Bu məqalədə heç bir məlumatın mənbəsi göstərilməmişdir. |
Aminah Qurib (17 oktyabr 1959) — Mavriki siyasətçisi, Mavriki Universitetinin dekanı və prorektoru (2004–2010), Mavriki Respublikasının keçmiş prezidenti (2015–2018).
| Aminah Qurib | |
|---|---|
 | |
  | |
| 5 iyun 2015 – 23 mart 2018 | |
| Əvvəlki | Monik Osan-Belpo[d] (i. e.) |
| Sonrakı | Barlen Vyapuri[d] (i. e.) |
| Şəxsi məlumatlar | |
| Doğum tarixi | 17 oktyabr 1959[1] (65 yaş) |
| Doğum yeri | |
| Partiya | |
| Təhsili |
|
| Fəaliyyəti | siyasətçi, kimyaçı |
| Dini | İslam[3] |
| Təltifləri |
   |
 Vikianbarda əlaqəli mediafayllar | |
Qurib-Fakim ölkə prezidenti seçilən ilk qadın, Kraliça II Elizabeta və Monik Ohsan Bellepeaudan sonra dövlət başçısı vəzifəsini icra edən üçüncü qadındır. 2019-cu ildə Cambridge Universitetinin "Afrika birlikdə: hansı yolu seçmək lazımdır?" konfransının əsas məruzəçisi kimi çıxış etmişdir.
Bibi Aminah Firdaus Qurib-Fakim 17 oktyabr 1959-cu ildə Surinam kəndində anadan olub. O, Plaine Magnendə böyüyərək, təhsilini Sent-Patris ibtidai məktəbində başa vurmuşdur. Daha sonra Maheburadakı Loreto Manastırına köçdü, Loreto Quatrae Bourne Manastırında orta məktəb diplomu aldıqdan sonra kimya üzrə bakalavr dərəcəsi almaq üçün İngiltərəyə getmişdir. O, 1983-cü ildə Surrey Universitetini kimya üzrə bakalavr dərəcəsini bitirmişdir. Ekster Universitetində üzvi kimya üzrə fəlsəfə doktoru dərəcəsi aldıqdan sonra 1987-ci ildə Mavriki Universitetində işə düzəlmək üçün ölkəsinə qayıtmışdır.
Qurib-Fakim CIDP Araşdırma və İnnovasiya (keçmiş Cefir, Fitoterapiya Tədqiqatları Mərkəzi) idarəedici direktoru vəzifəsində çalışmışdır. Əvvəllər o, Mavriki Universitetində üzvi kimya üzrə kafedranın professoru olmuş (2001) və burada ardıcıl olaraq Elmlər Fakültəsinin dekanı və prorektoru (2004–2010) vəzifələrini icra etmişdir. Həmçinin Mavriki Tədqiqat Şurasında tədqiqatlar üzrə menecer vəzifəsində də çalışmışdır (1995–1997). O, Elmi Birlik üzrə Beynəlxalq Şuranın – Afrika regional ofisinin sədri vəzifəsini icra etmişdir (2011–2014). 2015-ci ildə onun ovaxtkı Baş nazir və Militant Sosialist Hərəkatının üzvü Anirud Jugnauth tərəfindən irəli sürülən Mavrikiyanın prezidentliyinə namizədliyi Mavrikiya Milli Məclisi tərəfindən yekdilliklə təsdiqlənmişdir. Qurib-Fakim 2018-ci ildə isə Pravind Jaqnotun Baş nazirliyi dövründə maliyyə qalmaqalı fonunda istefa verərək prezidentlik vəzifəsindən getmişdir. Prezident vəzifəsi Prithviraising Rupunun vəzifəyə başladığı 2019-cu ilin dekabrına qədər boş qalmışdır. Bu vaxt vitse-prezident Barlen Vyapuri prezident vəzifəsini icra etmişdir.
2013-cü ilin dekabr ayında Qurib-Fakim Mavrikiy Universitetinin (UoM) prorektoru vəzifəsinə müraciətinə baxılarkən dini ayrı-seçkiliyə yol verilməsi ilə bağlı Mavrikiyanın Bərabər İmkanlar Komissiyasına (EOC) şikayət etmişdir. EOC araşdırması bunun belə olmadığını müəyyən etmiş, lakin seçim prosesində çatışmazlıqların olduğunu da vurğulamışdır. Araşdırma komissiyası hesabatda namizədlərin qiymətləndirilməsi üçün aydın meyarların və qiymətləndirmə vərəqələrinin olmaması qeyd etmişdir.
Gurib-Fakim nəhayət, idarəedici direktor olduğu CIDP Araşdırma və İnnovasiya kimi tanınan öz elmi mərkəzini açmaq üçün universitetdə professor vəzifəsindən ayrılmışdır.
- ↑ Ameenah Gurib-Fakim // Brockhauz Ensiklopediyası (alm.).
- ↑ http://www.aasciences.org/index.php/mauritious/275-gurib-fakim-ameenah-prof-ms.
- ↑ Mauritius profile (ing.). // BBC News Online 2014.