Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinƏr-Risalətül-Kamiliyyə fis-sirətin-nəbəviyyə (ərəb. الرسالة الكاملية في السيرة النبوية; azərb. Peyğəmbərin həyatına dair Kamilin risaləsi), həmçinin Risalətül-Fazil ibn Natiq (ərəb. رسالة فاضل بن ناطق; azərb. Fadil ibn Natiqin kitabı) kimi də tanınır — İbn ən-Nəfis tərəfindən yazılmış ilk fəlsəfi roman.[1] Qərbdə əsər Theologus Autodidactus (azərb. Özbaşına öyrənən ilahiyyatçı) adı ilə tanınır.
| Ər-Risalətül-Kamiliyyə fis-sirətin-nəbəviyyə | |
|---|---|
| ərəb. الرسالة الكاملية في السيرة النبوية | |
| Müəllif | İbn ən-Nəfis |
| Orijinalın dili | ərəb dili |
Bu əsər ərəb dilində yazılmış ən qədim romanlardan biri hesab olunur. O, həmçinin elmi fantastik romanın, yetkinlik dövrü hekayəsinin və "kimsəsiz ada" janrının erkən nümunələrindən hesab olunur.[2] Əsər təxminən 1268–1277-ci illər arasında yazılmışdır.[3]
Əsərin əsas qəhrəmanı Kamil adlı gəncdir. O, uşaq vaxtından təcrid olunmuş bir mağarada, insanlardan uzaqda, tənha bir adada böyümüşdür.[2] Daha sonra adanın sahillərində baş verən gəmi qəzası nəticəsində başqa insanlarla ünsiyyət yaradır.[3] Bu insanlar Kamili özləri ilə birlikdə sivil dünyaya aparırlar.
Romanın süjeti Kamillə bağlı yetkinlik hekayəsini əhatə edir və əsərin kulminasiya nöqtəsində apokaliptik Qiyamət səhnələri ilə müşayiət olunan elmi-fantastik elementləri özündə birləşdirir.[2]
- ↑ Muhsin Mahdi (1974), «The Theologus Autodidactus of Ibn at-Nafis by Max Meyerhof, Joseph Schacht», Journal of the American Oriental Society 94 (2), p. 232—234.
- ↑ 1 2 3 Dr. Abu Shadi Al-Roubi (1982), «Ibn Al-Nafis as a philosopher», Symposium on Ibn al-Nafis, Second International Conference on Islamic Medicine: Islamic Medical Organization, Kuwait (cf. Ibn al-Nafis As a Philosopher, Encyclopedia of Islamic World [1])
- ↑ 1 2 Fancy, Nahyan A. G. Pulmonary Transit and Bodily Resurrection: The Interaction of Medicine, Philosophy and Religion in the Works of Ibn al-Nafīs (d. 1288) // Electronic Theses and Dissertations (journal) (ingilis). University of Notre Dame. 2006. 2015-04-04 tarixində arxivləşdirilib.