Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinAnastasiya Vladimirovna Daşkeviç (qızlıq soyadı Polojanko, belar. Настасся Уладзіміраўна Дашкевіч; 2 avqust 1990, Minsk) — Belarus müxalifətçisi və söz azadlığı fəalı. O, 14 yaşında qoşulduğu müxalif Belarus gənclər hərəkatının fəalı olub.[1][2] 2011-ci ildən söz azadlığı və demokratiya uğrunda mübarzə aparan Gənc Cəbhənin (belar. Малады Фронт) sədr müavinidir.[1] Anastasiya Daşkeviç təhdidlərə, təqiblərə və həbslərə baxmayaraq Belarusda azadlıq və insan haqlarını müdafiə edib.[2]
| Anastasiya Daşkeviç | |
|---|---|
| belar. Анастасія Ўладзіміраўна Дашкевіч | |
 | |
| Doğum tarixi | 2 avqust 1990 (35 yaş) |
| Doğum yeri | |
| Vətəndaşlığı |
 Belarus |
| Milliyyəti | belarus |
| Dini | xristianlıq |
| Fəaliyyəti | siyasətçi |
| Mükafatları |
Beynəlxalq Cəsarətli Qadınlar Mükafatı (2011) Civil Society Champions (2017) |
 Vikianbarda əlaqəli mediafayllar | |
Anastasiya Daşkeviç (anadan olanda Polojanko) 2 avqust 1990-cı ildə minskdə ziyallı ailəsində anadan olub. Onun atası Vladimir Polojanko mühəndis, anası Lyudmila müəllimdir. anastasiya gənc yaşlarından ictimai fəallığı ilə seçilib. O, hələ yeniyetmə olarkən müxalifətçi və söz azadlığı fəalı kimi ad çıxarıb. Anastasiya Daşkeviç 14 yaşında müxalif Belarus gənclər hərəkatının aparıcı üzvlərindən birinə çevrilib.[1] 2011-ci ildən Belarus ictimai təşkilatı olan Gənc Cəbhənin (belar. Малады Фронт) sədr müavini seçilib.[1] Anastasiya Belarusda keçirilən onlarla demokratiya, azadlıq və insan haqlarını müdafiə edən tədbirlərin iştirakçısı və təşkilatçısı olub. Buna görə dəfələrlə təhdidlərə, təqiblərə, həbslərə və pul cəzalarına məruz qalıb. Onun Belarus hökumətinə külli miqdarda borcu var. Anastasiya Daşkeviç onlarla etiraz aksiyasında iştirakına görə hökumətə borclu olduğu cərimələrin ümumi məbləği bir neçə min dollar təşkil edir.[2]
Anastasiya Daşkeviç 2011-ci ildə o, Beynəlxalq Cəsarətli Qadınlar Mükafatını alıb.[1][3] Lakin istintaq altında olduğuna görə Anastasiya mərasimdə iştirak edə bilməyib. O, mükafat aldıqdan iki ay sonra şərti cəza ilə bir il müddətinə azadlıqdan məhrum edilib. Qeyd edk ki, Anastasiya Daşkeviç mükafatı alan ilk belaruslu olub.[4]
2011-ci ilin sentyabrında Anastasiya Daşkeviç digər "Gənc Cəbhə" təşkilatının fəalı Dmitri Daşkeviçlə nişanlanıb.[5] Onlar 2012-ci il dekabrın 26-da o vaxtı rəsmən soyadı Polojanko olan Anastasiya onu Qrodno həbsxanasında ziyarət edərkən rəsmi nigaha daxil olublar. O, vaxtdan Anastasiya qızlıq soyadı olan Polojankonu Daşkeviçə dəyişib.[6]
2022-ci il iyulun 14-də 2020-ci ildə Belarus Prezident seçkilərinin ilkin nəticələrinin açıqlanmasından sonra başlayan etirazlarda iştirak etdiklərinə görə Anastasiya və Dmitri Daşkeviç müvafiq olaraq üç il “ev dustaqlığı” və bir il yarım həbs cəzasına məhkum ediliblər. qeyd edək ki, məhkəməyə bir ay qalmış Anastasiya dördüncü övladını dünyaya gətirib. Prokuror ər-arvad üçün 1,5 il həbs istəyib. Prokurorun tələb etdiyi şərtlər cütlük üçün güclü zərbə olub. Bu qərar Belarus cəmiyyətinin qəzəbinə gətirib çıxardı. Nəticədə hakim Anastasiya Daşkeviçi 3 il “ev dustaqlığı” ilə cəzalandırıb.[7]
Anastasiya Daşkeviç "Gənc Cəbhə" təşkilatının fəalı Dmitri Daşkeviçlə evlidir. Onların dörd övladı var. Dindardır (Pravoslav) və partiyasızdır.[6]
- 2011-ci il, Beynəlxalq Cəsarətli Qadınlar Mükafatı qalibi;[1]
- 2019- cu il, Vətəndaş Cəmiyyəti Çempionları mükafatı.
- ↑ 1 2 3 4 5 6 "Secretary Clinton To Host the 2011 International Women of Courage Awards". U.S. Department of State. 25 may 2019 tarixində arxivləşdirilib. İstifadə tarixi: 10 mart 2023.
- ↑ 1 2 3 "AWIU » Belarus – Nasta Palazhanka". 5 sentyabr 2014 tarixində orijinalından arxivləşdirilib. İstifadə tarixi: 5 sentyabr 2014.
- ↑ "Secretary Clinton To Host the 2011 International Women of Courage Awards". 30 iyun 2011. 25 may 2019 tarixində arxivləşdirilib. İstifadə tarixi: 9 mart 2017.
- ↑ "АНАСТАСИЯ ДАШКЕВИЧ (ПОЛОЖАНКО)" (rus). 10 mart 2023 tarixində arxivləşdirilib. İstifadə tarixi: 10 mart 2023.
- ↑ "'Conditional Release' Demanded For Jailed Belarusian Activist". Radio Free Europe/Radio Liberty. 12 sentyabr 2011. 19 oktyabr 2012 tarixində orijinalından arxivləşdirilib. İstifadə tarixi: 20 iyul 2012.
- ↑ 1 2 Claire Bigg. "Belarusian Opposition Activist Ties The Knot In Prison". Radio Free Europe/Radio Liberty. 28 dekabr 2012. 2 yanvar 2013 tarixində arxivləşdirilib. İstifadə tarixi: 2 yanvar 2013.
- ↑ "Измена государству, комментарий, фото и протест. Главные суды в Беларуси за неделю". ru:Русская служба Би-би-си. 15 iyul 2022. 26 mart 2023 tarixində arxivləşdirilib. İstifadə tarixi: 25 mart 2023.