Akane Takada (高田 茜, Takada Akane?) – Yaponiya balerinası. Londonda yerləşən Kral Baletinin premyeridir. "Jizel", "Bayaderka", "Don Kixot" və "Ağbəniz" kimi baletlərdə çıxış etmişdir.
| Akane Takada | |
|---|---|
| yap. 高田茜 | |
 | |
| Doğum tarixi | 18 aprel 1990 (35 yaş) |
| Doğum yeri | |
| Təhsili |
|
| Fəaliyyəti | balerina |
| Üzvlüyü |
|
 Vikianbarda əlaqəli mediafayllar | |
Akane Takada 18 aprel 1990-cı ildə Tokioda doğulmuşdur.[1] O, Katsuşikada yerləşən Hiqaşişinkoiva məhəlləsindəndir. 3 yaşında Edoqava yaxınlığında yerləşən Hiromi Takahaşi Balet Studiyasında baletlə məşğul olmağa başlamışdır.[2] 12 yaşı olanda dizindən zədə almış və diz qapağının yerdəyişməsi halı ilə üzləşmişdir. Korrektiv əməliyyata daxil olmaq üçün yaşı çatmadığı üçün bir ildən çox müddət ərzində baletlə məşğul ola bilməmişdir.[3] Milli Balet Assosiasiyası tərəfindən keçirilən müsabiqə zamanı "Çakott" balet ansamblının təqaüdünü qazanmış və 2006–2008-ci illərdə Bolşoy Balet Akademiyasında təhsil almışdır. O, əvvəlcə beynəlxalq rəqqaslardan dərs alsa da, daha sonra rusların sinfinə daxil olmuşdur.[4][5] 2008-ci ildə keçirilmiş Lozanna Mükafatı balet müsabiqəsində həm təqaüd, həm də "Tamaşaçıların favoriti" mükafatını qazanmışdır.[6]
Takada 2008-ci ildə şagird kimi, 2009-cu ildə isə sənətçi kimi Kral Baletinə qoşulmuşdur.[7] Xoreoqraf Veyn Makqreqor onu 2009-cu ildəki "Limen" adlı yeni baletinin heyətinə daxil etmişdir.[8] O, Frederik Eştonun "Rapsodiya" baletinin yeni versiyasında çıxış etmiş və performansı bəyənilmişdir.[9] Onun "Sinderella" baletindəki Payız pərisi performansı tənqidçilər tərəfindən müsbət rəylərlə qarşılanmışdır.[10] 2011-ci ildə eyni dizindən bir daha zədələnmiş və karyerasında fasilə yaranmışdır.[3] 2013-cü ildə "Onegin" baletində Olqa rolunda rəqs etmişdir.[11]
Takada 2014-cü ildə əsas soloçu olmuşdur.[12] 2014-cü ilin dekabrında "Don Kixot" baletinin günorta tamaşasında Kitri rolunda çıxış etmiş, axşam tamasında Nataliya Osipovanı əvəz etmişdir.[3] Onun çıxışı tənqidçi Zoye Anderson tərəfindən bəyənilmişdir.[13] Takada 2015-ci ildə ilk soloçu kimi Frederik Eştonun "İki göyərçin" baletində rəqs etmişdir.[14]
Takada 2016-cı ildə premyer olmuşdur.[5] "Vogue Japan" onun 2016-cı ildə ilin qadınlarından biri adlandırmışdır.[15] Takada premyer kimi "Jizel" baletinin baş rolunda debüt etmişdir.[16] 2017-ci ildə Frederik Eştenonun "Yuxu" baletində Titaniya rolunda rəqs etmişdir.[17] 2018-ci ildə Veyn Makqreqorun "İnfra" baletində çıxış etsə də, performansı tənqid olunmuşdur.[18] Həmin il "Bayaderka" baletində Nikiya rolunda çıxış etmişdir.[19]
"Evening Standard" qəzetinin tənqidçisi Emma Birn 2019-cu ildə Takadanı "Kral Baletinin ən zərif rəqqasələrindən biri" adlandırmışdır.[20] Takada Kral Baletinin 2019-cu ildəki Yaponiya turunda iştirak edə bilməmiş, zədə səbəbilə "Don Kixot" baletinin Yaponiya premyerasında Kitri rolunu canlandırmamışdır.[21] O, 2019-cu ilin noyabrında "Ağbəniz" baletinin birinci aktı zamanı zədələnmişdir.[22]
- 2008: Lozanna Mükafatı təqaüdü, "Tamaşaçının favoriti" mükafatı
- 2022: Yaponiya Rəqs Tənqidçiləri Cəmiyyəti Mükafatı
- ↑ 加瀬, アンジェラ. "新シーズンには舞台に復帰します". Dance Cube (yapon). Chacott. 10 September 2012. 26 July 2014 tarixində arxivləşdirilib. İstifadə tarixi: 11 fevral 2025.
- ↑ "高田茜さんが国際バレエコンクールで入賞！". 東京町 (yapon). Tōto Yomiuri. 29 February 2008. 28 July 2014 tarixində arxivləşdirilib. İstifadə tarixi: 11 fevral 2025.
- ↑ 1 2 3 Craine, Debra. "Akane Takada: 'I thought it was the end of my career. I was terrified'". The Times. 11 April 2017. 20 July 2021 tarixində arxivləşdirilib. İstifadə tarixi: 11 fevral 2025.
- ↑ 加瀬, アンジェラ. "高田茜インタビュー". Dance Cube (yapon). Chacott. 24 March 2010. 26 July 2014 tarixində arxivləşdirilib. İstifadə tarixi: 11 fevral 2025.
- ↑ 1 2 Tarmy, James. "Meet the Royal Ballet's Newest Star". Bloomberg News. 6 December 2016. 2020-10-06 tarixində arxivləşdirilib. İstifadə tarixi: 11 fevral 2025.
- ↑ "Prize Winners: Akane Takada". Prix de Lausanne. 2021-07-23 tarixində arxivləşdirilib. İstifadə tarixi: 11 fevral 2025.
- ↑ Snow, Georgia. "Akane Takada: 'Creating a role is a very different experience to doing classical ballet'". The Stage. 15 March 2016. səh. 37. 2016-03-16 tarixində arxivləşdirilib. İstifadə tarixi: 2016-09-08.
- ↑ Duchen, Jessica. "Life in the fast lane: Steven McRae". The Independent. 31 October 2019. 2009-11-03 tarixində arxivləşdirilib. İstifadə tarixi: 11 fevral 2025.
- ↑ "Three Short Ballets, Royal Opera House, review". The Telegraph. 17 March 2011. 11 February 2025 tarixində arxivləşdirilib. İstifadə tarixi: 11 fevral 2025.
- ↑ Anderson, Zoē. "Cinderella, Royal Opera House, London". The Independent. 11 April 2011. 2011-04-12 tarixində arxivləşdirilib. İstifadə tarixi: 11 fevral 2025.
- ↑ Levene, Louise. "Onegin, Royal Ballet, at Covent Garden, review". The Telegraph. 30 January 2013. 11 February 2025 tarixində arxivləşdirilib. İstifadə tarixi: 11 fevral 2025.
- ↑ "Britain's Royal Ballet elevates two Japanese to principal dancers". The Japan Times. 11 June 2016. 24 October 2023 tarixində arxivləşdirilib. İstifadə tarixi: 11 fevral 2025.
- ↑ Anderson, Zoë. "Don Quixote, Royal Opera House London, review: Akane Takada dazzles as Natalia Osipova suffers on-stage fall". The Independent. 22 December 2014. 2016-06-18 tarixində arxivləşdirilib. İstifadə tarixi: 11 fevral 2025.
- ↑ Levene, Louise. "The Two Pigeons/Monotones I & II, Royal Opera House, London -- 'Passionate innocence'". Financial Times. 8 December 2015. 18 September 2019 tarixində arxivləşdirilib. İstifadə tarixi: 11 fevral 2025.
- ↑ "2016年のヴォーグな女性 高田 茜/バレエダンサー 撮影舞台裏＆スペシャルインタビュー". Vogue Japan (yapon). 23 November 2016. 11 February 2025 tarixində arxivləşdirilib. İstifadə tarixi: 11 fevral 2025.
- ↑ Crisp, Clement. "Giselle, Royal Opera House, London — 'Unfailing elegance, subtle power'". Financial Times. 11 April 2016. 22 July 2021 tarixində arxivləşdirilib. İstifadə tarixi: 11 fevral 2025.
- ↑ Mackrell, Judith. "Ashton at the Royal Ballet review – miraculous moves and romantic rapture". The Guardian. 6 June 2017. İstifadə tarixi: 11 fevral 2025.
- ↑ Anderson, Zoë. "The Royal Ballet, Royal Opera House, review: Timid, well-meaning and dull". The Independent. 21 November 2018. 2018-11-21 tarixində arxivləşdirilib. İstifadə tarixi: 11 fevral 2025.
- ↑ Freeman, Laura. "How could anyone object to the Royal Ballet engaging in cultural appropriation?". The Spectator. 24 November 2018. 8 June 2019 tarixində arxivləşdirilib. İstifadə tarixi: 11 fevral 2025.
- ↑ Byrne, Emma. "Romeo and Juliet review: Radical ballet embraces its ugliness with dramatic flair". Evening Standard. 1 April 2019. 1 September 2020 tarixində arxivləşdirilib. İstifadə tarixi: 11 fevral 2025.
- ↑ Kosaka, Kris. "The Royal Ballet brings the best of British ballet to Japan with its production of 'Don Quixote'". The Japan Times. 4 June 2019. 11 February 2025 tarixində arxivləşdirilib. İstifadə tarixi: 11 fevral 2025.
- ↑ Mountford, Hari. "The Ballet That Actually Went Wrong - But Had A Happy Ending". Londonist. 15 November 2019. 11 February 2025 tarixində arxivləşdirilib. İstifadə tarixi: 11 fevral 2025.