Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinAlim Bayel (16 yanvar 1984, Cambul vilayəti, Qazaxıstan) — qazax diplomatı, Qazaxıstanın Azərbaycanda fövqəladə və səlahiyyətli səfiri (2023-cü ildən).[1]
| Alim Bayel | |
|---|---|
| qaz. Әлім Дәуренұлы Байел | |
 | |
| Şəxsi məlumatlar | |
| Doğum tarixi | 16 yanvar 1984 (41 yaş) |
| Doğum yeri | |
Alim Bayel 1984-cü ildə Qazaxstanın Taraz şəhərində anadan olub. Ankarada Orta Doğu Texniki Universitetinin Biznesin idarə edilməsi fakültəsini bitirib. Magistr dərəcəsini Corc Vaşinqton Universitetinin (ABŞ) dövlət idarəçiliyi fakültəsindən alıb. Qazaxstanın Bolaşak proqramının məzunudur. 2019-cu ildə Qazaxıstan Prezidenti Gənc Kadr Ehtiyatına[2] daxil olub.
Alim Bayel ingilis, rus, türk və azərbaycan dillərini mükəmməl bilir, ərəbcə də danışır. O, Türk xalqları və İslam dünyası üzrə ekspertdir.
Ailəlidir, iki övladı var.
Müxtəlif illər ərzində Alim Bayel Qazaxıstan prezidenti Q. Tokayev və Türkiyə prezidenti Rəcəb Tayyib Ərdoğan arasında keçirilən görüşlərdə tərcüməçi kimi fəaliyyət göstərib.
2012-2014-cü illərdə Türkdilli Dövlətlərin Əməkdaşlıq Şurasında ekspert kimi çalışıb.
2014-2015-ci illərdə — Beynəlxalq Türk Akademiyasının Beynəlxalq Əlaqələr mərkəzinin direktoru olub.[3]
2016-cı ildə — Qazaxıstan Dövlət İşləri Nazirliyinin Beynəlxalq Əməkdaşlıq İdarəsinin rəisi vəzifəsində işləyib.[3]
2016-2018-ci illərdə - Qazaxıstan Respublikasının Dövlət Qulluğu İşləri və Korrupsiyaya Qarşı Mübarizə Agentliyinin Beynəlxalq əməkdaşlıq şöbəsinin müdiri və Strateji inkişaf şöbəsinin müdiri vəzifələrində çalışıb.[3]
2018–2020 — Qazaxıstanın Türkiyədəki səfirliyinin siyasi məsələlər üzrə birinci katibi.
2020-ci ilin martından 2023-cü ilin aprelinə qədər – Qazaxıstanın İstanbuldakı baş konsulu işləyib.[3]
2022-ci ildə ikinci dərəcəli fövqəladə və səlahiyyətli səfir diplomatik rütbəsi alıb.
18 aprel 2023-cü ildə Qazaxıstanın Azərbaycandakı səfiri təyin olunub.[4] Diplomat ölkəsinin hər zaman Azərbaycanın haqq işini dəstəklədiyini bildirib: "Qazaxıstan hər zaman Azərbaycanın haqq işini dəstəkləyib və bu belə də olmalıdır". Səfir Qazaxıstanın bundan sonra da hər zaman Azərbaycanın yanında olacağını vurğulayır.[5]
- ↑ İlham Əliyev Qazaxıstanın ölkəmizdə yeni təyin olunan səfirinin etimadnaməsini qəbul edib
- ↑ Агентство Республики Казахстан по делам государственной службы
- ↑ 1 2 3 4 Алим Байель назначен Генеральным консулом Казахстана в Стамбуле.
- ↑ Указом Главы государства Байел Алим Дауренович назначен Чрезвычайным и Полномочным Послом Республики Казахстан в Азербайджанской Республике
- ↑ Alim Bayel: Qazaxıstan hər zaman Azərbaycanın haqq işini dəstəkləyib