Alpiniada—Alpinizm üzrə kütləvitəlim-idman və yubiley tədbiri. 1993-cü ildən keçirilir.
“AzerGold” QSC Heydər Əliyevin anadan olmasının 100 illiyi münasibətilə Azərbaycan Alpinizm Federasiyasının dəstəyi ilə Şahdağ Milli Parkının ərazisində Böyük Qafqazın Başdağ silsiləsinin Qızıl Qaya massivində Ulu Öndərin adını daşıyan, dəniz səviyyəsindən 3751 metr hündürlükdə yerləşən “Heydər zirvəsi”nə alpiniada təşkil edib.Alpiniadada səhmdar cəmiyyəti və onun törəmə şirkəti olan “Daşkəsən Dəmir Filiz” MMC-nin (DDF) bir qrup əməkdaşı iştirak edib.
Azərbaycanın ən yüksək yaşayış məntəqələrindən biri olan Xınalıq kəndindən başlayan alpiniadanın iştirakçıları Qızıl Qaya massivinin ətəklərində düşərgə salaraq, müəyyən olunmuş marşrut üzrə “Heydər zirvəsi”nə doğru yürüş ediblər. Mürəkkəb relyef və sərt iqlim şəraitinə baxmayaraq, böyük ruh yüksəkliyi və əzmkarlıqla zirvəyə çatan yürüş iştirakçıları dahi şəxsiyyətin xatirəsi dərin ehtiramla yad edib. Zirvədə Dövlət Bayrağı ilə yanaşı, “AzerGold” və “DDF”-in korporativ bayraqları dalğalandırılıb.[1]
- ↑ ""AzerGold" Heydər Əliyevin 100 illik yubileyi münasibətilə alpiniada təşkil edib". report.az. 1. 2023-05-18 tarixində arxivləşdirilib. İstifadə tarixi: 2023-10-24.