Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinAlex G (əsl adı: Aleksandr Cannaskoli; 3 fevral 1993[1]) — ABŞ-dən olan musiqiçi, prodüser, mahnı yazarı. O, musiqi karyerasına yaşadığı şəhərdəki qruplarda ifa etməklə başlamış, sonradan solo sənətçi kimi öz karyerasını davam etdirmək qərarına gəlmişdir.
| Alex G | |
|---|---|
| ing. Alex G | |
 | |
| Ümumi məlumatlar | |
| Doğum tarixi | 3 fevral 1993[1] (32 yaş) |
| Musiqiçi məlumatları | |
| Fəaliyyəti | musiqiçi |
| Fəaliyyət illəri | 2010-cu ildən |
| Janr | indi-rok |
| Albom şirkəti | Domino Recording Company |
| sandyalexg.com | |
 Vikianbarda əlaqəli mediafayllar | |
Aleks 18 yaşından etibarən mahnılar yazıb-buraxmaqdadır. O, 2010-cu ildə Sandy (Alex G) təxəllüsü ilə özünün debüt studiya albomu olan "Race"-ni çıxarıb.[2] Aleks "Trick" də daxil olmaqla ilk albom relizlərinin çoxunu müstəqil şəkildə, Bandcamp vasitəsilə yayımlayıb. Aleks 2014-cü ildə Orchid Tapes leyblının iştirakı ilə buraxdığı beşinci studiya albomu "DSU" sayəsində geniş dinləyici auditoriyası qazanıb.
Aleks 2015-ci ildə Britaniya mərkəzli leybl olan Domino ilə müqaviləyə imza atmışdır. Onun altıncı studiya albomu "Beach Music" bu şirkət vasitəsilə yayımlanıb. Aleksin 2017-ci ildə çıxardığı "Rocket" adlanan yeddinci studiya albomu ictimaiyyət tərəfindən müsbət rəylərlə qarşılanıb. "House of Sugar" adlanan sayca səkkizinci studiya albomunu 2019-cu ildə buraxıb.
Aleks, amerikalı rejissor Ceyn Şönbrunun "We're All Going to the World's Fair" və "Televizorun parıldadığını gördüm" filmləri üçün musiqi bəstələmişdir. Aleks 2019-cu ilin sentyabrında "God Save the Animals" adlı sayca doqquzuncu studiya albomunu çıxarıb. 2024-cü ilin əvvəllərində RCA ilə müqavilə bağlayıb.
Aleksandr Cannaskoli 3 fevral 1993-cü ildə Pensilvaniya ştatının Havertaun şəhərində anadan olub.[3] Ata tərəfdən qohumları İtaliyanın Abruttso bölgəsindəndir.[4] Aleks 11 yaşında ikən qardaşından gitara hədiyyə almışdır. O, bu gitarada çalmağı öyrənmiş, daha sonra isə öz musiqisini yazmağa başlaməşdır.[5][6]
- Race (2010)
- Winner (2011)
- Rules (2012)
- Trick (2012)
- DSU (2014)
- Beach Music (2015)
- Rocket (2017)
- House of Sugar (2019)
- God Save the Animals (2022)
- We're All Going to the World's Fair (Original Motion Picture Soundtrack) (2022)
- Televizorun parıldadığını gördüm (Original Motion Picture Score) (2024)
- ↑ 1 2 Library of Congress Authorities (ing.). Library of Congress.
- ↑ "Alex G Officially Drops the (Sandy)". 15 iyun 2020. 3 iyun 2023 tarixində arxivləşdirilib. İstifadə tarixi: 17 iyul 2024.
- ↑ "(Sandy) Alex G | Biography & History". AllMusic. 2 oktyabr 2020 tarixində arxivləşdirilib. İstifadə tarixi: 13 oktyabr 2018.
- ↑ "Intervista a (Sandy) Alex G: "Il mio processo creativo è far girare i dadi, fino quando ti dici: oh eccolo!"". Rumore. 14 sentyabr 2019. 3 noyabr 2019 tarixində arxivləşdirilib. İstifadə tarixi: 14 sentyabr 2019.
- ↑ McDermott, Patrick. "Who is Alex G? Meet the Internet's Secret Best Songwriter". The Fader. 1 may 2014. 3 iyun 2023 tarixində arxivləşdirilib. İstifadə tarixi: 13 oktyabr 2018.
- ↑ "Where Is My Mind?: Alex G". The Deli Magazine. 3 iyun 2023 tarixində arxivləşdirilib. İstifadə tarixi: 13 oktyabr 2018.