Amanda Culiya Estill (ing. Amanda Julia Estill; 27 oktyabr 1882[1] – 1 iyul 1965) — amerikalı müəllim, yazıçı və folklorşünas.[2][3]
| Amanda Culiya Estill | |
|---|---|
.jpg) | |
| Doğum tarixi | 27 oktyabr 1882[1] |
| Vəfat tarixi | 1 iyul 1965 (82 yaşında) |
| Təhsili | |
| Fəaliyyəti | yazıçı, maarifçi, folklorşünas, head teacher[d] |
Amanda Culiya Estill 27 oktyabr 1882-ci ildə Texas ştatının Frederiksburq şəhərində anadan olmuşdur. Onun valideynləri Ellen Elizabeth (Viley) və Ceyms Tomas idi. 1904-cü ildə Texas Universitetinin Ostin filialından bakalavr (B.S.) dərəcəsi, 1905-ci ildə isə magistr (M.S.) dərəcəsi almışdır.[2]
Məzun olduqdan sonra Frederiksburq məktəblərində, o cümlədən Frederiksburq Liseyində dərs demiş və direktor vəzifəsində çalışmışdır. 1909-cu ildə, o, Texasın Frederiksburq şəhərində yerləşən Konfederasiya Birləşmiş Qızları (ing. United Daughters of the Confederacy) təşkilatının aktiv üzvü olmuşdur.[2]
Estill Amerika Folklor Cəmiyyətinin (AFS) Texas bölməsi olan Texas Folklor Cəmiyyətinin (Texas Folklore Society) üzvü və 1923-1924-cü illərdə prezidenti olmuşdur. [2][4]O, Texas Folklor Cəmiyyəti və San Antonio qəzetləri üçün 20 ildən çox yazılar yazmışdır. Estill Texas Folklor Cəmiyyətinin Gillespie dairəsində yaşayan yerli amerikalılar haqqında məlumat dərc edən ilk üzvlərindən biri olmuşdur. [5] "Indian Pictographs Near Lange's Mill, Gillespie County (Illustrated)" ("Lanqenin Dəyirmanı Yaxınlığında Hind Piktoqrafları, Qillepsi Dairəsi (İllüstrasiyalı)", 1925) adlı məqaləsində Tonkava, Komançi, Kiova və Lipan Apaçi qəbilələrinin bu ərazidə yaşadığını qeyd etmişdir.[6]
Onun yazılarında yerli amerikalılar haqqında mənfi təsvirlərə yer verildiyi halda, ağdərili şəxslərin tarixiləşdirilməsi müşahidə olunur.[2][7] Bu, folklor janrında tez-tez rast gəlinən bir mənfi xüsusiyyətdir. [8]1954-cü ildə, Frederiksburq şəhərində oynanılan alman mənşəli xalq oyunları haqqında məlumat toplamış və "Children's Games in Fredericksburg" ("Frederiksburqda Uşaq Oyunları", 1954) adlı məqaləsini nəşr etdirmişdir.[9][10]
Estill 1 iyul 1965-ci ildə Frederiksburqda vəfat etmiş və Der Stadt Friedhof qəbiristanlığında dəfn olunmuşdur.[11]
- Estill, Julia. Indian Pictographs Near Lange's Mill, Gillespie County (Illustrated) // Dobie, J. Frank (redaktor). Happy Hunting Ground. Wilson M. Hudson (contributions), L. W. Payne, Jr. (contributions), W. A. Whatley (contributions), F. S. Curtis, Jr. (contributions), J. Frank Dobie (contributions), John K. Strecker (contributions), Roy S. Scott (contributions), Hartman Dignowity (contributions), A. R. McTee (contributions), Malbone W. Graham, Jr. (contributions), Victor J. Smith (contributions), Mody C. Boatright (contributions), L. W. Payne, Jr. (contributions), John A. Lomax (contributions) (IV). Dallas, TX: The Texas Folklore Society. 1925. ISBN 0-87074-149-7.
- ↑ 1 2 https://books.google.com/books?id=RjtCAAAAIAAJ.
- ↑ 1 2 3 4 5 Mueller, Esther L. "Estill, Amanda Julia". Texas State Historical Association (TSHA). İstifadə tarixi: 2022-06-21.
- ↑ Webb, Walter Prescott; Branda, Eldon Stephen. The Handbook of Texas (ingilis). Texas State Historical Association. 1952. 285. ISBN 978-0-87611-027-0.
- ↑ University of Texas Record (ingilis). 10. University of Texas. 1910. 387.
- ↑ Abernethy, Francis Edward. Texas Toys and Games (ingilis). University of North Texas Press. 1997. 230. ISBN 978-1-57441-037-2.
- ↑ Proceedings of the ... Annual Convention of the Texas Division, United Daughters of the Confederacy (ingilis). United Daughters of the Confederacy Texas Division. 1909. 91.
- ↑ Abernethy, Francis Edward; Satterwhite, Carolyn Fiedler. Texas Folklore Society: 1909-1943 (ingilis). University of North Texas Press. 1992. 117. ISBN 978-0-929398-42-6.
- ↑ Grider, Sylvia Ann; Rodenberger, Lou Halsell. Texas Women Writers: A Tradition of Their Own (ingilis). Texas A&M University Press. 1997. 62. ISBN 978-0-89096-765-2.
- ↑ Kohout, Martin Donnell. "Gillespie County, Texas". Handbook of Texas Online. Texas State Historical Association. İstifadə tarixi: 23 June 2022.
- ↑ Jordan, Rosan A.; de Caro, F. A. "Women and the Study of Folklore". Signs. 11 (3). 1986: 500–518. doi:10.1086/494253. ISSN 0097-9740. JSTOR 3174007.
- ↑ "Der Stadt Friedhof Cemetery-Fredericksburg, Texas". Collectors Weekly. 2016. İstifadə tarixi: 2022-06-21.