar sönmür (film, 1971)
- Uzaq sahillərdə (film, 1958) — patrul
- Yarımçıq qalmış mahnı (film, 1979) — Nikolay
- ↑ Azərbaycan kinosu. Ensiklopedik lüğət. 1-ci cild. Bakı: Elm və Təhsil. 2017. səh. 180. ISBN 978-9952-8176-1-4.
- ↑ "Фалькович Анатолий Соломонович". 2017-11-28 tarixində arxivləşdirilib. İstifadə tarixi: 2012-01-29.
- ↑ Ədəbiyyat, incəsənət və arxitektura sahəsində 1972-ci il Azərbaycan SSR Dövlət mükafatlarının verilməsi haqqında Azərbaycan KP MK-nın və Azərbaycan SSR Nazirlər Sovetinin 1972-ci il tarixli Qərarı Arxivləşdirilib 2020-01-16 at the Wayback Machine — anl.az saytı