Alma ballıcası

Yetkin ballıcanın bir cüt şəffaf qanadları vardır. Baş və döşü sarımtıl-yaşıl, qarıncığı, bığcığı və ayaqları sarıdır. Bığcıqları 10 buğumludur. Bədəninin uzunluğu 2,5 mm-dir. Sürfəsi yastıdır, ayaqları qısadır, bədəni tünd qəhvəyi, gözləri isə kəskin qırmızıdır. Nimfası göyümtül-yaşıldır. Yumurtası uzunsov ovalvari olub, saplaqvaridir, rəngi narıncıdır və uzunluğu 0,4 mm-dir.^[1]

Alma ballıcası yumurta mərhələsində qışlayır. Yazda yumurtalardan sarı rəngli sürfələr çıxır. Sürfələr tumurcuqlarla qidalanır. Sürfələrin inkişafı 29–38 günə başa çatır. Yetkin fərdlər mayalanmadan sonra zoğların dərin yerlərinə tumurcuqların içərisinə yumurtalar qoyur. İl ərzində bir neçə nəsil verir.^[2]

Şimali Amerika, Mərkəzi Avropa, Şimali Avropa, Pribaltika və Leninqrad vilayəti, Kişinyov, Dnepropetrovsk, Volqoqrad, Kiev, Xarkov, Voronej, Samarada yayılıb.^[3] Azərbaycanın meyvəçiliklə məşğul olan bütün rayonlarında təsadüf edilir.

• S. R. Məmmədova, B. B. Xəlilov. Kənd təsərrüfatı entomologiyası. Bakı: 1986, −206 s.
• N. H. Səmədov taxıl böcəkləri və onlarla mübarizə tədbirləri. Bakı: 1964.

• Zeytun ballıcası
• Psillidlər

• Psylla mali Schmidber. — Яблонная медяница
• Яблонная медяница (Psylla mali)
• Листоблошка яблонная (Psylla mali Schmdbg.) Джерело: http://collectedpapers.com.ua/ru/atlas_pests/psylla-mali-schmdbg

1. ↑ N. H. Səmədov taxıl böcəkləri və onlarla mübarizə tədbirləri. Bakı: 1964.
2. ↑ S. R. Məmmədova, B. B. Xəlilov. Kənd təsərrüfatı entomologiyası. Bakı: 1986, −206 s.
3. ↑ "Psylla mali Schmidber. - Яблонная медяница". 2008-12-02 tarixində arxivləşdirilib. İstifadə tarixi: 2017-07-03.