Alpaka

Bütün dəvə növlərində olduğu kimi, alpakalar da nisbətən uzun bədənə, incə qıçlara, uzun və incə boyuna, kiçik bir başa sahibdir. Bütün Yeni Dünya dəvələri kimi, hörgücü tapılmaz. Lamalardan bir az kiçik olmaqla yanaşı, 55 ilə 65 kq ağırlıqları ilə onlardan diqqətə çarpan şəkildə daha yüngüldürlər. Alapkanın rəngi ümumiyyətlə tək rəngli qəhvəyi, qara və ya mavi-boz olur, nadir hallarda isə ləkəlidir. Diqqət çarpan xüsusiyyəti, 50 sm-ə qədər uzana bilən uzun tükləridir.

Alpakalar, bütün dəvə növləri kimi ictimai heyvanlardır və qrup içində rahatdırlar. Bitkiyeyən heyvanlar olub, əsasən otlarla bəslənirlər. Bütün dəvələr kimi, onların həzm prosesində onlara kömək edən çox otaqlı mədələri mövcuddur.

Hamiləlik müddətləri 240 ilə 345 gün arasında dəyişir və dişi, Cənub Amerikada "Cria" adı verilən bala dünyaya gətirir. Bu bala təxminən altı ilə səkkiz ay arasında əmizdirilir və 12 ilə 24 ay arasında cinsi yetkinliyə çatır.

Alpakaların evcilləşdirilməsi, lamalar kimi təxminən eramızdan əvvəl 3000-ci illərə təsadüf edir. Lama, Cənub Amerikada yük heyvanı kimi istifadə edilərkən, alpakalar əsasən yunları üçün yetişdirilmişdir. Alpaka mantosu, İnka mədəniyyətində rifahın işarəsi olaraq qəbul edilmiş və İnka hökmdarları böyük alpaka sürülərini güclərinin nümayişi kimi görmüşlər. Bu vəziyyət, Perunun İspanlar tərəfindən fəth edilməsindən sonra dəyişmişdir. İşğalçılar, bərabərində qoyunları gətirmiş və yerli ev heyvanlarına maraq göstərməmişlər. Nəticədə, alpakalar az qala nəsli tükənən bir heyvan halına gəlmiş və kasıb yerli xalqın tək həyətyanı heyvanı olmuşdur.

Bu gün Avropada alpakaların əhəmiyyəti davamlı olaraq artmaqdadır. Məsələn, Almaniyada, ölkə daxilindəki alpaka liflərinin lazım olan keyfiyyətə çatmaması səbəbilə bu heyvanlar idxal edilməkdədir. Hal-hazırda yalnız Almaniyada 2000 alpaka mövcuddur.