Aleksandr Aleksandroviç Drozdov (rus. Александр Александрович Дроздов; 30 may (11 iyun) 1892, Omsk – 15 avqust 1968, Bakı) — sovet opera müğənnisi (lirik-dramatik tenor), Azərbaycan SSR xalq artisti (1940), RSFSR əməkdar artisti.
| Aleksandr Drozdov | |
|---|---|
| rus. Александр Александрович Дроздов | |
| Ümumi məlumatlar | |
| Doğum tarixi | 30 may (11 iyun) 1892 |
| Doğum yeri |
|
| Vəfat tarixi | 15 avqust 1968 (76 yaşında) |
| Vəfat yeri | |
| Dəfn yeri | |
| Musiqiçi məlumatları | |
| Fəaliyyəti | opera müğənnisi, musiqi pedaqoqu |
| Fəaliyyət illəri | 1918-ci ildən |
| Səs tembri | lirik-dramatik tenor |
| Mükafatları |
    |
Aleksandr Drozdov 30 may (11 iyun) 1892-ci ildə Akmola vilayətinin Omsk şəhərində anadan olmuşdur.[1] Mixail Medvedevdən[rus.] dərs almış, 1918-ci ildə Saratov opera studiyasını (professor N. İ. Speranskinin[rus.] sinfi) bitirərək orada səhnə fəaliyyətinə başlamışdır. Müxtəlif illərdə SSRİ-nin Tiflis, Leninqrad, Odessa və başqa şəhərlərinin opera teatrlarında çıxış etmişdir.[2] 1935–1959-cu illərdə Azərbaycan Dövlət Akademik Opera və Balet Teatrının solisti olmuşdur.[3]
Aleksandr Drozdov teatrda işləməklə yanaşı, 1947-ci ildən Azərbaycan Dövlət Konservatoriyasının vokal sinfində pedaqoji fəaliyyət də göstərmişdir.[4] O, 15 avqust 1968-ci ildə Bakıda vəfat etmiş, II Fəxri Xiyabanda dəfn olunmuşdur.[5]
- Otello, Radames, Manriko ("Otello", "Aida" və "Trubadur", Cüzeppe Verdi)
- Raul ("Hugenotlar", Cakomo Meyerber)
- Samson ("Samson və Dalila", Kamil Sen-Sans)
- German ("Qaratoxmaq qadın", Pyotr Çaykovski)
- Kavaradossi, Pinkerton ("Toska" və "Çio-Çio-San", Cakomo Puççini)
- Arbenin, Çatski ("Maskarad" və "Ağıldan bəla", Boris Zeydman)
- Sabinin ("İvan Susanin", Mixail Qlinka)
- Vladimir ("Dubrovski", Edvard Napravnik)
- Qriqori Melexov ("Sakit Don", İvan Dzerjinski)
- Aleksandr Matyuşenko ("Potyomkin zirehli gəmisi", Oles Çişko)
- Georgi Rıleyev ("Dekabristlər", Yuri Şaporin)
- "Azərbaycan SSR xalq artisti" fəxri adı — 23 aprel 1940
- "RSFSR əməkdar artisti" fəxri adı
- 2 dəfə "Qırmızı əmək bayrağı" ordeni — 25 fevral 1946, 9 iyun 1959
- "Şərəf nişanı" ordeni — 27 aprel 1940
- ↑ Азәрбајҹан Совет Енсиклопедијасы: [10 ҹилддә]. III ҹилд: Гајыбов—Елдаров. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1979. С. 541.
- ↑ Театральная энциклопедия: [в 6 т.] / гл. ред.: П. А. Марков. Т. 2. Гловацкий — Кетуракис. М.: Советская энциклопедия. 1963. стб. 568. 43 000 экз.
- ↑ Drozdov Aleksandr Aleksandroviç // Azərbaycan Milli Ensiklopediyası (25 cilddə). 7-ci cild: Dərman – Enoftalm (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2016. 608 səh. ISBN 978-9952-441-12-3.
- ↑ Rəhimli, İ. Azərbaycan Teatr Tarixi (5 cilddə). 2-ci cild. Bakı: Şərq-Qərb. 2017. səh. 203–204. ISBN 978-9952-517-86-6.
- ↑ İlham Rəhimli. Azərbaycan Teatr Ensiklopediyası (3 cilddə). 1-ci cild. Bakı: Azərnəşr. 2016. səh. 38–39. ISBN 978-9952-8306-3-7.