Ət-Tərğib vət-Tərhib

Əsər özündə "Kütübi-Sittə", "Muvatta", "Səhihi-İbn Hibban", "Səhih İbn Xuzeymə", "Müsnəd İmam Əhməd", "Müsnədi-Əbu Yalə", "əl-Müstədrək", "əl-Mucəmül-kəbir", "əl-Mucəmül-əvsat" və "əl-Mucəmüs-sağir"dən ixlas, elm, namaz, zöhd, cəhənnəm, cənnət, ədəb, alım-satım kimi mövzularda edilib-edilməməsi lazım olan əməllərlə bağlı seçilmiş hədisləri ehtiva edir. Seçilmiş hədislər 25 bölmə olub, hədislərin sənədlərində səhabələrdən başqa heç kim qeyd edilməmişdir.

Əsərdə səhih, həsən və etibarlı zəiflikdəki rəvayətlər "عن" hərfi ilə göstərilmiş, lakin hədisin ayrıca sağlamlıq dərəcəsi qeyd edilməmişdir. Zəif rəvayətlər də "عن" hərfi ilə işaralənmiş, həmçinin rəvayətin sonunda bu tip hədislərin nə dərəcədə etibarlı olduğunu bildirmək üçün məvkuf, mürsəl, münqəti və qərib kimi qeydlər edilmişdir. Mövzu (uydurma), çox zəif və zəif hədislər isə "ruviyə" ifadəsi ilə göstərilmişdir.

Əsər özünəməxsus bir metodla tərdib edilmişdir. Hədislərin etibarlılıq dərəcəsi göstərilmiş, az istifadə olunan bəzi sözlərin açıqlaması verilmişdir. Əsər özündə tərğib və tərhib mövzusunda mükərrərləri ilə birlikdə 5472 hədis ehtiva edir. Bu əsərə hədis sahəsində şöhrət qazandırmış xüsusiyyətlərdəndir.^[3]

Əsərə müxtəlif şərh və ixtisarlar edilmişdir. Bunlardan biri İbn Həcər əl-Əsqəlaninin etdiyi ixtisardır. Burada 855 səhih hədis cəmlənmişdir.^[4]

Əsər müxtəlif tarixlərdə (1982, 1991, və s.) və yerlərdə (Dəməşq, Dehli və s.) nəşr edilmiş və bir heyət tərəfindən türk dilinə (İstanbul 1984-1986) tərcümə edilmişdir.

• Sünni kitablarının siyahısı