ai_sponge və ya Süni intellektli Süngər Bob – "Süngər Bob Kvadrat Şalvar" animasiya serialının parodiyası kimi yaradılmış kanal. Fasiləsiz canlı yayım etməsi planlaşdırılmış kanalda personajların hərəkətləri, səsləri və dialoqları süni intellekt vasitəsilə idarə olunurdu və bunun üçün onlayn çatın tövsiyələrindən istifadə olunurdu. Onlayn çata heç bir məhdudiyyət tətbiq olunmadığı üçün personajlar arasında qəribə dialoqlar (xüsusilə, cinsi mövzularda) ortaya çıxırdı. Bu hal səciyyəvi xüsusiyyətə çevrildiyi üçün kanal dəfələrlə bağlanmışdır. 2025-ci ildəki vəziyyətə əsasən orijinal kanal "Twitch"də "əlçatmaz" kimi görünür, "YouTube"dakı kanal isə həmişəlik bağlanmışdır.
| ai_sponge | |
|---|---|
 Süngər Bobla və Patrik arasında süni intellektlə yaradılmış dialoqu əks etdirən bir səhnə. | |
| Janr | parodiya |
| Dil | ingilis |
| Veriliş | |
| Kanal | Twitch, YouTube |
| Premyerası | 5 mart 2023 |
Kanal aktiv olduğu dövr ərzində bir çox mübahisəyə səbəb olmuşdur. Süni intellektin müəllifliklik hüquqlarını pozmadan mənbə materialın nə qədərindən istifadə edə biləcəyi müzakirə mövzusuna çevrilmişdir.
"ai_sponge" kanalı 5 mart 2023-cü ildə "Süngər Bob Kvadrat Şalvar" animasiya serialının parodiya kanalı kimi yaradılmışdır.[1] Kanalın formatı digər parodiya kanalı olan "Nothing, Forever" kanalının formatı ilə oxşarlıq təşkil edirdi.[1][2] "Twitch" platformasında yayıma başlayan kanalda 2003-cü ildə buraxılmış "Süngər Bob Kvadrat Şalvar" videooyunu "Battle for Bikini Bottom" videoyununun 3D modelləri əsasında yenidən yaradılmış personajlardan istifadə olunurdu.[1] Personajların hərəkətləri, səsləri və dialoqları süni intellekt vasitəsilə idarə olunurdu.[3] Süni intellekt məlum olmayan proqramlardan istifadə olunmuşdu[3] və kanalın sahibi özünü ictimaiyyətə açıqlamamışdı.[1] Bundan əlavə, kanalın sahibi personajların dialoqlarına nəzarət etməkdə iştirak etmirdi.[3] Bunun yerinə dialoqlar "Discord" platformasında yerləşən onlayn çatın məsləhətləri əsasında formalaşırdı.[4][5] Onlayn çata heç bir məhdudiyyət tətbiq olunmadığı üçün personajlar arasında qəribə dialoqlar yaranırdı: personajlar seks, depresiya, narkotik maddələr, kleptomaniya,[6] kommunizm və vergidən yayınma mövzularında müzakirələr aparırdılar.[7] Kanal yayıma başladıqdan 48 sonra istifadə şərtlərini pozduğu üçün "Twitch" tərəfindən bağlanmışdır.[3]
Kanal tezliklə fəaliyyətini bərpa etmiş və "YouTube"da da canlı yayıma başlamışdır.[2][8] Qəribə dialoqlara baxmayaraq kanal populyar olmağa davam etmiş, qəribə söhbətlərin klipləri "Instagram", "TikTok" və "Twitter" kimi sosial şəbəkələrdə mem kimi paylaşılmışdır.[2][7][9] Kanal süni intellektdən istifadə edərək "Süngər Bob" personajları tərəfindən ifa olunan mahnı koverləri yaratmağa başlamışdır. Bu mahnılar kanalın populyarlığını daha da artırmışdır.[2][9] Personajların 2006 Honda Civic haqqında danışdıqları və 12 avqust 2036-cı ildə kainatın istilik ölümünün baş verəcəyini iddia etdikləri səhnələr mem kimi populyar olmuşdur.[2][5] Kanalın fasiləsiz canlı yayım etməsi planlaşdırılsa da,[3] səhərlər 2–5 saatlıq canlı yayım baş tuturdu.[1] 2025-ci ildəki vəziyyətə əsasən kanal "Twitch"də "əlçatmaz" kimi görünür[10] və icma qaydalarını pozduğuna görə "YouTube" tərəfindən bağlanmışdır.[11]
Kanalla bağlı reaksiyalar qarışıq olmuşdur. Kanal yaradıldıqdan bir neçə gün sonra "Twitch"də 1300-ə yaxın təqibçisi olmuşdur.[12] Ayın sonunda bu rəqəm 2600-ə çatmışdır və hər yayım zamanı təxminən 3500 aktiv izləyici qeydə alınırdı.[1] Kanal bağlandıqdan və yenidən açıldıqdan sonra kanalın abunə sayı iyunun əvvəlində 221.000-ə çatmışdır.[8] "TheGame" media şirkətindən Riannon Bevan kanalı "bəlkə də süni intellektin ən narahatedici istifadəsi" adlandırmışdır.[6]
Kanal açıldıqdan sonra leqallığı mübahisə mövzusu olmuşdur. "Twitch" parodiyalara icazə versə də, eyni adlar, səslər və modellərdən istifadə etməyə görə müəlliflik hüquqlarını pozmamaq üçün yaxın variantlardan istifadə olunmuşdur.[3] Bundan əlavə, personajlar arasında cinsi mövzularda dialoqlar "Twitch" platformasının istifadə şərtlərini dəfələrlə pozmuşdur.[13]
- ↑ 1 2 3 4 5 6 Chapman, Wilson. "What AI Seinfeld Has Wrought: AI SpongeBob". IndieWire. 24 March 2023. 7 August 2023 tarixində arxivləşdirilib. İstifadə tarixi: 18 fevral 2025.
- ↑ 1 2 3 4 5 Gülen, Kerem. "AI SpongeBob: Absurdly hilarious or hilariously absurd?". Dataconomy. 12 June 2023. 27 May 2024 tarixində arxivləşdirilib. İstifadə tarixi: 18 fevral 2025.
- ↑ 1 2 3 4 5 6 Harrison, Christian. "Spongebob is the latest beloved franchise to get the Twitch AI treatment but it's all gone wrong". Dot Esports. 8 March 2023. 27 November 2024 tarixində arxivləşdirilib. İstifadə tarixi: 18 fevral 2025.
- ↑ Arroyave Guevara, Juan Camilo. "An AI makes SpongeBob SquarePants episodes on Twitch and creates totally unexpected dialogues". LevelUp. 23 March 2023. 4 December 2024 tarixində arxivləşdirilib. İstifadə tarixi: 18 fevral 2025.
- ↑ 1 2 Lizalikeminelli. "People Think the A.I. SpongeBob Show Has Predicted the End of the World". eBaum's World. 25 June 2023. 23 December 2023 tarixində arxivləşdirilib. İstifadə tarixi: 18 fevral 2025.
- ↑ 1 2 Bevan, Rhiannon. "AI SpongeBob Stream Derails, Characters Are Obsessed With Sex". TheGamer. 11 March 2023. 30 November 2024 tarixində arxivləşdirilib. İstifadə tarixi: 18 fevral 2025.
- ↑ 1 2 Harrison, Christian. "What is AI Spongebob?". Dot Esports. 9 March 2023. 22 June 2024 tarixində arxivləşdirilib. İstifadə tarixi: 18 fevral 2025.
- ↑ 1 2 Bain, Ellissa. "Funny AI SpongeBob Parodies On Twitch Hailed 'Peak Comedy'". HITC. UK. 8 June 2023. 6 October 2023 tarixində orijinalından arxivləşdirilib. İstifadə tarixi: 18 fevral 2025.
- ↑ 1 2 Carpou, Madeline. "This Is a Weird Time for the Popularization of SpongeBob AI". The Mary Sue. 19 July 2023. 20 July 2023 tarixində arxivləşdirilib. İstifadə tarixi: 18 fevral 2025.
- ↑ "ai_sponge". Twitch. 2025-02-20 tarixində arxivləşdirilib. İstifadə tarixi: 118 fevral 2025.
This channel is currently unavailable due to a violation of Twitch's Community Guidelines or Terms of Service.
- ↑ "ai_sponge". YouTube. 2025-02-20 tarixində arxivləşdirilib. İstifadə tarixi: 18 fevral 2025.
This channel was removed because it violated our Community Guidelines.
- ↑ Horetski, Dylan. "SpongeBob SquarePants is now on Twitch with AI-generated parody stream". Dexerto. 7 March 2023. 22 May 2024 tarixində arxivləşdirilib. İstifadə tarixi: 18 fevral 2025.
- ↑ Gwilliam, Michael. "AI SpongeBob Twitch stream risks ban as characters discuss having sex". Dexerto. 10 March 2023. 1 June 2023 tarixində arxivləşdirilib. İstifadə tarixi: 18 fevral 2025.