Əl-Məsəlüs-səir fi ədəbil-Katib vəş-Şair
Əl-Məsəlüs-səir fi ədəbil-Katib vəş-Şair (ərəb. العَلْمُ السَّائِر في أدب الكاتب والشاعر) — klassik ərəb ədəbiyyatında bədii üslub, bəlağət və ədəbi sənətkarlıq mövzusunda Ziyəddin ibn əl-Əsir tərəfindən yazılmış nəzəri əsər.[1]
| Əl-Məsəlüs-səir fi ədəbil-Katib vəş-Şair | |
|---|---|
| ərəb. العَلْمُ السَّائِر في أدب الكاتب والشاعر | |
| Müəllif | Ziyəddin ibn əl-Əsir |
| Mövzu | nitq |
| Orijinalın dili | ərəb dili |
"Əl-Məsəlüs-səir fi ədəbil-Katib vəş-Şair" əsəri müəllifə böyük şöhrət qazandırmış, Mosul və Bağdad kimi böyük elm mərkəzlərində maraqla qarşılanmışdır. Lakin əsərə ağır tənqidlər də yönləndirilmişdir: İbn Əbil-Hədid əsər haqqında "əl-Fələküd-dair aləl-Məsəlis-səir" adlı tənqidi şərh qələmə almışdır.[2] Bundan sonra ədəbi müzakirələr başlamış, elm adamları iki cəbhəyə bölünmüşdür.
Əsər bir müəddimə, iki bölmədən (məqalə) ibarətdir. Əsərin müqəddiməsində bəyan (bəlağat) elminin üsulu, mövzusu, faydası və s. haqqında məlumatlar verilmişdir. Əsərin birinci bölməsində səci, cinas, təcnis, təkrir, tərsi kimi ləfzi sənətlər, ikinci bölməsində isə mənəvi sənətlərdən bəhs edilmişdir.
"Əl-Məsəlüs-səir fi ədəbil-Katib vəş-Şair" Bulaq, Beyrut, Qahirə (1959–1962, 1980–1984 və s.), ər-Riyadda (I–III, 1983) və s. yerlərdə nəşr edilmişdir.[3]
- ↑ Civelek, Yakup. Doru, M. Nesim (redaktor). Ziyauddin ibnu'I-Esir ve Ölümsüz Eseri el-Meselu's Sair fi Edebi'I-Katibi ve'ş-Şair (PDF) (türk). İstanbul. 2012.
- ↑ Özçetin, Merve; Eminoğlu, Ali. "Ziyâuddîn ibnu'l-Esîr ve Kifâyetu't-tâlib fî nakdi kelâmi'ş-şâʿir ve'l-kâtib adlı eserinin arap dilindeki yeri ve önemi". Necmettin Erbakan Üniversitesi İlahiyat Fakültesi Dergisi. 48. 2019: 401–402.
- ↑ Durmuş, İsmail. "İbn'ül-Esîr, Ziyâeddin". TDV İslâm Ansiklopedisi. 2000. 3 fevral 2026 tarixində arxivləşdirilib. İstifadə tarixi: 3 fevral 2026.