Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Əqidə Manizadə — ABŞ-nin Vircinya ştatında yaşayan azərbaycanlı alim, Radford Universitetinin riyaziyyat və statistika fakültəsinin professoru, Vircinya ştatının Riyaziyyat Müəllimləri Şurasının Prezidenti, "Görkəmli professor" fəxri adının təltifçisi.[1][2]
| Əqidə Manizadə | |
|---|---|
| Doğum yeri | Bakı, Azərbaycan |
| Milliyyəti | Azərbaycanlı |
| Elm sahəsi | Riyaziyyat |
| Təhsili |
Bakı Dövlət Universiteti Virciniya Unversiteti |
| Mükafatları | |
Əqidə Manizadə 1992-ci ildə Bakı şəhəri 164 nömrəli orta məktəbi qızıl medalla, 1997-ci ildə Bakı Dövlət Universitetinin mexanika-riyaziyyat fakültəsini fərqlənmə diplomu ilə bitirib. 2000-ci ildə isə Vilyam və Meri kollecində magistratura təhsilini tamamlayıb, 2006-cı ildə isə Virciniya Unversitetində doktor və alimlik dərəcəsini müdafiə edib.[1][2]
Əqidə Manizadə 2009-cu ildən indiyə kimi ABŞ-nin Radford Universitetində bakalavr və magistr pilləsində dərs deyir, elmi fəaliyyətlə məşğuldur.[1][2]
Virciniya Təhsil Nazirliyinin dəstəyi ilə Riyaziyyat Müəllimlərinin Təkmilləşdirmə Mərkəzinin yaradıcısı kimi NASA alimləri və universitet professorları ilə Radford Universitetində NASA-2 İnstitutu yaradaraq, bir çox böyük layihələrin reallaşdırılmasında birbaşa iştirak edib. "Virginia Mathematics Teacher" jurnalının baş redaktoru vəzifəsini icra edir. Rəhbərliyi altında dərc olunan jurnal 2018-ci ildə Riyaziyyat Müəllimləri Milli Şurası tərəfindən ölkənin ən yaxşı jurnalı mükafatına layiq görülüb.[1][2]
2021-ci ildə Vircinya ştatının Riyaziyyat Müəllimləri Şurasının Prezidenti seçilərək, ştat üzrə bütün dövlət və özəl universitetlərinin professor heyəti üçün ali mükafatı qazanıb. 35 elmi məqalənin müəllifidir.[1][2]
Əqidə Manizadə 75-dən çox elmi konfransda riyaziyyat elminə dair məruzələrlə çıxışlar edib və bir sıra böyük layihələrin icraçısıdır.[1][2]
- ↑ 1 2 3 4 5 6 7 Aktual İNFO. "Azərbaycanlı alim Virciniya ştatının Riyaziyyat Müəllimləri Şurasının Prezidenti seçilib". www.aktualinfo.org ( (az.)). 27.08.2021. 2021-08-27 tarixində arxivləşdirilib. İstifadə tarixi: 27.08.2021.
- ↑ 1 2 3 4 5 6 7 science.gov.az. "Azərbaycanlı alim Virciniya ştatının Riyaziyyat Müəllimləri Şurasının Prezidenti seçilib". www.science.gov.az/ ( (az.)). 27.08.2021. 2021-08-27 tarixində arxivləşdirilib. İstifadə tarixi: 27.08.2021.