Vikipediya ?

ABAD

"ABAD" sözünün açılışı "Ailə Biznesinə Asan Dəstək" deməkdir. "ABAD" Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi tabeliyində fəaliyyət göstərir. .

ABAD
Ailə Biznesinə Asan Dəstək
ABAD-ın loqosu.png
ABAD Loqosu
Ölkə: Flag of Azerbaijan.svg Azərbaycan
Yaradılıb: 23 sentyabr 2016
Tabeçilik: Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi
Ünvan: Bakı şəhəri, A.M.Şərifzadə küç.157, AZ1138
Rəhbərlik
Rəhbər: Rüfət Elçiyev
Sayt

Mündəricat

Fəaliyyət

“ABAD” mərkəzləri tərəfindən dekorativ-tətbiqi xalq sənətkarlığı və kənd təsərrüfatı sahəsində fəaliyyət göstərən ailə bizneslərinə dəstək layihələri həyata keçirilir, həmçinin ailə təsərrüfatlarına biznes-planlaşdırma, marketinq, brendinq və dizayn, maliyyə-mühasibat, hüquqi yardım xidmətləri göstərirlər. İstehsal olunmuş məhsulların “bir pəncərə” prinsipi üzrə sertifikatlaşdırılması, logistika işinin və satışların təşkili “ABAD” tərəfindən həyata keçirilir. Layihə çərçivəsində istehsal olunmuş məhsulların üzərində istehsalçı ailənin brendi ilə yanaşı, məhsulun “ABAD”ın nəzarəti altında hazırlandığını göstərən müvafiq nişan yerləşdirilir.

Dəstək proqramına daxil olan xidmətlər

“ABAD”ın dəstək proqramı qeyd olunan xidmətlərdən ibarətdir: marketinq, brendinq, dizayn, maliyyə-mühasibat xidmətləri*, hüquqi yardım, daşınma, qablaşdırma, logistika, bir pəncərə əsasında sertifikatlaşdırma və sonunda satışın təşkili. Bundan başqa, ABADçının adına bank hesabı və VÖEN açılır, satış baş tutduqda vəsaitlər ABADçının bank hesabına köçürülür. Zərurət yaranarsa, donor və partnyorların vasitəsilə ABADçılara avadanlıq verilə bilər.

İstiqamətlər

Qida

Qida məhsullarının istehsalı sahəsində yalnız “ABAD”ın regional mərkəzləri olan iqtisadi zonaların sakinlərinə dəstək göstərilir. Bu istehsalat prosesi “ABAD”ın texnoloqlarının nəzarəti altında keçməsi ilə bilinir. Məhsullar ilkin olaraq Masallı və Balakən rayonlarında təsərrüfatçılara təhvil verilmiş xüsusi monoblok-konteynerlərdə istehsal olunurdu. Bu rayonlarda ABADçı ailələrinə bütün standartlara cavabdeh olan xüsusi avadanlıqlarla təchiz edilmiş 18 monoblok-konteyner təqdim edilib.

Qida məhsulları sahəsində artıq satışa çıxan məhsullar aşağıdakılardır:

Məhsulun növü Brendin adı ABADçı-istehsalçı Region
Mürəbbə, cem Vahid “ABAD” adı altında Əliyevlər,

Novruzovlar,

İbrahimovlar,

Bazarovlar, Xəlilovlar, Qurbanovlar, Zurnayevlər, Bağırovlar, Abdullayevlər, İsmayılovlar, Rəhimovlar ailələri

Masallı, Balakən
Bal Təklə Hüseynovlar ailəsi Masallı
Çiçəkli Məhərrəmovlar ailəsi Masallı
Şanlı Nəzirovlar ailəsi Masallı
Babadağ Qəniyevlər ailəsi İsmayıllı
Sarı gəlin Mirzəyevlər ailəsi İsmayıllı
Balçı Mirzəyevlər ailəsi İsmayıllı
Faydalı Pənahovlar ailəsi İsmayıllı
Kəhraba Nuriyevlər ailəsi Şamaxı
1001 çiçək Əzizovlar ailəsi Şamaxı
Pendir Şərəfə Şükürovlar ailəsi Masallı
Talalar (kaşar və saçaq növləri) Qurbanovlar ailəsi Balakən
Hənifə Hacıyevlər ailəsi Balakən
Kolbasa Kəndli Rəhimovlar ailəsi Masallı
Bizim nemət (kabanossi və krakov növləri) Şabanovlar ailəsi Balakən
Sosislər Bəh-bəh (südlü və hisə verilmiş) Ələsgərovlar ailəsi Masallı
Spirtli içkilər AVEY Məmmədovlar ailəsi Bakı


Dekorativ-tətbiqi xalq sənətkarlığı

Əl işləri sahəsi üzrə isə bütün Azərbaycan üzrə sənətkarlar qəbul olunur. Sənətkarlar arasında üstünlük Azərbaycan milli-mədəni ruhunda suvenirlər hazırlayanlara üstünlük verilir. Suvenirlər böyük olçüdə olmamalıdır. Dekorativ-tətbiqi xalq sənətkarlığı sahəsində Azərbaycan milli-mədəniyyətinı xas olan bütün dekorativ sənət növlərinin suvenir nümunələri təqdim olunur: xalçaçılıq, dulusçuluq, oymaçılıq, rəngkarlıq, zərgərlik, misgərlik, həsirçilik, və s.

Bundan başqa baş ofis vasitəsi ilə, “ABAD” Abşeron iqtisadi rayonunda fəaliyyət göstərən orta sahikarlığa da dəstək göstərir. Orta sahibkarlığa dəstək proqramında göstərilən xidmətlərin sayı daha məhduddur. Xidmət əsasən satış, marketinq kimi sahələri əhatə edir.

Tarixi

Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin (ASAN xidmət) tabeliyində “ABAD” publik hüquqi şəxs Azərbaycan Respublikası Prezidenti İlham Əliyevin 23 sentyabr 2016-cı il tarixli ilə yaradılıb.Fərmana əsasən, Azərbaycan Respublikasının sosial-iqtisadi inkişafında vətəndaşların fəal iştirakına, kiçik və orta sahibkarlığın inkişafına, əhalinin məşğulluq səviyyəsinin artırılmasına və rəqabətqabiliyyətli ailə təsərrüfatlarının formalaşdırılmasına dəstək vermək məqsədilə sosialyönümlü layihələr həyata keçirən “ABAD” (Ailə Biznesinə Asan Dəstək) mərkəzləri yaradılır.




Mərkəzlər

"ABAD" Etno-butik və BAKALEYA-lar

Etno-butiklər

"ABAD" etno-butiklərində əsasən dekorativ-tətbiqi xalq sənətkarlığı məhsulları satılır.

  • “İçərişəhər” Dövlət Tarix Memarlıq Qoruğu, Qız Qalası ilə üzbəüz;
  • Bakı Dəmiryol Vağzalı;
  • Heydər Əliyev Beynəlxalq Hava Limanı;
  • 3 saylı ASAN Xidmət;
  • “Fairmont Baku” Hotel;
  • Qəbələ rayonu, "Tufandağ" kurortu;
  • Şamaxı rayonu, Dəmirçi kəndi;
  • Şəki şəhəri “Yuxarı baş” Dövlət Tarix-Memarlıq Qoruğu, Xan Sarayının yanı;
  • Masallı rayonu “ASAN Həyat” kompleksinin ərazisində;
  • Milli Gimnastika Arenası (yalnız iri beynəlxalq yarışlar zamanı).

BAKALEYA

Qida məhsullarının satışı “Bravo” hipermarketlərində yerləşən “ABAD” BAKALEYA-larında həyata keçirilir:

  • “Bravo” Koroğlu;
  • "Bravo” Radiozavod;
  • “Bravo” Ganjlik Mall;
  • "Bravo" 20 yanvar

..

Regional mərkəzlər

"ABAD" publik hüquqi şəxsin 5 rayonda regional mərkəzi fəaliyyətdir.

  • Masallı “ABAD” Regional Mərkəzi (“ASAN Həyat” kompleksi);
  • Balakən “ABAD” Regional Mərkəzi;
  • Quba “ABAD” Regional Mərkəzi (“ASAN Həyat” kompleksi);
  • İmişli “ABAD” Regional Mərkəzi (“ASAN Həyat” kompleksi);
  • Şəki “ABAD” Regional Mərkəzi (“ASAN Həyat” kompleksi);
  • Bakı “ABAD” baş ofis (3 saylı “ASAN xidmətin binasında, 4-cü mərtəbə).

Regional mərkəzlər və Bakı Baş ofisi vasitəsilə qeyd olunan bölgələrə xidmət göstərilir:

“ABAD” Masallı Regional Mərkəzi vasitəsi ilə Lənkəran İqtisadi Rayonu (Astara • Cəlilabad • Lerik • Lənkəran • Masallı • Yardımlı • Liman •Göytəpə)

“ABAD” Balakən Regional Mərkəzi vasitəsi ilə Şəki-Zaqatala İqtisadi Rayonu (Balakən • Qax • Zaqatala)

“ABAD” Quba Regional Mərkəzi vasitəsi ilə Quba-Xaçmaz İqtisadi Rayonu

(Şabran • Xaçmaz • Quba • Qusar • Siyəzən • Xudat)

“ABAD” İmişli Regional Mərkəzi vasitəsi ilə Aran iqtisadı rayonu (Mingəçevir • Şirvan • Ağcabədi • Ağdaş • Beyləqan • Bərdə • Biləsuvar • Göyçay • Hacıqabul • İmişli • Kürdəmir • Neftçala • Saatlı • Sabirabad • Salyan • Ucar • Yevlax • Zərdab);

“ABAD” Şəki Regional Mərkəzi vasitəsi ilə Oğuz, Qəbələ rayonları;

“ABAD” Bakı Baş Ofis vasitə ilə Abşeron iqtisadi rayonu (Abşeron • Xızı • Sumqayıt • Xırdalan).



Digər mərkəzlər və layihələr

  • Şəki Keramika və Tətbiqi Sənət Mərkəzi;
  • Quba “ABAD” Məktəb;
  • Masallı “ABAD” Xalçaçılıq Mərkəzi
  • Quba “ABAD” Factory İstehsalat Kompleksi;
  • "ABAD" Gastro Village


Quba "ABAD Factory"

Publik hüquqi şəxsin təsis etdiyi “Quba ABAD Factory” istehsalat  kompleksinin açılış  mərasimi 2018-ci ilin sentyabrın 28-də keçirilib.

İkimərtəbəli, ümumi sahəsi 1500 м²-ə yaxın olan müasir istehsalat kompleksində ABADçılar 5 istehsal sahəsi üzrə fəaliyyət göstərir:

-      Quru meyvələr;

-      Qənnadı məmulatları;

-      Kompot;

-      Süd məhsulları;

-      Ət məhsulları.

Sahibkarlıq fəaliyyətinin səmərəli təşkili məqsədi ilə “Quba ABAD Factory” ərazisində müvafiq infrastruktur yaradılıb. Kompleksdə 30 ABADçı ailəsi fəalliyət göstərir. Məhsul dövriyyəsi artdıqca bu sayın 80-dək qalxması gözlənilir.



Şəki "ABAD" Keramika və Tətbiqi Sənət Mərkəzi

Mərkəzin açılışı 29 oktyabr 2018-ci ildə reallaşıb. “ABAD” publik hüquqi şəxsin nin binası XIX əsrin axırlarında tikilib və kazarma kimi istifadə olunub. Baxımsız və qəzalı şəraitdə olan həmin bina “Paşa Holdinq”in dəstəyi ilə yenidən qurulub. Mərkəz müasir avadanlıqla təchiz edilib. Mərkəzin yerləşdiyi bina "Yuxarı Baş" Dövlət Tarix-Memarlıq qoruğu ərazisində yerləşir.


“Yuxarı Baş” Dövlət Tarix-Memarlıq qoruğu Şəki şəhərinin qədim tarixi hissəsində yerləşir. Qoruğun UNESCO-nun mədəni irs siyahısına salınması yönündə dövlət tərəfindən müvafiq işlər həyata keçirilir. “Xan sarayı” I, IV, V meyarlarla irs siyahısına salınıb. Şəki Keramika və Tətbiqi Sənət Mərkəzinin binası da qoruğun UNESCO-nun müvafiq siyahısına salınacaq ərazisində, Qala divarlarının içərisində yerləşən beş kazarma binasından biridir. Bina 1867-ci ildə tikilmiş tarix-memarlıq abidəsidir. İkimərtəbəli binada işçilər və təlimlərə qoşulacaq şəxslər üçün istirahət otaqları da var. Burada, həmçinin termik soba və təlim otaqları, xammal və hazır məhsul anbarları, etno-butik, ofis və xalçaçılıq otağı yerləşir.

Bir sözlə, mərkəzdə keramika və tətbiqi sənətlə məşğul olanlar üçün hər cür şərait yaradılıb.

Mərkəzin məqsədi ölkəmizin, əsasən də Şəki rayonunun tarixi keramika ənənələrinin qorunub saxlanılması və gələcək nəsillərə ötürülməsi, həmçinin müxtəlif çeşidli Azərbaycan gilinin dünyada tanıdılmasıdır. Bura həm də Qafqazda ilk Keramika Mərkəzi kimi tarixə düşəcək. Gələcəkdə Mərkəzdə tanınmış əcnəbi sənətkarların iştirakı ilə beynəlxalq tədbirlər, həmçinin müasir avadanlıqlardan istifadə etməklə təlimlər təşkil olunacaq. Mərkəzdə keramika sənətindən əlavə, xalçaçılıq və digər sənətkarlıq sahələri üzrə təlimlərin keçirilməsi də nəzərdə tutulur. Bütün bunlardan məqsəd yeni sənətkarların yetişdirilməsidir.


"ABAD" Gastro Village

“ABAD Gastro Village” layihəsi və onun nəznində olan “Food truck”lər (təkərli qoşqular) “ABAD” PHŞ daha bir layihəsidir. “ABAD Gastro Village”-in səyyar şəkildə fəaliyyət göstərməsi Respublikada turizm infrastrukturuna daha da cəlbedici görünüş yaradacaq. “Truck”lər hazırda 5 istiqamətdə satış aparır:

-     Dönər;

-     Burger;

-     Pizza;

-     Şirniyyat;

-     “ABAD” etno-butiki.


Beynəlxalq əməkdaşlıq

 
1 dekabr 2018, Balakən, Aİ və BMT ilə birgə layihənin illik yekunlarına dair görüş

“ABAD” yarandığı gündən etibarən bir çox nüfüzlu beynəlxalq qurumlarla əməkdaşlıq edir. Bunlara BMTİP – Birləşmiş Millətlər Təşkilatının İnkişaf Proqramını, Aİ - Avropa İttifaqını, TİKA- Türkiyə İş Birliyi və Koordinasiya Agentliyini, BP, GIZ və başqalarını misal göstərmək olar. Həyata keçirdiyimiz iri miqyaslı layihələrə BMTİP və GEF ilə birgə həyata keçirdiyimiz “Böyük Qafqaz Landşaftında Dayanıqlı Meşə və Torpaq İdarədilməsi” layihəsi çərçivəsində “Yüksək dağlıq məntəqələrin sakinlərinin əlavə gəlir mənbəyi ilə təmin edilməsinə dəstək üzrə ixtisaslaşmış yerli müəsisənin seçilməsi proqramını və BMT-nin İnkişaf Proqramı və Avropa İttifaqının (Aİ) maliyyə dəstəyi ilə həyata keçirilən "Balakən regional ABAD mərkəzi vasitəsilə Şəki-Zaqatala iqtisadi zonasında kiçik ailə müəssisələrinin inkişafına dəstək" üç illik layihəsini misal göstərmək olar.





"ABAD"a necə qoşulmaq olar

ABADçı olmaq istəyən şəxslər http://abad.gov.az/az saytına daxil olaraq “ABADçı ol” bölməsində anketi doldurmalıdır. Anket ilkin yoxlamadan keçəndən sonra, reyestra əlavə ediləcək, müraciət edilən şəxslə 15 iş günü ərzində əlaqə yaradılacaq və baş ofisə müsahibə üçün dəvət olunacaq. Sənətkarlar baş ofisə əl işləri ilə yaxınlaşmalı, qida istehsalıçılarına isə (mövcud olduğu halda) qida məhsulundan daddırma üçün bir miqdar gətirmək tövsiyyə olunur. Anketi əyani şəkildə baş ofisə və yaxud regional mərkəzlərə yaxınlaşaraq doldurmaq da mümkündür.

Həmçinin bax

İstinadlar

  1. ][
  2. ][

Xarici keçidlər

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019