Şarja Universiteti (ərəb: جامعة الشارقة) — Birləşmiş Ərəb Əmirliklərinin Şarja şəhərində özəl milli universitet. Universitet 1997-ci ilin oktyabrında Şarja hökmdarı Şeyx Dr. Sultan ibn Məhəmməd Əl-Qasimi tərəfindən yaradılmışdır. Universitetin məqsədi Yaxın Şərqdə və bütün dünyada aparıcı akademik qurum olmaqdır.[1]
| Şarja Universiteti | |
|---|---|
| Əsası qoyulub | 1997 |
| Ölkə | |
| Sayt | sharjah.ac.ae |
| 25°17′06″ şm. e. 55°28′41″ ş. u.HGYO | |
 |
|
 Vikianbarda əlaqəli mediafayllar | |
Şarjadakı əsas kampusuna əlavə olaraq, universitet Birləşmiş Ərəb Əmirlikləri, Körfəz ölkələri, ərəb ölkələri və beynəlxalq miqyasda bir neçə icmaya birbaşa təhsil, təlim və tədqiqat proqramları təmin etmək üçün kampusları inşa etmişdir. Ən əhəmiyyətlisi, universitet Şarja əmirliyinin sosial-iqtisadi inkişafında mühüm rol oynayır.[2]
Universitetin əsas kampusu Şarja Beynəlxalq hava limanına yaxın olan Universitet şəhərciyində, Şarjanın cənub kənarında yerləşir. Sharja Universiteti öz xidmətlərini Şarja əmirliyində Xor Fakkan, Kalba, Əl Daid kimi müxtəlif coğrafi ərazilərdə yerləşir.
Şarja Universiteti 1997-ci ilin oktyabrında Birləşmiş Ərəb Əmirliklərinin ali şurasının üzvü və Şarja hökmdarı şeyx Dr. Sultan ibn Məhəmməd Əl-Qasimi tərəfindən təsis edilmişdir.[1] Universitet Şarja Əmirliyində İslam arxitekturasına və tarixinə əsaslanan və ətrafdakı cəmiyyətin, xüsusilə BƏƏ və Orta Şərqin üslubunu nəzərə alaraq, fərqli bir təhsil müəssisəsi kimi yaradılmışdır.
Tikintisinə 100 milyon BƏƏ dirhəmi xərclənən Kalba şəhərciyinin açılışı 28 fevral 2011-ci ildə olmuşdur. 100 milyon dirhəmim 90 milyonu akademik, elmi və inzibati binalara, 10 milyonu isə şəhərcikdən kənarda və ətraf ərazilərə xərclənib.[3]
Tikinti xərcləri üçün 60 milyon dirhəm başa gələn Daid şəhərciyinin açılışı 17 dekabr 2015-ci ildə olmuşdur. Şəhərciyin kampusunda 18 sinif otağı, dörd mühazirə otağı və 12 laboratoriya var.[4]
Tibb və Sağlamlıq Elmləri şəhərciyinin bir hissəsi olaraq Universitet Tədris xəstəxanası və Universitet Tədris Stomatologiya klinikası 2011-ci il iyunun 11-də açılıb.[5]
Təlim üçün virtual fond bazarı monitoru 1 oktyabr 2012-ci ildə istifadəyə verilmişdir. Monitor BƏƏ-in Qiymətli kağızlar və Əmtəə İdarəsi tərəfindən yaradılmışdır. Virtual monitor Dubay Maliyyə Bazarının və Əbu-Dabi Qiymətli kağızlar birjasının virtual monitoru ilə analoji olaraq yaradılıb.[6]
2021-ci ilin dekabrında Şarja hökmdarı Sultan ibn Əhməd Əl Qasimini Şarja Universitetinin prezidenti təyin etdi.[7]
Universitetin şəhər kampusunun ətrafında tələbə işləri dekanının, tələbə ittifaqlarının kabinetləri, tələbə klubları və cəmiyyətləri üçün ofislərin, təsviri incəsənət otağının, kitab mağazasının, Şarja Kooperativ Cəmiyyətinin və Sharja İslam bankının filiallarının və bir sıra kiçik ticarət dükanlarının yerləşdirilməsi üçün nəzərdə tutulmuş iki tələbə mərkəzi var.[8]
24 mart 2012-ci ildə universitetdə kitabxanalar açıldı. Hər bir kitabxana 10.000 kv.m-dən çox ərazidə tikilib və bir milyona qədər kitab saxlamaq imkanına malikdir.[9]
Universitet şəhərciyində iki ayrı yataqxana var və bunlar yataqxana nəzarətçilərinin nəzarəti altındadır. Tələbə işlərinin dekanlığı yataqxanalarda yaşayan bütün tələbələr üçün əyləncə, idman tədbirləri və həftəlik gəzintilərin təşkilinə cavabdehdir.
Universitet tələbələrə bir, iki və üç otaqlı yataqxanalardan seçim təklif edir. Yataqxanalar klinikalar, iş otaqları, kompüter laboratoriyaları, camaşırxana, bağ sahələri, televiziya otaqları, qəbul zalları və digər istirahət sahələri ilə təmin olunub.[8]
Şarja Universiteti Birləşmiş Ərəb Əmirliklərində ən çox akkreditə olunmuş proqramlarını təklif edir.[10] Universitet hazırda 56 bakalavr dərəcəsi, 38 magistr dərəcəsi, 15 PhD dərəcəsi də daxil olmaqla cəmi 111 akademik dərəcə proqramı təklif edir. Universitet tam lisenziyalıdır və onun bütün proqramları Birləşmiş Ərəb Əmirliklərinin Ali Təhsil və Elmi Tədqiqatlar Nazirliyinin Akademik Akkreditasiya Komissiyası tərəfindən akkreditasiya edilmişdir.[11]
Tibb və Sağlamlıq Elmləri kampusunda yerləşən və regiondan olan cərrahlar üçün təlim proqramı təklif edən Şarja Cərrahiyyə İnstitutu beynəlxalq tərəfdaşların əməkdaşlığı ilə yaradılmışdır.[10]
Klinik Tədris Mərkəzi İngiltərə Kral Cərrahlar Kolleci, Beynəlxalq piylənmə və metabolik xəstəliklərin Cərrahiyyə Federasiyası, Avropa Endoskopik Cərrahiyyə Assosiasiyası, Amerika ürək xəstəlikləri Assosiasiyası və Birləşmiş Ərəb Əmirliklərinin Səhiyyə Nazirliyi tərəfindən tibbi təlim və sınaq mərkəzi kimi akkreditə olunub.[10]
Elmi-tədqiqat İnstitutları və Departamentləri:
- Tibb və Sağlamlıq elmləri tədqiqat institutu[12]
- Mühəndislik elmləri tədqiqat institutu
- Humanitar və Sosial elmlər üzrə tədqiqat institutu
- Tədqiqatların maliyyələşdirilmə departamenti
- Elmi Nəşriyyat departamenti
- Tədqiqatların təşkilatı departamenti
İdman departamenti tələbələrin Şarja Universitetində müxtəlif idman və digər istirahət fəaliyyətlərində iştirakını tənzimləyir. Universitet kişilər və qadınlar üçün idman mərkəzi, üzgüçülük hovuzu, idman zalı ilə təchiz olunub.
Universitet idman sahəsində fərqlənən tələbələrə qrantlar və təqaüdlər verir. İdman departamenti tərəfindən təşkil edilən idman fəaliyyətlərinə üzgüçülük, voleybol, karate, atıcılıq, aerobika, yoqa, stolüstü tennis, şahmat, bilyard, futbol və basketbol daxildir.
- ↑ 1 2 "University of Sharjah: General Information"
- ↑ "Sultan praises University of Sharjah for leading role in higher education". KhaleejTimes. February 10, 2011 tarixində orijinalından arxivləşdirilib. İstifadə tarixi: September 11, 2012.
- ↑ "H.H. Sheikh Dr. Sultan Inaugurates UOS campus in Kalba". University of Sharjah. may 2, 2015 tarixində orijinalından arxivləşdirilib. İstifadə tarixi: sentyabr 11, 2012.
- ↑ "AL Dhaid". University of Sharjah. Nov 5, 2015 tarixində arxivləşdirilib. İstifadə tarixi: Dec 6, 2024.
- ↑ "Dr. Sultan Inaugurates University Hospital and University Dental Hospital at UOS". University of Sharjah. may 2, 2015 tarixində orijinalından arxivləşdirilib. İstifadə tarixi: sentyabr 11, 2012.
- ↑ "HH Dr. Sheikh Sultan Al-Qasimi inaugurates "Stock Market Virtual Screen" project at UoS" (PDF). Emirates Securities and Commodities Authority. İstifadə tarixi: August 13, 2013.[daimi ölü keçid]
- ↑ "Sharjah Ruler appoints Sultan bin Ahmed as President of UoS". Emirates News Agency. 6 December 2021.
- ↑ 1 2 "Campus Facilities". University of Sharjah. sentyabr 25, 2012 tarixində orijinalından arxivləşdirilib. İstifadə tarixi: sentyabr 15, 2012.
- ↑ "RSultan inaugurates new library in Sharjah". Gulf News. 24 March 2013. İstifadə tarixi: August 13, 2013.
- ↑ 1 2 3 "Accreditation". University of Sharjah. May 15, 2015 tarixində orijinalından arxivləşdirilib. İstifadə tarixi: September 29, 2012.
- ↑ "Institution Information". Commission For Academic Accreditation. August 12, 2020 tarixində orijinalından arxivləşdirilib. İstifadə tarixi: September 29, 2012.
- ↑ "Medical Research". University of Sharjah. yanvar 10, 2013 tarixində orijinalından arxivləşdirilib. İstifadə tarixi: yanvar 31, 2013.